Roma 12:10 - Dadiya NT

¹⁰ A swɨtǝm kambɨɨ, bɛ jǝ́ swɨka dangǝn. A daa nǝtǝm dʊʊn, bɛ ń laa kɨla mɔ.

Roma 12:10 ပူးပေါင်းရင်းမြစ်များ

Matta 20:26

Ka yǝlam lɛ nyɔ a kʊm jen. Na nʊ nɨ swɨ lɛ a yǝlam dʊʊ a kʊm jeni, bɛ ga yǝlam bwɛ jwaalɛ a kʊm jen.

Luka 14:10

Na ja jo ń a kangwaalɨ, bɛ ya ń saa kǝlɨ bɛ daa yɨ wo. Na nʊ nɨ a jo ńi ba kuwo ńi, sʊwa ń sʊwa ń gɔ, ‘Fwalgɔ, gun ba ń yɨ fɔ a daa nyanɔ gǝm.’ Nǝb nɨ a bɛ kangwaalɨ kuwo ń kuwo ń nǝn dʊʊn.

Yohana 15:17

Diilɔ mǝ nǝ jen nɛɨ, bɛ jǝ́ swɨka.

Yohana 17:21

Tɛtɛ, mǝ kela lɛ sǝ pʌd jinɔ ja yǝlam win, kanga mʊ yǝm a mʊgɔ mɨɨ, mǝ yǝm a mʊgɔ mʊnɨ, mǝ kela lɛ bɛ ja yɨ a mʊgɔ bǝn, sǝ nǝbɔ yooli nɨ a nǝ bɨlǝngkɛl gǝ nǝmɔ mʊ twam ɨɨ.

Maajɨ Bɛtɔ Twamagɨɨ 4:32

Nǝb bwangtǝmɔ gwam, nyiyo jinɔ win, nǝl jinɔ win. Mɨ nǝn nʊ nɨ a kʊm jin a sʊwa gɔ jʊ nɨ gǝ nǝnɨ, na a gɔ kwaagɨɨ. Jǝ sʊwa gɔ na a ji gwam.

Roma 13:7

Bɛ jǝ́ ywa nǝbɔ jʊ jǝ bwang jem lɛɨ. Nǝb kemʌn tǝmɔ, kemʌn tǝm jinɔ, nǝb kemʌn kanjǝlɔ, kemʌn kanjǝl jinɔ, nǝb nɨ a la nǝtǝm dʊʊnɨ, jǝ́ nǝ ji dʊʊn, nǝb nɨ a la wanatǝmɨ, jǝ́ wana ji.

Galatiya 5:13

Jǝ́ kɛtǝlam mɨɨ, ja jo jen a nyatǝm demtǝm kang. Bɛ ka jǝ́ do lɛ demtǝm kang jenɔ a yǝlam jem gola maatǝm bʊʊlalɨ bwɨla. Bɛ ya jǝ́ tɨkaka lɛ a kʊm jen nǝn swɨkan.

Galatiya 5:22

Bwili Yʊwagɔ n swɨkatǝm, jǝbɔ fulotǝm nǝl, jǝbɔ yɨm kwamɨgǝn, jǝbɔ kʊtǝm nǝl, jǝbɔ nǝl lǝmǝn, jǝbɔ maatǝm jǝ nya, jǝbɔ tatǝm swatǝm yaa,

Galatiya 5:6

Na bǝ na a daagɔ Yesu Kiristi woi, biyotǝm mwɛn jǝbɔ mɨ biyotǝm mwɛn wo, mɨ a nyiyo kaa jǝl. Nǝtǝm bɨlǝngkɛl jenɔ nɨ maa maajɨ swɨkan nɛɨ, nǝn gɔ a laa jǝlɨ.

Filibii 2:3

Ka jǝ́ maa lɛ swɨtǝm dul jǝbɔ gungtǝm dul. Jǝ́ na nǝn shigtǝm dul. Jǝ́ do nǝbɔ a laa jen laaɨ.

Kolosii 1:4

Nǝn maa nyɔ jʊ a bwɨɨ nǝn nyʊwa fulon nǝtǝm bɨlǝngkɛl jenɔ a mʊgɔ Kiristi Yesui, jǝbɔ swɨtǝmɔ jǝ́ maa nǝb sagsagɔ gǝm lɛ gwamɨ.

1 Tasalonikaɨ 4:9

A kɛl dul swɨtǝm kambɨɨ, a yǝlam bɔ nyɔ nǝn mʊla jem mʊlaɨ, jʊ a bwɨɨ, jen nǝn kang jen Kwaama a mɛla jem gɔ bɛ jǝ́ swɨka.

2 Tasalonikaɨ 1:3

A yǝlam nyɔ kwangkwang nǝn buu Kwaama gǝm kang a kɛl dul jen gwam kambɔ, a bʊm nyɔ, jʊ a bwɨɨ nǝtǝm bɨlǝngkɛl jenɔ sʊ lɛ sʊɨ nǝn bɨlǝngǝn, jʊ a bwɨɨ swɨkatǝmɔ a kʊm jeni sʊ lɛ sʊɨ.

Ibranii 13:1

Bɛ jǝ́ ja kǝga a swɨtǝm kambɨɨ gǝm.

1 Bitrus 1:22

Jǝ́ saalǝm dul jenɔ, a gola nǝtǝm bɨlǝngkɛl. N jʊ a bwɨ kǝngkǝnɨ jǝ́ nʊng swɨkan nyan nɛ a kɛtǝlam jenɔ gǝm nǝlɔ wini. A kɛl dul jʊ nɨɨ, bɛ jǝ́ ja kǝga nǝn swɨkan nɨ a kʊm jen nǝn sʊtǝm kwaan.

1 Bitrus 2:17

Bɛ jǝ́ nɨ nǝbɔ pʌd dʊʊn. Jǝ́ swɨ kɛtǝlam nǝb bwangtǝmɔ. Jǝ́ nyʊwa taal Kwaamaɨ. Jǝ́ nǝ fɔlɔgɔ dʊʊn.

1 Bitrus 5:5

Jǝ́ bayǝlǝmɔ, jǝ́ nǝ shigtǝm dul a nǝb dʊʊm bwangtǝmɔ gǝm. Pʌd jenɔ bɛ jǝ́ nǝbka shigtǝm dul, jʊ a bwɨɨ, “Kwaama maa kii lɛ jǝbɔ nǝb gungtǝm dulɔ, maa nǝb shigtǝm dulɔ gǝm lǝma lɛ.”

2 Bitrus 1:7

A dul nǝl a Kwaamaɨ, jǝ́ sʊtǝn nǝn swɨtǝm kambɨɨ. A dul swɨtǝm kambɨɨ, jǝ́ sʊtǝn nǝn swɨkan tag.

1 Yohana 4:11

Jǝ́ fatǝm nyan mǝndɨ, kanga Kwaama swɨ bǝn nɛɨ, bǝn tǝbǝn bɛ bǝ swɨka nyɔ.

1 Yohana 4:20

Gwam nʊ nɨ a sʊwa gɔ, “Mǝ swɨ Kwaama lɛ,” kɔ kɨla gǝ lɛɨ, n nǝ gabakɛl. Jʊ a bwɨɨ nʊ nɨ mɨ swɨ kɨla gǝ nɨ lɛ gǝ kuwo lɛɨ, mɨsɔ dwal lɛ a swɨ Kwaama, wʊnɨ mɨ gǝ kuwo gǝn nɛɨ.