Roma 2:20 - Dadiya NT

²⁰ mʊ nʊ nɨ mʊ ga nǝb nɨ lɛ a swɛla swɛlaɨ, mʊ mɛla bɛtɔ dwalǝnɔ gǝm lɛɨ, jʊ a bwɨɨ a mʊgɔ diilɔ mʊ nǝngǝn nǝn nyǝmtǝm jǝbɔ nyǝmtǝm bɨlǝngkɛl nyangǝn.

Roma 2:20 ပူးပေါင်းရင်းမြစ်များ

Matta 11:25

A kwama gɔ nǝngɔ Yesu a sʊwa gɔ, “Tɛtɛ, Tɛlalɔ dʌbʌlɔ jǝbɔ tǝmɔ, n buu mʊn kang mʊ yʊ nǝb yʊlanɔ jǝbɔ nǝb nyǝmtǝmɔ kanjǝl nɨɨ, mʊ nʊng bɛtɔ dwalǝnɨ.

Roma 2:19

na ń jǝla nǝn dul mʊnɔ mɔʊ mʊ nǝ tatǝm dwam kululʌmi, mʊ nyalǝm a kʊm nǝb nɨ a kumtojilii,

Roma 3:31

Bǝ kalǝm diilɔ a gola nǝtǝm bɨlǝngkɛl nɨ ka? Ɔ ɔ, mɨ nyɔ! N jǝlatǝm nǝn bǝ maaɨ.

Roma 6:17

Buutǝm kangɔ na a Kwaamaɨ. Galɨgǝn jǝ́ jwaalɛb bwɨlangkɛl. Kǝngkɔ jǝ́ bwangtǝn mɛlalɨ nɨ mǝ nǝ jeni nǝl jenɔ win.

1 Korinti 3:1

Kambɔ, mɨsɔ maa lɛ n sʊwa jen kɛl na nǝb nɨ a mʊgɔ Yʊwaɨ. Mǝ sʊwa jen na nǝb nɨ nǝn bʊʊlalɨ nǝfitʌmi, na bɛtɔ fetʌn a bwangtǝm Kiristii.

2 Timoti 1:13

Bɛ ń maa mɛlalɨ nǝn kɛl nyan nɨ mʊ nyʊwa a daa mǝ woi. Bɛ ń yɨ a mʊgɔ nǝtǝm bɨlǝngkɛl, jǝbɔ swɨkan a mʊgɔ Kiristi Yesui.

2 Timoti 3:5

Jǝ nǝngǝn nǝn duuli sagsag. Ja kɔ kwaan dʊʊn gǝnɔ wʊnɨ dǝg ji lɛ ja yǝlam sagsagɨɨ. Bɛ ń tɨ a kʊta kʊtaɨ a daagɔ nǝb nɨ woi.

Titus 1:16

Jǝ sʊwa nǝn nyiyo gɔ jǝ nyǝm Kwaama, a gola maajɨ jinɔ gǝm, ja kana nyǝmtǝm gǝnɔ. Ja yǝlam jǝ yǝlatǝm nǝl. Mɨ jǝ bwangtǝn Kwaama lɛ. Mɨ ji nǝn bʊmǝn wo dǝm a gola maajɨ nyan.

Ibranii 5:13

Nʊ nɨ jǝjalǝn gǝnɔ n yʊlɨ, a nyǝm bɔ mɛlalɨ nɨ n dǝngdǝngɨ. A maa na bwɛ feli.

Yakubu 3:1

Kɛtǝlam mɨ, ka kɔrɔ jenɔ ya yǝlam lɛ nǝb mɛlalɨ, jǝ́ nyǝm nyɔ bǝn nɨ bǝ maa mɛlalɨ lɛɨ, jǝ maa bǝm borang a shilo a laa a tangǝn nǝbɨɨ.

1 Bitrus 2:2

Kanga bɛtɔ fetʌnɔ swɨ mwɛ yʊl lɛɨ, jen tʌjen bɛ jǝ́ swɨ kɛl Kwaamaɨ nyangǝn, sǝ jǝ́ dʊʊl nǝn, sǝ a yɔ nǝn jen a nyatǝm bʊʊtǝm.