Roma 3:21 - Dadiya NT

²¹ Kǝngkǝnɨ, kaa gola nyatǝm dǝngdǝng Kwaamaɨ wo, ke bɔ a gola diil, wʊnɨ langǝn bwangǝntɨn Musaɨ jǝbɔ a nǝbkuwotǝmkǝgagɨɨ a nǝ nyiyo a dul gǝnɨ.

Roma 3:21 ပူးပေါင်းရင်းမြစ်များ

Luka 24:44

Nǝngɔ a sʊwa ji gɔ, “Jʊ nɨ n jʊ mǝ sʊwa jen kwama nɨ bǝ dakinii, jǝ yii yii kɛl nɨ ja sʊwa a dul mɨɨ a mʊgɔ diil Musaɨ, jǝbɔ a nǝbkuwotǝmkǝgagɨɨ, jǝbɔ nafɨ Zaburaɨ.”

Yohana 1:45

Filibus a nya Nataniyel nǝngɔ a sʊwa gǝn gɔ, “Nǝ nya nʊ nɨ jǝ mʊla fulon kɛl gǝnɔ a diil Musaɨ jǝbɔ langǝn bwangǝn nǝbkuwotǝmkǝgagɨɨ, gɔ, nǝn Yesu bwɛ Nazarat, bʊla Yusufui.”

Maajɨ Bɛtɔ Twamagɨɨ 10:43

Nǝbkuwotǝmkǝgagɔ gwam ja sʊwa kɛl a dul gǝn, gɔ a mʊgɔ dun gǝn nʊ nɨ gwam a nǝ bɨlǝngkɛlɨ, nya nya kǝlǝmtǝm bwɨlangkɛltɨn.”

Maajɨ Bɛtɔ Twamagɨɨ 15:11

Mɨ nyɔ! Bǝ nǝ bɨlǝngkɛl bǝngɔ n gola lǝma Tɛlalɔ Yesui bǝ nya bʊʊtǝmɨ, kanga ja nya tʌjii.”

Maajɨ Bɛtɔ Twamagɨɨ 26:22

Kwaama a tɨka ɨ a ba la nǝn dwiyeni, n jʊ a bwɨ mǝ fɔ mǝ sʊwa dʊʊmɔ lɛ jǝbɔ bɛtɨɨ. Ke bɔ kaa jǝl nǝn kwan mǝ sʊwa lɛɨ. N jʊ nǝbkuwotǝmkǝgagɔ jǝbɔ Musa ja sʊwa gɔ bwɨ bwɨɨ.

Maajɨ Bɛtɔ Twamagɨɨ 28:23

Ja ya kumɔ ba jǝ mʊrkam lɛɨ, nǝngɔ ja bɛ a daa nɨ ga shigʌmi, ja bɛ a lada dangǝn. Jʊ a ta a kumsʌl a yɔ nǝn a kwaamɨɨ, fɛta ji kɛlɔ lɛ a dul fɔlɔn lɔ Kwaamaɨ, swɨ lɛ a gʊ ji a daa Yesu woi a gola diil Musaɨ jǝbɔ a langǝn bwangǝn nǝbkuwotǝmkǝgagɨɨ.

Roma 1:17

Fulon kɛl lǝmɨ nɨ a nʊng kanga Kwaama a dǝg nǝbɔ a yǝlam dǝngdǝng a daa gɔ woi a gola nǝtǝm bɨlǝngkɛl a tǝltǝmɔ gǝm a yɔ nǝn a dɨltǝmɨ, kanga ja mʊla gɔ, “Nʊ nɨ n nǝ dǝngdǝng a gola nǝtǝm bɨlǝngkɛlɨ, nya nya kʊlɨ.”

Roma 1:2

Fulon kɛl lǝmɨ nɨ Kwaama a maa swatǝm yaa gǝnɔ galɨgǝn a nyiyo nǝbkuwotǝmkǝga gǝnɨ, kanga ja mʊla a mʊgɔ langǝn bwangǝntɨn Kwaamaɨ sagsagɨ.

Roma 16:26

Jǝ yʊtǝm nɨ ja sʊwa Bʌtʌbɔ gwamɨ. Kwaama nɨ mɨ dɨtǝm woi, a nǝ nǝbkuwotǝmkǝgagɔ diil gɔ ja mʊla a dul fulon kɛl lǝmɨ nɨ, sǝ yooligɔ gwam a jǝla a bwangtǝn Kwaama sǝ ja nǝ bɨlǝngkɛl.

Roma 3:28

Jʊ a bwɨɨ, bǝ do n gola nǝtǝm bɨlǝngkɛl nǝfili a yǝlam dǝngdǝngɨ, n ke bɔ kɨlatǝm diil.

Roma 5:19

Kanga nǝbɔ a lada a yǝlam nǝb bwɨlangkɛl a gola nʊ nɨ win a kɔ bwangtǝm jʊ ja sʊwa gǝnɨ, na nyɔ nǝbɔ a lada yǝlam yǝlam nǝb dǝngdǝng a gola nʊ nɨ win a bwangtǝn jʊ ja sʊwa gǝnɨ.

Roma 5:21

Kanga bwɨlangkɛlɔ a maa fɔlɔnɔ a gola bwaaɨ, na nyɔ tag lǝma Kwaamaɨ maa fɔlɔnɔ a gola dǝngdǝng, sǝ a nǝ bǝn kʊlɨ nɨ mɨ dɨtǝm woi a gola Yesu Kiristii, Tɛlalɔ bǝn.

Roma 9:30

N wɛ bǝ sʊwa lɛ tagɨ? Nǝb nɨ n Bʌtʌb ja saa bɔ dǝngdǝng Kwaamaɨ n wɔ ja nya. Ja nya dǝngdǝng nɨ a gola nǝtǝm bɨlǝngkɛl.

1 Korinti 1:30

Nǝn Kwaama a dǝg jǝ́ yǝlam a mʊgɔ Kiristi Yesui. Nǝn Kwaama tag a dǝg Kiristi a yǝlam nǝ yʊlan a daa bǝn woi. N daagɔ Kiristi woi bǝ nya dǝngdǝng Kwaamaɨ lɛɨ, sagsag Kwaamaɨ jǝbɔ jǝgtǝm dul.

2 Korinti 3:9

Na maajɨ swatǝm yaa galɨ nɨ a bɛ nǝn mwɛlɨ n jǝ dʊʊlǝnɨ, maajɨ swatǝm yaa fɨ nɨ bɛ lɛ nǝn dǝngdǝng Kwaamaɨ a laa dʊʊlǝn dangǝn!

2 Korinti 5:21

Gǝ nɨ a maa bɔ bwɨlangkɛlɨ, Kwaama a dǝg gǝn a yǝlam nǝ bwɨlangkɛl a kɛl dul bǝn, sǝ bǝ nya yotǝm Kwaamaɨ a gola gǝn.

Galatiya 3:8

Kɛl Kwaamaɨ a kwɛl a mʊla mʊlaɨ sʊwa lɛ gɔ, Kwaama dǝg dǝg Bʌtʌbɔ a yǝlam nǝb dǝngdǝng a gola nǝtǝm bɨlǝngkɛl a daa gǝ woi. N jʊ a bwɨ galɨgǝn ja kiyo Ibrahim gǝm fulon kɛl lǝmɨgɔ gɔ, “N dul mʊn nǝbɔ yoolii nɨ gwam nya bwili lɛɨ.”

Galatiya 5:5

Bǝ yam lɛ, bǝ ya nǝl lɛ a gola kwaan Yʊwa Kwaamaɨ, Kwaama dǝg bǝn dǝg bǝ yǝlam nǝb dǝngdǝng, a kɛl dul nǝtǝm bɨlǝngkɛl.

Filibii 3:9

sǝ n yǝlam win nǝbɔ gɔ. Mǝ ya bɔ nǝl mǝ mǝ nǝ dǝngdǝng a gola bwangtǝm diil, na ke bɔ a gola nǝtǝm bɨlǝngkɛl a dul Kiristii. N dǝngdǝng nɨ a daa Kwaama woi bɛ lɛ nǝn nǝtǝm bɨlǝngkɛlɨ.

1 Bitrus 1:10

Nǝbkuwotǝmkǝgagɔ a sʊwa kɛl a dul lǝma nɨ wʊnɨ yǝlam a jen nɛɨ, ja maa dʌngtǝm nǝn bɨlǝngǝn a nyatǝm bʊʊlɨ nɨ gǝm.

2 Bitrus 1:1

Nǝmǝ mǝ Saminu Bitrus, bwɛ jwaalɛ Yesu Kiristii jǝbɔ bwɛ twama gǝn tag. Mǝ mʊla langǝn bwangǝn nɨ mǝ tʊng a yɔ a daagɔ nǝb nɨ a nya nǝtǝm bɨlǝngkɛlɨɨ, wʊnɨ win jǝbɔ a nǝnɔ nǝn nya a gola dǝngdǝng Yesu Kiristii, wʊnɨ n Kwaama bǝn jǝbɔ Nǝbʊʊlɨ bǝnɨ.