Roma 2:5 - Dadiya NT

⁵ N wɔ bǝngɨ lɔl mʊnɔ jǝbɔ nǝl mʊnɔ nɨ a jǝla bɔ fɛkalɨɨ, mʊ sʊ dul mʊnɔ gǝm nabwɨl Kwaamaɨ lɛ nǝn kɔkɔ nɨ ja nʊng gɔ borang Kwaamaɨ nɨ n dǝngdǝngɨ.

Roma 2:5 ပူးပေါင်းရင်းမြစ်များ

Roma 1:18

Kwaama a nʊng nabwɨl gǝnɔ a dʌbʌl a dul nǝb nɨ a kɔ bwangtǝm gǝnɨ jǝbɔ nǝb maatǝm bwɨlangkɛlɔ. Nǝb nɨ n nǝbɔ jǝ bǝm bɨlǝngkɛl lɛ a gola bwɨlangkɛl jinɔ gǝmɨ.

Roma 11:25

Kambɔ, mǝ swɨ lɛ jǝ́ nyǝm kaam kanjǝl nɨ ja yʊ yʊɨ, kage ya jǝ́ gung dul lɛ. Kaam nǝbɔ Israilaɨ n nǝb kwamǝn dul, a yɔ nǝn a kwama nɨ ladatǝm Bʌtʌb nɨ a nyǝm Kiristii a yii.

Roma 9:22

Kwaama swɨ lɛ a nʊng nabwɨl gǝnɔ jǝbɔ kwaan gǝnɔ, a dul nǝb nɨ a la jʌtǝmɨ. A na nyɔ a kʊ nǝl jǝbɔ ji.

2 Korinti 5:10

Gwam bǝnɔ bǝ tɨ tɨ a kǝga Kiristii sǝ a maa bǝm borang, sǝ bǝ nya ywatǝm maajɨgɔ bǝ maaɨ, nǝn kwama bǝn a mʊgɔ bʊtɔ nɨɨ, kɛna na a nyaɨ, kɛna ke bɔ a nyaɨ.

2 Tasalonikaɨ 1:5

Jʊ nɨ gwam gǝ nʊng gɔ borang Kwaamaɨ n dǝngdǝng, n gola nɨ jǝ kiyo jen nɛ a mʊgɔ nǝb nɨ a daa tʌgo a fɔlɔn lɔ Kwaamaɨ, wʊnɨ jǝ́ nɔɔ gaalan nɛ a dul gǝnɨ.

Ibranii 3:13

Ya jǝ́ kʊʊka nǝl lɛ kwangkwang, kanga kaa kwama wo jǝ jo lɛ gɔ, “Dwiyeni,” kage bwɨlangkɛlɔ a swag kaam jenɔ ja maa bǝngɨ lɔl.

Ibranii 3:15

Kanga ja sʊwa gɔ, “Dwiyen na jǝ́ nyʊwa diil gǝnɨ, ka jǝ́ maa lɛ bǝngɨ lɔl, kanga jǝ́ maam nǝn kwama jǝ́ kɔm bwangtǝm diil Kwaamaɨ.”

Ibranii 4:7

Nǝngɔ tag a yǝla a ya kaa kumi, a jo gɔ, “Dwiyen.” Joltɨnɔ a gǝlala a shui, a sʊwa kɛl a nyiyo Daudaɨ kanga ja kwɛl ja sʊwa gɔ, “Dwiyen, na jǝ́ nyʊwa diil gǝnɨ, ka jǝ́ maa lɛ bǝngɨ lɔl.”

Yakubu 5:3

Kemʌn mʊn jenɔ jǝbɔ maalʊ jenɔ a ga bwatɛ. Bwatɛ nɨ nǝn gɔ nǝ nyiyo lɛ a dul jeni, wʊnɨ ja bʊtɔ jenɔ lɛ na kǝlaɨ. Jǝ́ mʊr dul jenɔ gǝm shilo a kum dɨltǝm nɨɨ.

2 Bitrus 2:9

Mʊsǝn kɛl nɨ gǝ nʊng bǝn gɔ, Tɛlalɔ a nyǝm kanga gǝ jǝgǝm nǝb nɨ lɛ nyʊwa taal gǝnɔ lɛɨ a tɛltǝmɨ. A nyǝm kanga ta nǝb nɨ lɛ mɨ dǝngdǝngɨ sǝ a mwɛ ji nǝn kwama jǝ yam di mwatɨtǝm borangɔ lɛɨ.

2 Bitrus 3:7

N gola sʊwatǝm kɛl Kwaama a ya dʌbʌlɔ jǝbɔ tǝmɔ kǝngkǝnɨ sǝ kǝlagɔ ba twɨ jii. Kwaama a ya ji, sǝ a la nǝn a di kɔkɔ nɨ gǝ maa nǝb nɨ gǝm mɨ nyʊwa taal gǝnɔ lɛɨ gǝm biyotǝm borangɨ, sǝ gǝ kal ji.

Yahuza 1:6

Bɛtɔ twama Kwaamaɨ nɨ a kɨla bɔ dʊʊn jinɔ, ja bǝla daa yɨm dʊʊn jini, a kubʌl ji nǝn golman nɨ mɨ dɨtǝm woi a daa kumtojili, ba la nǝn ji a gʌleng kum borang nɨɨ.

Dʊgam Nyangnyang 2:21

N nǝ gǝn gola sʊwatǝm ga yǝla ga bǝla bulon gǝnɔ, a kɔ.

Dʊgam Nyangnyang 6:17

jʊ a bwɨɨ, gʌleng kɔkɔ nabwɨl jinɔ a bɛ. Nuwo mwɨ lɛ a tɨɨ?”