Roma 15:3 - Dadiya NT

³ Kiristi nǝn kang gǝn a maa bɔ swɨtǝm dul, kanga a mʊla mʊlaɨ gɔ, “Tuwol nɨ jǝ maa mʊn nɛɨ, gǝ tǝla a dul mɨ.”

Roma 15:3 ပူးပေါင်းရင်းမြစ်များ

Matta 10:25

A la nyɔ bwɛ mɛlalɨ a yǝlam na feyi gǝnɔ, bwɛ jwaalɛ na tɛlalɔ gǝnɔ. Na ja jo nǝ lɔngɔ gɔ, Baalzabuli, nǝbɔ a mʊgɔ lɔngɨɨ jǝ jo ji nǝn dun won?

Matta 26:39

A kʊwatǝn nǝn dǝm nyɨɨ, nǝngɔ a gǝla a jʊng, kǝga gǝnɔ a tǝm, a maa keligɨɨ gɔ, “Tɛtɛ mɨ, na daa daa tʌgo dǝngdǝngɨ, dem mɨ kʌshi gaalan nɨ mǝ nyʊwa lɛ nǝnɨ. Maa jʊ mʊ swɨ lɛɨ, ke bɔ jʊ mǝ swɨ lɛɨ.”

Matta 26:42

Nǝngɔ a yǝla a shu ya maa keli na yogɨɨ gɔ, “Tɛtɛ mɨ, na mɨsɔ mʊ dem mɨ kʌshi nɨ lɛ a dul mɨɨ, mʊ swɨ lɛ n nɔɔ mwɛ nɨ a mʊgɔ gǝnɨ, maa kanga mʊ swɨ lɛɨ.”

Matta 27:44

Nǝbkuum nɨ tʌji ja kʊʊ ji dakinii, ja sʊwala gǝn bwɨlang katɨ tʌji.

Yohana 15:10

Mǝ, n bwangtǝn diil Tɛtɛ mɨɨ. N yɨ a mʊgɔ swɨtǝm gǝn. Jen tʌjen, na jǝ́ bwangtǝn diil mǝndɨ, jǝ́ yɨ yɨ a mʊgɔ swɨtǝm mɨ.

Yohana 15:24

N maa kanjǝl nɨ mɨ nʊ nɨ wo a maaɨ. Na na mǝ maa bɔ kanjǝl nɨɨ, na ja nyǝm bɔ gɔ jʊ jǝ maaɨ, n bwɨlangkɛl. N wɔ kǝngkɔ ja kuwo kanjǝl nɨ mǝ maaɨ, kǝngkɔ ja kɔ ɨ, ja kɔ Tɛtɛ mɨ tag.

Yohana 4:34

Yesu gɔ, “Jǝjalǝn mǝndɨ nǝn gɔ sǝ n maa jʊ nɨ nʊ nɨ a twam ɨɨ swɨ lɛ gɔ n maaɨ, sǝ n tagǝm maatǝm maajɨ gǝnɔ.

Yohana 5:30

Mɨsɔ mǝ dwal lɛ n maa jǝl kwaamɨ. Mǝ maa borangɔ kanga Kwaama a sʊwa ɨ gɔ n maaɨ. Borang mǝndɨ n dǝngdǝng, jʊ a bwɨɨ ke bɔ swɨtǝm dul mɨ mǝ bwangtǝn nɛɨ, n swɨtǝm dul nʊ nɨ a twam ɨɨ.

Yohana 6:38

Jʊ a bwɨɨ, mǝ gǝla bɔ a kwama sǝ ba n maa jʊ nɨ nǝl mǝndɨ swɨ lɛɨ. Mǝ gǝla sǝ ba n maa jʊ nʊ nɨ a twam ɨɨ swɨ lɛɨ.

Yohana 8:29

Nʊ nɨ a twam ɨɨ, gǝ na jǝbɔ mǝ. A bǝla ɨ bɔ kwaamɨ, jʊ a bwɨɨ mǝ maa jʊ nɨ gǝ swɨ lɛɨ kwangkwang.”

2 Korinti 8:9

Jǝ́ nyǝm lǝma Tɛlalɔ bǝn Yesu Kiristii. N nǝ nyatǝm sul, a yǝlam nǝ bʊnǝn a kɛl dul jen, dɨsɔ jǝ́ yǝlam nǝb nyatǝm a gola bʊnǝn gǝn.

Filibii 2:5

Bɛ jǝ́ maa bʊʊlalɨ na a Yesu Kiristii a maaɨ,

Filibii 2:8

A yǝlam nǝfili, a shig dul gǝnɔ. A bwangtǝn Kwaama. A yɔ nǝn gɔ a bwaa. A bʊla bwaa na nǝ bwɨlangkɛl a dʌbʌl tɨya kʊʊtǝm!