Roma 3:19 - Dadiya NT

¹⁹ Bǝ kwɛl bǝ nyǝm nyǝmɨ jʊ nɨ gwam diilɔ a sʊwaɨ, gɔ a yɔ nǝn nǝb nɨ a mʊgɔ gǝnɨ, jʊ a bwɨɨ sǝ a tɨ nǝn tabatǝm fɨɨ nǝbɨɨ, sǝ yooli nɨ gwam a nyǝm jǝ na a mʊgɔ borang Kwaamaɨ.

Roma 3:19 ပူးပေါင်းရင်းမြစ်များ

Yohana 15:25

Jʊ nɨ a bwɨ sǝ ja yii kɛl nɨ ja mʊla a diil jinɔ gǝmɨ gɔ, ‘Ja kɔ ɨ mɨ nǝn kǝga kɛl.’

Yohana 8:9

Ja nyʊwa nyɨɨ, nǝngɔ ja tǝl jelatǝmɔ win wini, a tǝl nǝn dʊʊmɔ a yɔ nǝn a bɛtɨ gǝmɨ, ba bǝla Yesu jǝbɔ nɔɔlɨ nɨ tɨm a kǝga gǝnɨ.

Roma 1:20

A fwaltǝm yooligɔ gǝm a bɛ nǝn a kǝngkɨɨ, kanjǝl bʊmɨ Kwaamaɨ nɨ mɨ jǝ kuwo lɛɨ, kwaan gǝnɔ nɨ mɨ dɨtǝm woi, jǝbɔ yɨm gǝnɔ, ja kuwo nyangnyang ja nyǝm a gola kanjǝl nɨ ga fwalɨ. A dul kɛl nɨ nǝb nɨ mɨ ji nǝn tabatǝm fɨɨ.

Roma 3:2

Gǝ maa maa nyɔ a golantɨnɔ a lada! Nǝn tɨkǝga Yahudawagɔ nǝji Kwaama a jǝla nǝn ji a nǝ ji kɛl gǝnɨ.

Roma 3:23

Jʊ a bwɨɨ nǝfitʌmɔ gwam a maa bwɨlangkɛl, ja gɨya tag a dʊʊlǝn Kwaamaɨ.

Roma 3:4

Ɔ ɔ mɨ nyɔ! Bɨlǝngǝn Kwaama n Nǝ dǝngdǝng, mɨ nyǝmatǝm wo. Nǝbɔ gwam n nǝb gabakɛl. Kanga a mʊla mʊlaɨ gɔ, “Na ń sʊwa kɛlɨ, jǝ nya n bɨlǝngǝn, mʊ ja ja kɛl mʊnɔ na ja yɔ nǝn mɔ a kan borangɨ.”

Roma 3:9

A maa nyǝn? Nǝn Yahudawagɔ nǝn laa Bʌtʌbɔ ka? Ɔ ɔ mɨ nyɔ! Jʊ a bwɨɨ galɨgǝn nǝ do Yahudawagɔ jǝbɔ Bʌtʌbɔ nǝngɔ pʌd jinɔ bwɨlangkɛlɔ maa fɔlɔn nɛ a dul jin.

1 Korinti 1:29

Kwaama a maa jʊ nɨ kage kaa nǝl a maa lɨyal a kǝga gǝn.

Galatiya 3:10

Nǝb nɨ gwam kuwo lɛ gɔ Kwaama yo ji yo a gola bwangtǝm diili, ja lag ji. Mʊlalɨ kɛl Kwaamaɨ a sʊwa gɔ, “Gwam nʊ nɨ a bwangtǝn bɔ jʊ nɨ gwam ja mʊla a langǝn bwangǝn mʊlalɨ diilɔ gǝmɨ, ja lag gǝn.”

Galatiya 4:21

Bɛ jǝ́ sʊwa ɨ, jen nɨ jǝ́ swɨ lɛ jǝ́ bwangtǝn diil Musaɨ, jǝ́ nyʊwa bɔ jʊ diil Musaɨ a sʊwaɨ ka?

Galatiya 4:5

A maa nyɔ sǝ a jǝg dul nǝb nɨ a mʊgɔ diili, sǝ a dǝg bǝn bǝ yǝlam bɛtɔ lɔ Kwaamaɨ.

Galatiya 5:18

Na Yʊwagɔ yɔ lɛ nǝn jeni, diilɔ mɨ nǝn kwaan a dul jen.