Roma 2:4 - Dadiya NT

⁴ Mʊ soga soga yotǝm lǝma gǝnɔ nɨ a lada nyɨɨ jǝbɔ kʊtǝm nǝl gǝnɔ ka? Mɔ nyǝm bɔ n lǝma Kwaamaɨ a gʊ ń, mʊ yǝla mʊ bǝla bwɨlangkɛl mʊnɨ ka?

Roma 2:4 ပူးပေါင်းရင်းမြစ်များ

Roma 10:12

Mɨ nʊngtǝm wo nǝn dʌmʌn a kʊm Yahudawagɨɨ jǝbɔ Bʌtʌbɔ. Tɛlalɔ nǝn gɔ Tɛlalɔ nɨ win gwamɨ, nǝn gɔ nǝ bwili lɛ a ladaɨ a nǝb nɨ a yɔ nǝn keli jinɔ a daa gǝ woi.

Roma 11:22

Dʌng kanga Kwaama a nʊng bʊnatǝmɔ, a nǝ gaalanɨ. A nǝ gaalanɔ a nǝb nɨ a yala yalaɨ. A ji bʊnǝn mʊnɔ, na ń ja kǝga a mʊgɔ gǝnɨ. Na mɨ nyɨɨ, mʊ tǝmʊn mwatɨ ń mwatɨ ń.

Roma 11:33

Dʊʊlǝn Kwaamaɨ, jǝbɔ yʊlan gǝnɔ, jǝbɔ nyǝmtǝm gǝnɔ, a laa kwaan! Biyotǝm borang gǝnɔ a laa kwaan dʌngtǝm, golantɨn gǝnɔ a laa kwaan fɨɨtǝm!

Roma 3:25

Kwaama a tʊng Yesu Kiristi, a yǝlam tǝlatǝm tʊʊm twama na kǝlǝmtǝm bwɨlangkɛl. N gola nǝtǝm bɨlǝngkɛl a daa gǝ woi. Kwaama a maa nyɔ sǝ a nʊng dǝngdǝng gǝnɔ, jʊ a bwɨɨ galɨgǝn n bwatǝm nǝl gǝnɔ a mam nu a bwɨlangkɛltɨn nɨ ja kwɛl ja maaɨ.

Roma 6:1

N wɛ bǝ sʊwa lɛɨ? Bǝ ja kǝga nǝn maatǝm bwɨlangkɛlɔ, sǝ lǝma Kwaamaɨ a sʊtǝn ka?

Roma 6:15

Bǝ maa nyǝn? Bɛ bǝ maa bwɨlangkɛlɔ jʊ a bwɨɨ diilɔ mɨ nǝn kwaan a dul bǝn, n lǝma Kwaamaɨ nǝn kwaan a dul bǝnɨ ka? Ɔ ɔ, mɨ wo dǝm!

2 Korinti 8:2

Ji nɨ ja tɛl ji nǝn gaalan bwɨlaɨ, jǝ na a mʊgɔ bʊnǝn bwɨla tag, pʌd fulotǝm nǝl jinɔ a dǝg ji nǝtǝm nǝn nǝlɔ win.

Afisa 1:18

N maa keli tag mǝʊ, a yii mʊgɔ nǝl jenɔ nǝn yʊlan, sǝ jǝ́ nyǝm yatǝm nǝl nɨ a jo jen a dul gǝnɨ, jǝbɔ dʊʊlǝn kʊla gǝnɔ a dul nǝb sagsagɨɨ.

Afisa 1:7

N gola gǝn bǝ nya jǝgtǝm a dul tʊʊm gǝnɨ, bǝ nya kǝlǝmtǝm bwɨlangkɛltɨn a gola lǝma Kwaamaɨ a ladaɨ,

Afisa 2:4

Kwaama n nǝ jitǝm bʊnǝn, swɨ bǝn nɛ dangǝn.

Afisa 2:7

Kwaama a maa jʊ nɨ sǝ joltɨn nɨ bɛ lɛ a kǝgaɨ sǝ a nʊng shilo lǝma gǝnɔ nɨ mɨ dɨtǝm woi jǝbɔ jǝ nya a daa bǝn woi, a mʊgɔ Kiristi Yesui.

Afisa 3:16

N maa keli mǝʊ a mʊgɔ dʊʊlǝn shilo gǝnɔ gǝm bɛ ga sʊ jem kwaan a gola Yʊwa gǝn a nǝl jen,

Afisa 3:8

N maa dǝm sul a mʊgɔ tangǝn nǝb bwangtǝm Kwaamaɨ, nǝmǝ a nɨ ɨ lǝma nɨɨ, sǝ n kiyo Bʌtʌbɔ gǝm fulon kɛl lǝmɨ a dul Kiristii, wʊnɨ a shu kwaan kiyotǝmɨ.

Filibii 4:19

Kwaama mǝndɨ nǝn gɔ nǝ jen kanjǝlɔ lɛ gwam jǝ́ saa lɛɨ, a dʊʊlǝn nyatǝm gǝnɔ gǝm a mʊgɔ Kiristi Yesui.

Kolosii 1:27

Kwaama a kuwo a bʊm gǝ sʊwa nǝbam gǝnɔ gɔ shilogɔ jǝbɔ dʊʊlǝn Kiristi Yesui na a jen jǝ́ Bʌtʌbɔ. Jǝ yʊtǝm nɨ nǝn Kiristi. Gǝ na a kʊm jen, wʊnɨ nǝn gɔ n yatǝm nǝl jeni gɔ jǝ́ nya nya dʊʊlǝn gǝnɨ.

Kolosii 2:2

Swɨtǝm mǝndɨ ja kʊʊ jim nǝl, kanga ja mʊrka nǝl jinɔ a gola swɨkanɨ, sǝ ja nya bwili a nyǝmtǝm jʊ nɨ Kwaama a yʊ yʊɨ, wʊnɨ nǝn Kiristii.

1 Timoti 1:16

Kwaama a ji bʊnǝn mǝndɨ, sǝ Yesu Kiristi a nʊng nǝbɔ kʊtǝm nǝl gǝnɔ jǝbɔ mɨɨ, mǝ nɨ mǝ laa ji bwɨlangkɛlɨ. A maa nyɔ sǝ n yǝlam jǝ nʊngtǝm a kaam nǝb nɨ nǝ bɨlǝngkɛl lɛ a daa gǝ woi, ja nya kʊlɨ nɨ mɨ dɨtǝm woi.

1 Timoti 6:17

Nǝb shilo yooli nɨ kǝngkɨɨ, bɛ ń gʊ jim lɔl, ka ja gung lɛ dul, ka ja ya lɛ nǝl a shilo nɨ mɨsɔ tɨ lɛ a kʊtaɨ. Bɛ ja ya nǝl jinɔ a daa Kwaama woi, wʊnɨ nǝ bǝn kanjǝlɔ lɛ gwam na nyʊwatǝm lǝma bǝnɨ.

1 Bitrus 3:20

Nǝb nɨ galɨgǝn a bwangtǝn bɔ Kwaama a joltɨn Nuhui, Kwaama a kʊ nǝl nǝn ji nǝn kwama Nuhu swiyom tɨyamwɛng dʊʊnɔ lɛɨ. Nǝn kwama gɔ, nǝbɔ nǝn dǝm nyɔ a bʊʊɨ, nǝbɔ naalǝb a bʊʊ a gola mwɛɨ.

2 Bitrus 1:11

Maatǝmɔ nyɨɨ Kwaama yo jen yo nǝn fulotǝm nǝl a dɔtǝm fɔlɔn lɔ Tɛlalɔ bǝn Yesu Kiristii, Nǝbʊʊlɨ, fɔlɔn lɔ nɨ mɨ dɨtǝm woi.

2 Bitrus 3:15

Bɛ jǝ́ nyǝm bwatǝm nǝl Tɛlalɔ bǝnɨ, gǝ nʊng gǝ swɨ lɛ nǝbɔ a bʊʊ. Kɨla bǝn Bulus wʊnɨ bǝ swɨ lɛɨ, a mʊla jem nyɔ tǝgǝn a nyǝmtǝm nɨ Kwaama a nǝ gǝnɨ.

2 Bitrus 3:3

Nǝn tɨkǝga mǝ swɨ lɛ n bʊʊla jem a kumtɨn dɨltǝm, nǝb mogtǝmɔ jel jel, maa mogtǝmɔ lɛ, jǝ bwangtǝn wɛl bwɨlan jinɔ lɛ.

2 Bitrus 3:9

Tɛlalɔ mɨ gǝ tɨla lɛ nǝn swatǝm yaa gǝnɔ, kanga kaamɨ gǝ do tatǝm bʊtɔ lɛɨ. N nǝ bwatǝm nǝl a daa jen woi. A swɨ bɔ kaa nǝl a kala. Swɨ lɛ nǝbɔ gwam a yǝla a bǝla bwɨlangkɛl jinɔ.

Dʊgam Nyangnyang 2:21

N nǝ gǝn gola sʊwatǝm ga yǝla ga bǝla bulon gǝnɔ, a kɔ.

Dʊgam Nyangnyang 3:20

Mǝ wɔ mǝ tɨm a nyanga kan, mǝ ga lɛ. Na nʊ nɨ a nyʊwa diil mǝndɨ a wum nyanga kanɨ, mǝ dɔ dɔ a daa gǝ woi, sǝ n ja nǝbɔ gɔ, ga ja jǝbɔ mǝ.