Roma 12:6 - Dadiya NT

⁶ Kanga bǝ nǝngǝn nǝn nǝtǝm lǝmagɔ nǝn dʌmʌn dǝngdǝng kanga Kwaama a nǝ bǝn lǝma nɨɨ, bɛ bǝ maa maajɨ nǝn. Na nǝtǝm lǝma bǝnɔ na maajɨ kuwotǝmkǝgaɨ, bɛ bǝ maa kuwotǝmkǝgagɔ dǝngdǝng a nǝtǝm bɨlǝngkɛl bǝnɔ gǝm.

Roma 12:6 ပူးပေါင်းရင်းမြစ်များ

Matta 23:34

Mǝ twam jem twam nǝbkuwotǝmkǝgagɔ, jǝbɔ nǝb nyǝmtǝmɔ, jǝbɔ nǝb mɛlalɨ diilɔ. Jǝ́ jʌbo jʌbo kaam jinɔ. Jǝ́ kʊʊ kʊʊ kaam jinɔ. Jǝ́ tʊm tʊm kaam jinɔ a kantɨn mɛlalɨ. Jǝ́ bwang jim lɛ a tuulɔtɨn jǝ́ nǝ ji gaalan nɛ.

Matta 25:22

“Nǝngɔ nʊ nɨ a yo kemʌnɔ sʊwagɔ yoi, a bɛ a kǝgaɨ, a sʊwa gɔ, ‘Tɛlalɔ, mʊ nɨ ɨ sʊwagɔ yo. N nya bwiligɔ a dul gǝn sʊwagɔ yo.’

Luka 11:49

N jʊ a bwɨ Kwaama a nyǝmtǝm gǝn a sʊwa gɔ, ‘Mǝ twam jim twam nǝbkuwotǝmkǝga jǝbɔ bɛtɔ twama, wʊnɨ jǝ́ jʌbo kaamɨ lɛɨ, tangǝnɔ jǝ́ nǝ ji gaalan.’

Maajɨ Bɛtɔ Twamagɨɨ 13:1

A kʊm mʊrkalɨ nǝb bwangtǝm Kwaamaɨ nɨ a Antakiyaɨ, kaamɨ n nǝbkuwotǝmkǝga jǝbɔ nǝb mɛlalɨ. Na bǝ Barnaba, jǝbɔ Simiyon wʊnɨ jǝ jo lɛ gɔ Bwɛ Filii, jǝbɔ Lushiyos nɨ a jel a Kuranei, jǝbɔ Manayen wʊnɨ a dʊʊl dakini jǝbɔ fɔlɔ Hiridusi, jǝbɔ Shawului.

Maajɨ Bɛtɔ Twamagɨɨ 15:32

Yahuza jǝbɔ Sila, kanga jǝ nǝbkuwotǝmkǝgaɨ, nǝngɔ ja kʊʊ kambɔ gǝm nǝlɨ, nǝngɔ ja sʊ jim kwaanɨ.

Maajɨ Bɛtɔ Twamagɨɨ 2:17

“ ‘Kwaama a sʊwa gɔ, nǝn kumtɨn dɨltǝm yooligɔ, Mǝ tal tal Yʊwa mǝndɨ a dul nǝbɨɨ gwam. Bɛtɔ batǝn jenɔ jǝbɔ bɛtɔnɔɔtǝn jenɔ jǝ maa maa kuwotǝmkǝga. Bɛtɔ bayǝlǝm jenɔ kuwo kuwo dʊgam nyangnyang. Dʊʊm jenɔ dʊga dʊga dʊgamtɨn.

Maajɨ Bɛtɔ Twamagɨɨ 21:9

Nǝngǝn nǝn banatǝmɔ naal wʊnɨ ja naa bɔ batǝm woi. Jǝ maa kuwotǝmkǝga.

Roma 1:11

Mǝ swɨ lɛ n kuwo jen, sǝ n sʊ jem kaa nǝtǝm lǝma Yʊwa Kwaamaɨ wʊnɨ nǝ jen kwaan nɛɨ,

Roma 12:3

A gola lǝma nɨ Kwaama a maa mɨɨ, mǝ sʊwa jen nɛ gwam jenɔ, bɛ ka kaa nǝl ya do lɛ dul gǝnɔ a laa laaɨ bʊʊlalɨ gǝnɔ. Bɛ a do dul gǝnɔ dǝngdǝng jǝbɔ nǝtǝm bɨlǝngkɛlɔ Kwaama a nǝ gǝnɨ.

1 Korinti 12:18

N wɔ Kwaama a fɛka jinʌn bʊtɔgɔ gwam jinɔ kanga ga swɨɨ.

1 Korinti 13:2

Na mǝ maa maa kuwotǝmkǝgaɨ, na n nyǝm jʊ nɨ ja yʊ yʊɨ, jǝbɔ nyǝmtǝmɔ gwamɨ, na mǝ nǝn nǝtǝm bɨlǝngkɛl dangǝnɨ, wʊnɨ mǝ sʊwa tuligɔ lɛ mǝʊ a bǝla daa tɨm gǝnɨ, na mɨ mǝ nǝn swɨkanɨ, mǝ ke bɔ kaa jǝl.

1 Korinti 14:1

Jǝ́ kwam tʌgo a swɨkanɔ gǝm. Jǝ́ ya kwaan a saatǝm kanjǝl nǝtǝm lǝma Yʊwa. Jǝ́ do kuwotǝmkǝgagɔ a laa ji.

1 Korinti 14:24

Na gwam jǝ́ maa kuwotǝmkǝga lɛɨ, kaa nʊ nɨ a nyǝm bɔ bɨlǝngkɛlɨ jǝbɔ nʊ nɨ a nyǝm bɔ jǝlɨ a dɔɨ, kɛl jenɔ dɔ gǝn dɔ a nyǝm gɔ gǝ nǝ bwɨlangkɛl, jǝ maa gǝm maa borang.

1 Korinti 14:29

Nǝbkuwotǝmkǝgagɔ, nǝbɔ yo a yɔ nǝn a taal ja sʊwa kɛl, tangǝnɔ ja dʌng kɛl jinɔ.

1 Korinti 3:5

Nuwo nyɨ nǝn Afolosi? Nuwo nyɨ nǝn Bulus tagɨ? Jǝ ke bɔ jwaalɛb Kwaamaɨ ka? N nǝb nɨ jǝ́ nǝ bɨlǝngkɛl a gola jini, pʌd jinɔ jǝ nǝngǝn nǝn maajɨ nɨ Tɛlalɔ a nǝ ji dǝngdǝngɨ.

1 Korinti 7:7

N swɨ na nǝbɔ pʌd a yǝlam na mǝ. Kwaama a nǝ kaamɨ lǝma yɨm naakan. Kaamɨ a nǝ ji lǝma yɨm mɨ nǝn naakan.

2 Korinti 8:12

Na nǝl nǝn bʊʊlalɨ nǝtǝmɨ, Kwaama yo yo nǝtǝm gǝnɔ a gola nyatǝm gǝnɔ gǝm, ke bɔ a gola jʊ nɨ mɨ gǝ nǝnɨ.

Afisa 3:5

a wʊnɨ a yooli nɨ galɨgǝn a sʊwa bɔ nǝfitʌm woi, kanga kǝngkɔ a nʊng bɛtɔ twama sagsagɔ jǝbɔ nǝbkuwotǝmkǝgagɔ a gola Yʊwaɨ.

Afisa 4:11

Nǝn gɔ a ya kaamɨ ja yǝlam bɛtɔ twamaɨ, kaamɨ n nǝbkuwotǝmkǝga, kaamɨ n kiyotǝm fulon kɛl lǝmɨ, kaamɨ n nǝb tɔɔtǝm jǝbɔ mɛlalɨ.

Filibii 3:15

Gwam bǝnɔ nɨ bǝ yǝlam nǝfitʌm a mʊgɔ bwangtǝmɨ, bɛ bǝ bʊʊla nǝn kanjǝl nɨ nyɔ. Na jǝ́ jǝla bɔ nǝn kaam kanjǝl nɨɨ, Kwaama nʊng jen nʊng jʊ nɨ dǝngdǝngɨ.

1 Tasalonikaɨ 5:20

Ka jǝ́ soga lɛ kɛl kuwotǝmkǝgagɔ.

2 Bitrus 1:20

A tǝltǝmɔ gǝm bɛ jǝ́ nyǝm, kɛl kuwotǝmkǝga nɨ wo a langǝn bwangǝn Kwaamaɨ, a bɛ bɔ a nyǝmtǝm nǝfilii.