Roma 12:3 - Dadiya NT

³ A gola lǝma nɨ Kwaama a maa mɨɨ, mǝ sʊwa jen nɛ gwam jenɔ, bɛ ka kaa nǝl ya do lɛ dul gǝnɔ a laa laaɨ bʊʊlalɨ gǝnɔ. Bɛ a do dul gǝnɔ dǝngdǝng jǝbɔ nǝtǝm bɨlǝngkɛlɔ Kwaama a nǝ gǝnɨ.

Roma 12:3 ပူးပေါင်းရင်းမြစ်များ

Luka 18:11

Bwɛ Farisa nɨ a gun a tɨ tɨɨ maa keli lɛ a dul gǝn gɔ, ‘Kwaama, n buu mʊn kang, mɨ mǝ na kaam nǝbɔ, nǝbkuumɔ, jǝbɔ nǝb bwɨlanɔ, jǝbɔ nǝb bulonɔ, jǝbɔ nǝbɔ ja lɛ nǝn kwanɨ na nǝ yotǝm kemʌn tǝm nɨ.

Yohana 3:34

Nʊ nɨ Kwaama a twamɨ, gǝ sʊwa kɛl Kwaamaɨ, jʊ a bwɨɨ nǝn Kwaama a nǝ gǝn Yʊwa gǝnɔ mɨ dɨtǝm woi.

Roma 1:5

N daa gǝ woi bǝ yo lǝma, bǝ yǝlam bɛtɔ twama gǝnɨ, dɨsɔ bǝlǝntǝmɔ gwam a nǝ bɨlǝngkɛl nǝn shigtǝm dul, a kɛl dʊʊlǝn dun gǝn.

Roma 11:20

N bɨlǝngǝn dangǝn. Ja nǝ bɔ bɨlǝngkɛl n jʊ a bwɨ ja kǝlam jii. Mɔ n kɛl nǝtǝm bɨlǝngkɛl mʊnɔ ja bǝla ń woi. Bɛ ka ń gung lɛ dul. Bɛ ń nyʊwa taal Kwaamaɨ.

Roma 11:25

Kambɔ, mǝ swɨ lɛ jǝ́ nyǝm kaam kanjǝl nɨ ja yʊ yʊɨ, kage ya jǝ́ gung dul lɛ. Kaam nǝbɔ Israilaɨ n nǝb kwamǝn dul, a yɔ nǝn a kwama nɨ ladatǝm Bʌtʌb nɨ a nyǝm Kiristii a yii.

Roma 12:16

Jǝ́ yɨ yɨm kwamɨgǝn jǝbɔ kambɔ. Ka jǝ́ nʊng lɛ dʊʊlǝn dul. Bɛ jǝ́ yǝlam fatǝm nǝb nɨ ja ya ji bɔ a nyiyo jǝlɨ. Ka jǝ́ do lɛ dul jenɔ jǝ́ laa tangǝn nǝbɔ yʊlan.

1 Korinti 15:10

N lǝma Kwaamaɨ mǝ yǝlam nyɨɨ. Lǝma nɨ a maa mɨɨ, mɨ nǝn kwan. N laa ji maajɨ gwam, n ke bɔ mǝ, n lǝma Kwaamaɨ nɨ jǝbɔ mɨɨ.

1 Korinti 3:10

A dul lǝma nɨ Kwaama a nɨ ɨɨ, n swa fʌlʌm mɔtǝmɔ maa na nʊ nɨ a nyǝm mɔtǝmɨ. Kaa a sʊtǝn mɔtǝmɔ a dul gǝn. Bɛ nǝl a nyǝm mɔtǝm nɨ gǝ sʊtǝn nɛ a dul gǝnɨ.

1 Korinti 7:17

Bɛ nǝl a yɨ yɨm nɨ Tɛlalɔ a jo gǝn gɔ ga yɨɨ. Bɛ ga yɨ yɨm gǝnɔ kanga Kwaama a jo gǝn a dul gǝnɨ. Wʊnɨ nǝn gɔ diilɔ mǝ nǝ jen nɛ gwam a mʊrkalɨtɨn nǝb bwangtǝm Kwaamaɨ.

2 Korinti 10:13

A nǝnɔ mɨsɔ nǝn gung dul nǝnɔ lɛ a laa nyɔ. Nǝn tɨ a daa Kwaama a mwatɨ nǝmɨ, a la daagɔ jen woi gwam.

2 Korinti 12:13

N gola won jǝ́ gɨya a kaam mʊrkalɨ nǝb bwangtǝm Kwaamaɨ? N kɛlɔ mǝ ya jem bɔ jǝ tuuloi ka? Jǝ́ kǝlǝm mɨ bwɨlangkɛl nɨ!

2 Korinti 12:7

Ja dǝg mɨ kaa bɔɔla kage ya n gung dul lɛ a daltɔ kanjǝl nʊngtǝm nɨ ja maa mɨɨ. Bɔɔla nɨ a yǝlam mɨ na shola a bʊtɔ, wʊnɨ Mammɔ a twam, dɨsɔ ya nɨ ɨ gaalan nɛɨ, kage ya n gung dul lɛ.

Galatiya 6:3

Na kaa nǝl do dul gǝnɔ lɛ gɔ gǝ kaa jǝlɨ, gǝ ke bɔ kaa jǝl, gǝ swag dul gǝn.

Afisa 3:2

Mɨ nyǝmatǝm wo jǝ́ nyʊwa fulon kɛlɔ a dǝg ɨ mǝ yǝlam nǝ maajɨ fulon kɛl lǝma nɨ Kwaama a nɨ ɨ a kɛl dul jeni.

Afisa 3:4

Na nǝn kwama jǝ́ kiyo a wʊnɨɨ, jǝ́ dwal dwal jǝ́ nyǝm nyǝmtǝm mǝndɨ a dul jʊ nɨ Kwaama a yʊ yʊɨ a dul Kiristii,

Afisa 4:16

N daa gǝ woi pʌd bʊtɔgɔ a mʊrkamɨ, kanga jinʌnɔ gǝ mʊrka bʊtɔ nǝlɨ lɛɨ. Na jinʌn bʊtɔgɔ gwam maa maajɨ jinɔ lɛɨ, bʊtɔgɔ pʌd dʊʊl lɛ, nya kwaan nɛ, swɨ tangǝn jinʌnɔ lɛ.

Filibii 2:13

Kwaama a maa maajɨ a nǝl jen. Nǝn gɔ nǝ jen swɨtǝmɔ lɛɨ jǝbɔ kwaan, sǝ jǝ́ maa jʊ nɨ fulo gǝm nǝl lɛɨ.

Kolosii 1:29

N jʊ a bwɨ mǝ maa maajɨ lɛ nǝn kwaan, mǝ dɔta lɛ nyangǝn nǝn gʌleng kwaan nɨ ga nɨ ɨɨ.

Kolosii 2:13

Jǝ́ bʌlʌn, jʊ a bwɨɨ jǝ́ nǝb bwɨlangkɛl. Jǝ́ bʌlʌn, jʊ a bwɨɨ ja dem jem bɔ bʊtɔ bwɨlangkɛl jenɔ. Kwaama a fɛ jen nǝn kʊlɨ jǝbɔ Kiristi. A kǝlǝm bǝm bwɨlangkɛl bǝnɔ gwam.

1 Timoti 1:14

Tɛlalɔ bǝn a tal mɨ lǝma gǝnɔ dangǝn. A dǝg ɨ n nǝ bɨlǝngkɛl jǝbɔ swɨtǝm a mʊgɔ Kiristi Yesui.

1 Timoti 2:15

A bʌtʌm bɛtɨɨ, nɔɔtǝmɔ bʊʊ bʊʊ na ja yɨ yɨm nǝtǝm bɨlǝngkɛlɨ, jǝbɔ swɨtǝm, jǝbɔ yɨm sagsag jǝbɔ yɨm nɨ dǝngdǝngɨ.

1 Timoti 2:9

A bwangtǝnɨ, mǝ swɨ lɛ nɔɔtǝmɔ a dʊʊ dʊʊl nɨ a maa jim dǝngdǝngɨ. Ja dʊʊ dʊʊl nɨ a daa tʌgoi. Ke bɔ mumtǝm dul nɨ a shu kwaanɨ, jǝbɔ dʊtǝm kanjǝl mʊn, jǝbɔ tɛl bʊmǝntɨn, jǝbɔ dwang nɨ kemʌnɔ a kwamɨ.

Titus 2:12

Wʊnɨ mɛla bǝm lɛ gɔ bǝ bǝla gola nɨ ke bɔ a bwangtǝm Kwaamaɨ, jǝbɔ dǝlatǝm nu a kanjǝl yooli nɨ. A mɛla bǝm tag gɔ bǝ yɨ yɨm bǝnɔ a yooli nɨ bǝ ta dul bǝnɔ, bǝ yǝlam nǝb yɨm dǝngdǝng, bǝ maa bʊʊlalɨ nɨ lɛ na a Kwaamaɨ.

Titus 2:2

Bɛ ń mɛla batǝm dʊʊmɔ gǝm ja yǝlam nǝb tatǝm dul, nǝbɔ a shing shingi, nǝbɔ a dǝg kang a sʊɨ, nǝbɔ a tɨ dangǝn a nǝtǝm bɨlǝngkɛl jinɔ gǝmɨ, jǝbɔ swɨtǝm nǝbɨɨ jǝbɔ bwatǝm nǝl.

Titus 2:4

Dɨsɔ ja mɛla kal nɔɔtǝmɔ gǝm ja swɨ batǝlam jinɔ jǝbɔ bɛtɔ lɔ jii.

Titus 2:6

A na nyɔ, bɛ ń gʊ bɛtɔ bayǝlǝmɔ gǝm lɔl, ja ta dul.

Yakubu 4:6

Kwaama sʊ bǝm lǝma gǝnɔ lɛ a lada. N jʊ a bwɨ kɛl gǝnɔ a sʊwa gɔ, “Kwaama kɔ nǝ gungtǝm dul lɛ. A nʊ nɨ mɨ nǝn gungtǝm duli, Kwaama nǝ gǝn lǝma gǝnɔ lɛ.”

1 Bitrus 1:13

A kɛl dul jʊ nɨ, bɛ jǝ́ fɛka bʊʊlalɨ jenɔ a maatǝm maajɨ. Bɛ jǝ́ ta dul jenɔ. Bɛ jǝ́ ya nǝl jenɔ a dul lǝma nɨ Kwaama nǝ jen nɛ nǝn kwama Yesu Kiristi bɛm lɛɨ.

1 Bitrus 4:11

Pʌd nʊ nɨ nǝtǝm gǝnɔ n kiyotǝm kɛlɨ, bɛ ga kiyo kɛl Kwaamaɨ. Nʊ nɨ pʌd maa tɨkalɨ lɛɨ, bɛ ga maa nǝn kwaan nɨ Kwaama a nǝ gǝnɨ, sǝ a mʊgɔ kanjǝlɔ gǝm gwam jǝ́ dʊʊl Kwaama a gola Yesu Kiristii. Bɛ dʊʊlǝnɔ, jǝbɔ fɔlɔnɔ a ta tʌgo gwanggwang a daa gǝ woi mɨ dɨtǝm wo. A daa nyɔ!

1 Bitrus 4:7

Dɨltǝm kanjǝlɔ gwam a dwama. A dul kɛl nɨɨ, jǝ́ yɨ nǝn fɛkalɨ, jǝ́ ta dul jenɔ sǝ jǝ́ dwal jǝ́ maa keli.

1 Bitrus 5:5

Jǝ́ bayǝlǝmɔ, jǝ́ nǝ shigtǝm dul a nǝb dʊʊm bwangtǝmɔ gǝm. Pʌd jenɔ bɛ jǝ́ nǝbka shigtǝm dul, jʊ a bwɨɨ, “Kwaama maa kii lɛ jǝbɔ nǝb gungtǝm dulɔ, maa nǝb shigtǝm dulɔ gǝm lǝma lɛ.”

1 Bitrus 5:8

Bɛ jǝ́ ta dul jenɔ, jǝ́ yɨ nǝn fɛkalɨ. Nǝ kii jenɔ mammɔ kɛla lɛ na tulʌm nɨ yʊʊl lɛɨ, saa nʊ nɨ lɛ gǝ wo lɛɨ.

3 Yohana 1:9

N mʊla mʊrkalɨ nǝb bwangtǝm Kwaamaɨ gǝm kǝlɨ bɛ langǝn bwangǝn, a Diyotarifisi wʊnɨ swɨ lɛ a laa tangǝnɔ gwam a kʊm jini, a kɔ bwangtǝm kɛl bǝnɔ.