Roma 3:2 - Dadiya NT

² Gǝ maa maa nyɔ a golantɨnɔ a lada! Nǝn tɨkǝga Yahudawagɔ nǝji Kwaama a jǝla nǝn ji a nǝ ji kɛl gǝnɨ.

Roma 3:2 ပူးပေါင်းရင်းမြစ်များ

Yohana 5:39

Jǝ́ tɨtǝn kiyotǝm mʊlalɨ kɛl Kwaamaɨ, jʊ a bwɨɨ a kuwotǝm jenɔ gǝmɨ, jǝ́ nya nya kʊlɨ nɨ mɨ dɨtǝm woi a daa ji woi. Kɛl mʊlalɨtɨn Kwaamaɨ nɨ, nǝji jǝ sʊwa kɛl lɛ a dul mɨɨ.

Maajɨ Bɛtɔ Twamagɨɨ 7:38

Nǝn gɔ a mʊgɔ nǝb nɨ a mʊrka a kuuli. Nǝn gɔ dakini jǝbɔ bwɛ twama Kwaamaɨ nɨ a sʊwa gǝn kɛl a dʌbʌl Yem Sinaii. Nǝn gɔ dakini jǝbɔ tʊgalam bǝnɨ. Nǝn gɔ a yo kɛl kʊlɨ nɨ a bɛ bǝm nǝnɨ.

Roma 1:2

Fulon kɛl lǝmɨ nɨ Kwaama a maa swatǝm yaa gǝnɔ galɨgǝn a nyiyo nǝbkuwotǝmkǝga gǝnɨ, kanga ja mʊla a mʊgɔ langǝn bwangǝntɨn Kwaamaɨ sagsagɨ.

Roma 2:18

na ń kwɛl ń nyǝm jʊ swɨ lɛɨ, mʊ nyǝm kanjǝlɔ lɛ dǝngdǝngɨ, kanga mʊ nyǝm diili,

Roma 3:1

Yahudawagɔ nǝn kaa jǝl wʊnɨ ja laam Bʌtʌbɔ nǝnɨ ka? N wɛ biyotǝm mwɛnɔ gǝ sʊ lɛɨ?

Roma 3:3

Maa nyǝn na kaamɨ n nǝb jatǝm swatǝm yaaɨ? Jatǝm swatǝm yaa jinɔ kal kal tatǝm swatǝm yaa Kwaamaɨ ka?

Roma 9:4

Jǝ nǝbɔ Israilaɨ, n nǝbɔ Kwaama a dǝg ji ja yǝlam bɛtɔ lɔ gɨɨ, a nʊng ji dʊʊlǝn gǝnɨ, a maa jim swatǝm yaa gǝnɨ, a nǝ ji diil gǝnɨ, a nʊng ji gola bǝlátǝm gǝnɨ, a maa jim tangǝn swatǝm yaatɨnɔ, pʌd na a ji.

1 Korinti 9:17

Na na n swɨtǝm mɨɨ, na jǝ ywa ɨ ywa ɨ. Ke bɔ swɨtǝm mɨ, mǝ maa jʊ nɨ Kwaama a nɨ ɨ tatǝm gǝnɨ.

2 Korinti 5:19

Jʊ nɨ gǝ nʊng gɔ nǝn Kwaama nǝn kang gǝn gǝ dɔ kʊm yooligɔ lɛ jǝbɔ gɨɨ, a gola Kiristii. Mɨ gǝ kiyo bwɨlangkɛl jinɔ lɛ a dul jin. Nǝn gɔ a nǝ nǝn kɛl dɔtǝm kʊm nǝbɨɨ.

Galatiya 2:7

Ji ja kuwo kanga Kwaama a nɨ ɨ maajɨ kiyotǝm fulon kɛl lǝmɨ a daagɔ nǝb nɨ a biyo bɔ mwɛnɨ, kanga a nǝ Bitrus kiyotǝm fulon kɛl lǝmɨ a daa nǝb nɨ a biyo mwɛnɨ.

1 Timoti 6:20

Timoti, bɛ ń dʌng jʊ nɨ Kwaama a nǝ ń gɔ ń dʌngi. Bɛ ń tɨ a kʊta kʊtaɨ a sʊwalatǝm kɛltɨn nɨ bɛ lɛ nǝn kaltǝm kɛl Kwaamaɨ, jǝbɔ gʊbkatǝm nɨ jǝ jo lɛ gɔ n nyǝmtǝmɨ, wʊnɨ n gabakɛlɨ.

Ibranii 5:12

Kǝngkǝnɨ na a bʊm nyɔ jǝ́ yǝlam nǝb mɛlalɨ sul, jǝ́ saa lɛ kaa nǝl a yǝla a mɛla jem kɛltɨn tǝltǝm kɛl Kwaamaɨ tag. Jǝ nǝ jen yʊl, ke bɔ jǝjalǝn nɨ a kwamɨ.

1 Bitrus 4:11

Pʌd nʊ nɨ nǝtǝm gǝnɔ n kiyotǝm kɛlɨ, bɛ ga kiyo kɛl Kwaamaɨ. Nʊ nɨ pʌd maa tɨkalɨ lɛɨ, bɛ ga maa nǝn kwaan nɨ Kwaama a nǝ gǝnɨ, sǝ a mʊgɔ kanjǝlɔ gǝm gwam jǝ́ dʊʊl Kwaama a gola Yesu Kiristii. Bɛ dʊʊlǝnɔ, jǝbɔ fɔlɔnɔ a ta tʌgo gwanggwang a daa gǝ woi mɨ dɨtǝm wo. A daa nyɔ!

Dʊgam Nyangnyang 19:10

Nyʊwatǝm jʊ nɨɨ, nǝngɔ mǝ jʊng a tǝm sǝ n maa gǝm bǝlátǝmɨ. Nǝngɔ a sʊwa ɨ gɔ, “Ka ń maa lɛ nyɔ! Mǝ bwɛ jwaalɛ na jen, jǝbɔ kɛtǝlam mʊnɔ, nǝb nɨ nǝ nyiyo lɛ a kɛl Yesui. Jǝ́ bǝlá Kwaamagɔ! Jʊ a bwɨɨ bɨlǝngkɛlɔ Yesu a nʊngɨ, nǝn gɔ a nǝ kwaan maatǝm maajɨ kuwotǝmkǝgagɨɨ.”

Dʊgam Nyangnyang 22:6

Nǝngɔ bwɛ twama Kwaamaɨ a sʊwa ɨ gɔ, “Kɛltɨn nɨ mʊ nyʊwaɨ, n bɨlǝngǝn, bɛ ń ya nǝl wo. Tɛlalɔ, Kwaama wʊnɨ a nǝ nǝbkuwotǝmkǝgagɔ Yʊwa gǝnɨ, a twam bwɛ twama gǝnɔ sǝ a nʊng bɛtɔ jwaalɛn gǝnɔ gɔ kanjǝl nɨ mɨ nyǝmatǝm wo bwɨ bwɨ mɨsɔ kʊta lɛ.”