Roma 12:2 - Dadiya NT

² Ka jǝ́ bwangtǝn nɛ kanjǝl joltɨn nɨ. Bɛ jǝ́ bǝla nǝl jenɔ a fʌto a gola fɨ a bʊʊlalɨ jenɔ gǝm. Sǝ jǝ́ jǝla nǝn jʊ Kwaama swɨ lɛɨ, jʊ a bʊm bʊmɨ, jǝbɔ jʊ nɨ dǝngdǝngɨ, n jʊ fulo gǝm nǝl lɛɨ.

Roma 12:2 ပူးပေါင်းရင်းမြစ်များ

Matta 13:22

Nʊ nɨ a yal a kʊm sholaɨ, n nʊ nɨ a nyʊwa kɛl Kwaamaɨ, komʌn kanjǝl yooligɔ jǝbɔ swɨtǝm shilo a bǝm kɛl Kwaamaɨ a kala nǝn kwanɨ.

Markus 4:19

na kwama ja yem kɛl nɨɨ, komʌn kanjǝl yooligɔ, jǝbɔ swɨtǝm shilo, jǝbɔ wɛl kanjǝl a dɔ a bǝmǝm kɛl Kwaamaɨ, a daa nǝn kwan.

Yohana 14:30

Mǝ sʊwa sʊwa kɛl nǝbɔ jen, kumtɨnɔ mɨsɔ lada lɛ, jʊ a bwɨɨ nǝ fɔlɔn yooli nɨɨ bɛ lɛ. Mɨ nǝn kwaan a dul mɨ.

Yohana 15:19

Na na jǝ́ na a yooli nɨɨ, na yooli nɨ a swɨ jen kanga a swɨm nǝbam gǝnɨ. Jǝ́ ke bɔ na yooli nɨ, n kwɛl n jǝgǝm jen sǝ jǝ́ bǝla yooli nɨ, n jʊ a bwɨ yooligɔ a kɔ jeni.

Yohana 17:14

N sʊwa ji kɛl mʊnɔ, yooli nɨ a kɔ ji, jʊ a bwɨɨ jǝ ke bɔ a yooli nɨɨ, kanga mǝ tǝmɨ mǝ ke bɔ a yooli nɨɨ.

Yohana 7:7

A jenɔ yooligɔ mɨsɔ kɔ jen nɛ. A mǝndɨ a kɔ ɨ, jʊ a bwɨɨ n sʊwala gǝn bwɨlang kanjǝl nɨ gǝ maa lɛɨ.

Roma 12:1

A dul kɛl nɨ kambɔ, mǝ kela jen nɛ a dul bʊnatǝm Kwaamaɨ, jǝ́ nǝ bʊtɔ jenɔ jǝ twɨtǝm yulʌn wʊnɨ nǝn kʊlɨɨ, wʊnɨ sagsagɨ, wʊnɨ fulo Kwaama gǝm nǝl lɛɨ. Wʊnɨ nǝn gɔ bǝlátǝmɔ nyangǝnɨ.

Roma 13:14

Bɛ jǝ́ do yɨm Tɛlalɔ Yesu Kiristii, ka jǝ́ do lɛ yɨm nǝfilii, ka jǝ́ maa lɛ wɛl kanjǝl bwɨla.

Roma 7:12

Gǝ na nyɔ diiltɨnɔ gwam n sagsag. Diilɔ tǝgǝn n sagsag, n dǝngdǝng, a bʊm.

Roma 7:14

Bǝ kwɛl bǝ nyǝm diilɔ na a yʊwa. Mɨ mǝ nǝn yʊwa. Ja miyo i na jwaalɛ a kang bwɨlangkɛlɨ.

Roma 7:22

Mǝ a mʊgɔ nǝl mɨɨ, nǝl mɨɨ a fulo nǝn diil Kwaamaɨ.

1 Korinti 3:19

Yʊlan yooligɔ n fʌmʌn a daagɔ Kwaama woi. A mʊla mʊlaɨ gɔ, “Gǝ ta ta nǝb yʊlanɔ nǝn shil jinɔ.”

2 Korinti 4:4

Mammɔ wʊnɨ nǝn gɔ n fɔlɔ yooli nɨɨ, a kul nǝn bʊʊlalɨ nǝb nɨ a nǝ bɔ bɨlǝngkɛlɨ, kage ja kuwo nyalǝm fulon kɛl lǝmɨ dʊʊlǝn Kiristii, gǝ nɨ n jelkalǝng Kwaamaɨ.

2 Korinti 5:17

Gǝ na nyɔ, na nʊ nɨ na a Kiristii, n fwaltǝm fɨ. Kanjǝl galɨgɔ gwam a shu shui, kanjǝlɔ gwam a yǝlam a fɨ.

Galatiya 1:4

Yesu Kiristi a nǝ dul gǝnɔ a dul bwɨlangkɛl bǝn, sǝ a jǝg bǝn a mʊgɔ bwɨlan yooli nɨ gǝm. Wʊnɨ nǝn gɔ swɨtǝm Kwaama Tɛtɛ bǝnɨ.

Afisa 1:18

N maa keli tag mǝʊ, a yii mʊgɔ nǝl jenɔ nǝn yʊlan, sǝ jǝ́ nyǝm yatǝm nǝl nɨ a jo jen a dul gǝnɨ, jǝbɔ dʊʊlǝn kʊla gǝnɔ a dul nǝb sagsagɨɨ.

Afisa 2:2

Wʊnɨ galɨgǝn jǝ́ yǝm a mʊgɔ gǝnɨ, jǝ́ bwangtǝn kanjǝl yooli nɨ lɛɨ, jǝ́ bwangtǝn Mamm, nǝ maatǝm fɔlɔn yʊwa, yʊwa nɨ dʊwa nǝl nǝb nɨ lɛ nǝn bǝngɨ lɔl kǝngkɨɨ.

Afisa 5:17

Bɛ ka jǝ́ yǝlam lɛ nǝb swɛlatǝm. Bɛ jǝ́ nyǝm jʊ Tɛlalɔ swɨ lɛɨ.

Kolosii 1:9

N jʊ a bwɨ nǝn di nɨ nǝn nyʊwa fuloni, nǝn bǝla jem bɔ maatǝm keligɔ, nǝn kela Kwaama lɛ sǝ a nǝ jen nyǝmtǝm jʊ nɨ swɨ lɛ jǝ́ maaɨ jǝbɔ yʊlan a dul kanjǝl Yʊwa.

Kolosii 3:10

Jǝ́ do nǝl fɨ, wʊnɨ ja fʌto a jelkalǝng Nǝ Fwaltǝmɨ, sǝ jǝ́ nyǝm gǝn dangǝn.

Kolosii 4:12

Abafaras wʊnɨ win a kʊm jeni, n bwɛ jwaalɛ Kiristi Yesui, yal jen nɛ. Kwangkwang maa jem keli lɛ nǝn bɨlǝngǝn sǝ jǝ́ tɨ nǝn kwaan, sǝ jǝ́ bwangtǝn jʊ nɨ Kwaama swɨ lɛ gwamɨ.

1 Tasalonikaɨ 4:3

Wʊnɨ nǝn gɔ n jǝlatǝm Kwaamaɨ gɔ, bɛ jǝ́ yɨ yɨm sagsag, jǝ́ kɨla yɨm bulonɔ.

Titus 3:5

nǝngɔ a bʊʊ nǝn bǝnɨ. Ke bɔ kaa maajɨ dǝngdǝng a wʊnɨ bǝ maaɨ. Mɨ nyɔ. A ji bʊnǝn bǝn. A bʊʊ nǝn bǝn a gola nǝtǝm Yʊwa Kwaamaɨ, wʊnɨ a saalǝm bǝn a fʌto bǝn bǝ yǝlam bʌtʌm fɨɨ.

Yakubu 1:27

Jǝfʊlǝn nɨ Kwaama Tɛtɛ a jǝla nǝn sagsag n bɨlǝngkɛlɨ nǝn gɔ, bɛ jǝ́ dʌng nɔɔtǝmkʊlabɔ, jǝbɔ bɛtɔ kwɛlǝnɔ a mʊgɔ gaalan jinɔ gǝm. Bɛ jǝ́ ta dul jenɔ ka jǝ́ maa lɛ jǝ bwɨlan a yooli nɨ.

Yakubu 4:4

Jǝ́ na na nǝb bulon! Jǝ́ nyǝm bɔ yǝlamtǝm fwalɨ yooligɨɨ win jǝbɔ maatǝm kii jǝbɔ Kwaamaɨ ka? A dul kɛl nɨ, nʊ nɨ a do swɨtǝm yoolii, a do dul gǝnɔ gǝ nǝ kii Kwaamaɨ.

1 Bitrus 1:14

Jǝ́ yɨ yɨm bɛtɔ nǝtǝm dʊʊn. Ka jǝ́ bwangtǝn nɛ kanjǝl bwɨlantɨn nɨ jǝ́ maa lɛ galɨgǝnɨ, nǝn kwama nɨ jǝ́ nyǝm bɔ Kwaamaɨ.

1 Bitrus 1:18

Jǝ́ nyǝm Kwaama a jǝg jen a mʊgɔ jǝfʊlǝn bwɨlantɨn nɨ tʊgalam jenɔ a bǝla jemi. Kwaama a jǝg jen bɔ nǝn kanjǝl nɨ gǝ kala lɛɨ, na mʊn jǝbɔ maalʊ.

1 Bitrus 2:3

Jʊ a bwɨ jǝ́ maa jʊ nɨɨ jǝ́ kwɛl jǝ́ twɨ twɨɨ lǝma Tɛlalɔɨ.

1 Bitrus 4:2

A kǝga nɨ, gǝ tagǝm tagǝm yɨm gǝnɔ na bʊtɔ, mɨsɔ gǝ bwangtǝn wɛl nǝl gǝnɔ lɛ, ga bwangtǝn jʊ nɨ Kwaama swɨ lɛɨ.

2 Bitrus 1:4

N gola jʊtǝb nɨ a nǝ bǝn daltɔ swatǝm yaatɨn bʊmɨ gǝnɨ. N daa ji woi jǝ́ yǝlam nǝb nɨ a jelka Kwaamaɨ, jǝ́ bʊʊ a bwɨlan nɨ yooli nɨ gǝmɨ, wʊnɨ wɛl bwɨlantɨn nɨ bɛ lɛ nǝnɨ.

2 Bitrus 2:20

Na na nǝb nɨ a nyǝm gɔ Tɛlalɔ bǝn Yesu Kiristi nǝn Nǝbʊʊlɨɨ, na ja nya bʊʊtǝm a mʊgɔ kanjǝl nɨ kal nǝbɔ lɛ a mʊgɔ yooli nɨɨ, na nǝn gul ja yǝla tag ja dǝg dul jinɔ a mʊgɔ gǝnɨ, nǝn gɔ kʊwa ji lɛɨ, nǝb nɨ yɨm jinɔ bwɨla bwɨla a dɨltǝmɔ gǝm a laa na tɨkǝgagɔ.

1 Yohana 3:13

Kɛtǝlam mɨ, ka jǝ́ ta lɛ kang a nyiyo na yooligɔ a kɔ jeni.

1 Yohana 5:19

Bǝ nyǝm bǝ bɛtɔ lɔ Kwaamaɨ, bǝ nyǝm tag yooligɔ gwam gǝ na a kang nǝ bwɨla nɨɨ.

Dʊgam Nyangnyang 12:9

Nǝngɔ ja mal gʌleng sɔɔ dʊʊ nɨ a tǝmɨ, sɔɔ dʊʊ nɨ galɨgǝn galɨɨ, nǝn gɔ Nǝ bwɨla nɨɨ, Mammɔ, nǝ swagtǝm yooli nɨ. Ja mal gǝn a yooli nɨ dakini jǝbɔ bɛtɔ twama gǝnɔ.

Dʊgam Nyangnyang 13:8

Nǝb nɨ yǝm gwam a yooli nɨɨ, jǝ jʊng jʊng ja maa yʊwal bwɨla nɨ gǝm bǝlátǝm, na ke bɔ nǝb nɨ a tǝltǝm yooli nɨ ja mʊla dun jinɔ a mʊgɔ langǝn bwangǝn kʊlɨ nɨɨ. Langǝn bwangǝn kʊlɨ nɨ na a Bɛ Gal nɨ ja biyoi.