Roma 13:1 - Dadiya NT

¹ Bɛ pʌd jenɔ jǝ́ shig dul a nǝbɔ maa fɔlɔn nɛɨ. Mɨ kaa fɔlɔn wo na ke bɔ nǝn jǝlatǝm Kwaamaɨ. Pʌd nǝb maatǝm fɔlɔn nɨ bǝ nǝngǝnɨ, nǝn Kwaama a nǝ jii.

Roma 13:1 ပူးပေါင်းရင်းမြစ်များ

Matta 6:13

Bɛ ka ń yɔ lɛ nǝn bǝn a daa tɛltǝm. Bɛ ń jǝg bǝn a daa nǝ Bwɨlagɔ woi. [Jʊ a bwɨɨ, fɔlɔnɔ jǝbɔ kwaanɔ jǝbɔ dʊʊnɔ na a mɔ, mɨ dɨtǝm wo. A daa nyɔ.]’

Yohana 19:11

Yesu a jǝla gǝn gɔ, “Kwaan nɨ mʊ nǝngǝn a dul mɨɨ, n kwaan nɨ Kwaama a nǝ ńɨ. A kɛl dul jʊ nɨɨ, nʊ nɨ a dǝg ɨ a kang mʊnɨ, a laa ń bwɨlangkɛlɔ.”

Maajɨ Bɛtɔ Twamagɨɨ 2:41

Nǝb nɨ a jǝla nǝn kɛl Bitrusi, nǝngɔ ja yʊ ji mwɛ sagsagɨɨ. A di gɔ, ja nya nǝb bwangtǝmɔ a sʊ nǝbɔ fʊlkʊblǝn taal.

Roma 12:21

Bɛ ka jǝ́ bǝla lɛ shilɔ a ku jelʌn a dul jen. Bɛ jǝ́ ku jelʌn a dul shilɔ gǝm nǝn maatǝm jǝ nyan.

Roma 13:2

A dul kɛl nɨ, pʌd nʊ nɨ a kɔ shigtǝm dul gǝnɔ a nǝb maatǝm fɔlɔnɨ, a kɔ shigtǝm dul a jʊ Kwaama a yaɨ. Nǝb nɨ maa jʊ nɨ lɛɨ, jǝ maa jim maa borang.

Afisa 5:21

Bɛ jǝ́ nǝbka dul jenɔ a kɛl dul nǝtǝm Kiristii dʊʊn.

1 Timoti 2:2

Jǝ́ maa fɔlɔlɔmɔ gǝm keli jǝbɔ nǝb dʊʊmɔ, sǝ bǝ nya yɨm lǝma kʊlɨgɔ kwamɨgǝn, yɨm nɨ a daa tʌgo a kɛl Kwaamaɨ jǝbɔ yɨm sagsag.

Titus 3:1

Bɛ ń bʊʊla nǝbam mʊnɔ gǝm ya ja nǝ nǝb maatǝm borangɔ jǝbɔ nǝb fɔlɔnɔ dʊʊn nɛ. Ya ja bwangtǝn kɛl jinɔ lɛ. Ja yɨ nǝn fɛkalɨ maatǝm maajɨ nyan.

Yahuza 1:8

Gǝ na nyɔ tag, nǝb nɨ a sʊlam a dɔ kʊm jeni, ja kalǝm bʊtɔ jinɔ nǝn dʊgam jinɔ. Ja kɔ bwangtǝm fɔlɔnɔ. Ja kal dun bɛtɔ twama Kwaamaɨ.

Dʊgam Nyangnyang 1:5

jǝbɔ daagɔ Yesu Kiristi woi, wʊnɨ n nǝ yiitǝm swatǝm yaa, nǝ nǝtǝm nyiyo bɨlǝngǝnɨ. Nǝn gɔ na win a guntǝm a bwaaɨ. Nǝn gɔ nʊ nɨ maa fɔlɔn nɛ a dul fɔlɔlɔm yooli nɨɨ, nʊ nɨ swɨ bǝn nɛɨ, a jǝg bǝn a mʊgɔ bwɨlangkɛltɨn bǝnɔ gǝm a gola tʊʊm gǝnɨ.

Dʊgam Nyangnyang 17:14

Jǝ ta ta kun jǝbɔ Bɛ Gal nɨ. Bɛ Gal nɨ ja ji ja, jʊ a bwɨɨ nǝn gɔ Tɛlalɔ tɛlalɔtɨnɨ, nǝn gɔ Fɔlɔ fɔlɔlɔmɨ. Gɔ jǝbɔ nǝb nɨ jǝ dakinii, nǝji jǝ nǝb jotǝmɔ, jǝbɔ nǝb jǝgamtǝmɔ, jǝbɔ nǝb tatǝm swatǝm yaagɨɨ.”

Dʊgam Nyangnyang 19:16

Ja mʊla kaa dun a bɛllɛ gǝnɔ gǝm jǝbɔ kulong gǝnɔ gɔ, “FƆLƆ FƆLƆLƆMƗ JƏBƆ TƐLALƆ TƐLALƆTƗNƗ.”