A maa nyǝn? Nǝn Yahudawagɔ nǝn laa Bʌtʌbɔ ka? Ɔ ɔ mɨ nyɔ! Jʊ a bwɨɨ galɨgǝn nǝ do Yahudawagɔ jǝbɔ Bʌtʌbɔ nǝngɔ pʌd jinɔ bwɨlangkɛlɔ maa fɔlɔn nɛ a dul jin.
Mʊlalɨ kɛl Kwaamaɨ a sʊwa gɔ yooligɔ gwam gǝ na a mʊgɔ bwɨlangkɛl. N wɛ a bwɨɨ? Sǝ swatǝm yaa nɨ Kwaama a maa a dul nǝtǝm bɨlǝngkɛl a daa Yesu Kiristi woi, a bɛ nǝb nɨ gǝm a nǝ bɨlǝngkɛlɨ.
Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.