Roma 13:8 - Dadiya NT

⁸ Bɛ ka jǝ́ ta lɛ jʊ nɨ a yǝlam a mɨbam nǝlɨ, na ke bɔ a swɨkanɨ. Nʊ nɨ swɨ fwalɨ yɨm gǝnɔ lɛɨ, a yii diilɔ.

Roma 13:8 ပူးပေါင်းရင်းမြစ်များ

Matta 7:12

Kwangkwang jǝ́ maa nǝbɔ gǝm kanga jǝ́ swɨ lɛ ja maa jemi. Wʊnɨ nǝn gɔ mɛlalɨ diil Musaɨ jǝbɔ a nǝbkuwotǝmkǝgagɨɨ.

Yohana 13:34

“N diil fɨ mǝ nǝ jen nɛɨ, bɛ jǝ́ swɨka a kʊm jen, kanga mǝ swɨm jen nɛɨ, jen tʌjen bɛ jǝ́ swɨka nyɔ a kʊm jen.

Roma 13:10

Na mʊ swɨ fwalɨ yɨm mʊnɔ lɛɨ, mɨsɔ mʊ maa gǝm shil lɛ. Swɨkanɔ nǝn gɔ yiitǝm diili.

Roma 13:7

Bɛ jǝ́ ywa nǝbɔ jʊ jǝ bwang jem lɛɨ. Nǝb kemʌn tǝmɔ, kemʌn tǝm jinɔ, nǝb kemʌn kanjǝlɔ, kemʌn kanjǝl jinɔ, nǝb nɨ a la nǝtǝm dʊʊnɨ, jǝ́ nǝ ji dʊʊn, nǝb nɨ a la wanatǝmɨ, jǝ́ wana ji.

Galatiya 5:14

Jǝ́ maa nyɔ, jʊ a bwɨɨ diilɔ win a mʊrǝm diilɔ gwamɨ, diil nɨ nǝn gɔ, “Bɛ swɨ fwalɨ yɨm mʊnɔ na dul mʊnɔ.”

Kolosii 3:14

Jʊ a laa jʊtǝb nɨ gwamɨ, bɛ jǝ́ do nǝl swɨkan, wʊnɨ a mʊr jen gwam jǝ́ yǝlam wini.

1 Timoti 1:5

Diil nɨ gǝ nʊng kɛl swɨkan, wʊnɨ jel lɛ a nǝl sagsagɨɨ, jǝbɔ bʊʊlalɨ nyan a mʊgɔ nǝl nɨ mɨ komtǝm woi, jǝbɔ nǝl nǝtǝm bɨlǝngkɛl dangǝn.

Yakubu 2:8

Bʊm bʊm na jǝ́ bwangtǝn diil fɔlɔn lɔ Kwaamaɨ, wʊnɨ ja mʊla a mʊgɔ mʊlalɨ kɛl Kwaamaɨ sʊwa lɛ gɔ, “Bɛ swɨ fwalɨ yɨm mʊnɔ na dul mʊnɔ.”

1 Yohana 3:10

Jʊ jǝ nyǝm bɛtɔ lɔ Kwaamaɨ lɛ nǝnɨ jǝbɔ bɛtɔ lɔ mammɨ nǝn gɔ, nʊ nɨ a maa bɔ jǝ dǝngdǝngɨ, ke bɔ a Kwaamaɨ, gǝ na nyɔ a nʊ nɨ mɨ swɨ kɨla gǝ lɛɨ.