Nǝn kwama Kwaamagɔ a jǝgǝm Shawului, nǝngɔ a dǝg Dauda a yǝlam fɔlɔ jini. Kwaama a sʊwa a dul Daudaɨ gɔ, ‘N nya Dauda bʊla Yessei, nǝn gɔ nʊ nɨ mǝ swɨ gǝn nɛ dangǝnɨ, wʊnɨ maa jʊ nɨ lɛ mǝ swɨ lɛɨ.’
Makajǝng jinɔ nʊng ji lɛ gɔ, jʊ nɨ diilɔ a sʊwa ji gɔ ja maaɨ, a mʊla mʊlaɨ a nǝl ji, nǝl jinɔ jǝbɔ bʊʊlalɨ jinɔ tuwo ji lɛ a kaa gola, kʌshi ji lɛ a kaa gola.
Nʊ nɨ n bwɛ Yahuda a mʊgɔ nǝlɨ, nǝn gɔ n bwɛ Yahuda nyanɨ. Biyotǝm mwɛn nyanɔ gǝ na a mʊgɔ nǝl, a mʊgɔ yʊwa, ke bɔ biyotǝm tɛ bʊtɔ. N nʊ nɨ Kwaama bǝlá gǝn nɛɨ, ke bɔ nǝfilii.
Kanga nɨ Kwaama win swar, dǝg nǝb biyotǝm mwɛnɔ lɛ a yǝlam dǝngdǝng a dul nǝtǝm bɨlǝngkɛlɨ, n kanga dǝg nǝb nɨ lɛ a biyo bɔ mwɛnɨ ja yǝlam dǝngdǝng a gola nǝtǝm bɨlǝngkɛl tʌjii.
Kwaama a maa jʊ nɨ sǝ kanjǝl nɨ dǝngdǝngɨɨ wʊnɨ diilɔ a sʊwa gɔ bǝ maaɨ, a nya yiitǝm a daa bǝn woi, bǝn nɨ ke bɔ yɨm bwangtǝm bʊtɔ bǝ maa lɛɨ, na a Yʊwagɨɨ.
Bɛ ń bʊʊla nǝn kwama nɨ mɔ a lɔ bwɛsǝnɨ, ń nyǝm Langǝn bwangǝntɨn sagsagɔ, wʊnɨ a tɨka ń a mɛla mʊn gola nyatǝm bʊʊtǝm a gola nǝtǝm bɨlǝngkɛl a mʊgɔ Kiristi Yesui.
N gola nǝtǝm bɨlǝngkɛl bǝ nyǝm gɔ n sʊwatǝm kɛl nǝn nyiyo Kwaama a fwal yooligɨɨ. Bǝ nyǝm tag Kwaama a fwal kanjǝl nɨ bǝ kuwo lɛɨ, a mʊgɔ kanjǝl nɨ mɨ bǝ kuwo lɛɨ.