Roma 13:7 - Dadiya NT

⁷ Bɛ jǝ́ ywa nǝbɔ jʊ jǝ bwang jem lɛɨ. Nǝb kemʌn tǝmɔ, kemʌn tǝm jinɔ, nǝb kemʌn kanjǝlɔ, kemʌn kanjǝl jinɔ, nǝb nɨ a la nǝtǝm dʊʊnɨ, jǝ́ nǝ ji dʊʊn, nǝb nɨ a la wanatǝmɨ, jǝ́ wana ji.

Roma 13:7 ပူးပေါင်းရင်းမြစ်များ

Matta 17:25

Nǝngɔ Bitrus a jǝla gɔ, “Ɔɔ, gǝ ywa ywa.” A dɔ mʊgɔ lɔngɨ, nǝngɔ Yesu a tǝl sʊwa lɛ gɔ, “Saminu, n wɛ mʊ kuwo a bʌtʌm kɛl nɨ gǝmɨ? Fɔlɔlɔmɔ gǝ yo kemʌn tǝmɔ a kang woi? Jǝ yo a daa bɛtɔ lɔ jii woi ka? Jǝ yo a kang kaam nǝbɨɨ ka?”

Matta 22:21

Nǝngɔ ja sʊwa gǝn gɔ, “Na a Kaisarɨ.” Nǝngɔ Yesu a sʊwa ji gɔ, “Jǝ́ nǝ Kaisar jʊ nɨ na a Kaisarɨ, jǝ́ nǝ Kwaama jʊ nɨ na a Kwaamaɨ.”

Markus 12:17

Nǝngɔ Yesu a sʊwa ji gɔ, “Jǝ́ nǝ Kaisar jʊ nɨ na a Kaisarɨ, jǝ́ nǝ Kwaama jʊ nɨ na a Kwaamaɨ.” Nǝngɔ ja ta kang a nyiyo a kɛl nɨ a garɨ.

Luka 20:22

N dǝngdǝng bǝ ywa Kaisar kemʌn tǝm ka? Ka bǝ ywa lɛ ka?”

Luka 20:25

A sʊwa ji gɔ, “Jǝ́ nǝ Kaisar jʊ nɨ a yǝlam a Kaisarɨ. Jǝ́ nǝ Kwaama jʊ nɨ a yǝlam a Kwaamaɨ.”

Luka 23:2

Nǝngɔ ja tǝl jǝ tuwo gǝn nɛ gɔ, “Nǝn nya balɨ nɨ kal nǝbɔ lɛ gɔ ka ja nyʊwa lɛ nǝb tǝmɔ. A kaa nǝbɔ gɔ ka ja ywa lɛ Kaisar kemʌn tǝm. Nʊng dul gǝnɔ lɛ gɔ gǝ nǝn Kiristi, fɔlɔ.”

Roma 12:10

A swɨtǝm kambɨɨ, bɛ jǝ́ swɨka dangǝn. A daa nǝtǝm dʊʊn, bɛ ń laa kɨla mɔ.

Roma 13:6

N jʊ a bwɨ jǝ́ ywa kemʌn tǝm lɛɨ, jʊ a bwɨɨ fɔlɔlɔmɔ jǝ maam Kwaama maajɨgɔ. Jǝ maa maajɨ nɨ lɛ kwangkwang.

Afisa 5:33

Bɛ balɨ a swɨ nwala gɔ kanga ga swɨm dul gǝnɨ. Bɛ nɔɔlɨ a nǝ bwɨla gɔ shigtǝm dul.

Afisa 6:5

Jǝ́ jwaalɛbɔ, jǝ́ bwang tɛlalɔtɨn jenɔ gǝm nǝn shigtǝm dul jǝbɔ taal, nǝn nǝl nyan, kanga jǝ́ bwang Kiristi gǝm lɛɨ.

1 Timoti 5:13

A bɨtǝnɨ jǝ mɛla mɛla yɨm nǝn kwan, nǝb dɔbatǝm lɔ. Ke bɔ yɨm nǝn kwan kwaagɔ. Ja yǝlam nǝb yʊʊlatǝm nǝbɨɨ, nǝb dǝnglatǝm kɛl, jǝ sʊwala kanjǝl nɨ lɛ a bʊm bɨɨ.

1 Timoti 5:17

Nǝb dʊʊm nɨ maa maajɨ lɛ dǝngdǝng a mʊrkalɨ nǝb bwangtǝm Kwaamaɨ, bɛ ja nǝ ji dʊʊn a lada, ja ywa ji dangǝn, a ga keli a nǝb dʊʊm nɨ kiyo kɛl Kwaamaɨ lɛɨ jǝbɔ mɛlalɨɨ.

1 Timoti 6:1

Gwam jwaalɛb nɨ nǝb bwangtǝmɨ, bɛ ja do tɛlalɔtɨn jinɔ a la nyɔ ja nǝ ji dʊʊn, kage ja kal dun Kwaamaɨ jǝbɔ mɛlalɨ bǝnɔ.

1 Bitrus 3:7

Jǝ́ batǝmɔ tʌjen, jǝ́ yɨ yɨm nyan jǝbɔ nɔɔtǝlam jenɔ, jǝ́ nǝ ji dʊʊn, jʊ a bwɨɨ, jǝ fatǝm nɨ mɨ nǝn kwaanɨ. Jen jǝbɔ nɔɔtǝlam jenɔ jǝ́ yo lǝma Kwaamaɨ nɨ n kʊlɨɨ, jǝ́ maa nyɔ ka kaa jǝl a kal keli jenɔ.