Roma 11:20 - Dadiya NT

²⁰ N bɨlǝngǝn dangǝn. Ja nǝ bɔ bɨlǝngkɛl n jʊ a bwɨ ja kǝlam jii. Mɔ n kɛl nǝtǝm bɨlǝngkɛl mʊnɔ ja bǝla ń woi. Bɛ ka ń gung lɛ dul. Bɛ ń nyʊwa taal Kwaamaɨ.

Roma 11:20 ပူးပေါင်းရင်းမြစ်များ

Luka 18:14

“N sʊwa jen, nǝ bwɨlangkɛl nɨ, a maa bɔ na bwɛ Farisa nɨ. A yǝla a lɔ n nǝ dǝngdǝng a kǝga Kwaamaɨ. Mʊsǝn kɛl nɨ gǝ nʊng gɔ nʊ nɨ a gung dul gǝnɨ, jǝ soga gǝn soga. Nʊ nɨ a shig dul gǝnɨ, jǝ nǝ gǝn nǝ dʊʊn.”

Maajɨ Bɛtɔ Twamagɨɨ 18:6

Jǝ bǝng gǝn nɛ, jǝ tuwola gǝn nɛ. N dul kɛl nɨ a fʌrʌm dwang gǝnɔ a sʊwa ji gɔ, “Bɛ tʊʊm jenɔ a yɨ a dul jen! Mǝ, mɨ mǝ nǝn bwɨlangkɛl. Jʊ a ta a dwiyeni, mǝ yi a daagɔ Bʌtʌbɔ woi.”

Roma 11:18

ka ń jǝg lɛ sʊtɔ mɔʊ ń laa tangǝn kang tɨyantɨnɔ. Na ń maa nyɨɨ, bɛ ń bʊʊla ke bɔ mɔ mʊ do jʌngi, jʌngɔ nǝn gɔ a do ńi.

Roma 11:21

Na Kwaama a bǝla bɔ kang tɨyantɨn galɨgɨɨ, mʊ tǝmʊn mɨsɔ bǝla ń nɛ.

Roma 12:16

Jǝ́ yɨ yɨm kwamɨgǝn jǝbɔ kambɔ. Ka jǝ́ nʊng lɛ dʊʊlǝn dul. Bɛ jǝ́ yǝlam fatǝm nǝb nɨ ja ya ji bɔ a nyiyo jǝlɨ. Ka jǝ́ do lɛ dul jenɔ jǝ́ laa tangǝn nǝbɔ yʊlan.

Roma 12:3

A gola lǝma nɨ Kwaama a maa mɨɨ, mǝ sʊwa jen nɛ gwam jenɔ, bɛ ka kaa nǝl ya do lɛ dul gǝnɔ a laa laaɨ bʊʊlalɨ gǝnɔ. Bɛ a do dul gǝnɔ dǝngdǝng jǝbɔ nǝtǝm bɨlǝngkɛlɔ Kwaama a nǝ gǝnɨ.

Roma 3:3

Maa nyǝn na kaamɨ n nǝb jatǝm swatǝm yaaɨ? Jatǝm swatǝm yaa jinɔ kal kal tatǝm swatǝm yaa Kwaamaɨ ka?

1 Korinti 10:12

Na gǝ na nyɨɨ, nʊ nɨ kuwo lɛ gɔ gǝ tɨɨ, bɛ ga nyǝm, kage ga yala.

1 Korinti 15:1

A kǝngkɔ, kambɔ, mǝ bʊʊla jem bʊʊla fulon kɛl lǝmɨ nɨ mǝ sʊwa jeni, wʊnɨ jǝ́ yoi, wʊnɨ jǝ́ bwangtǝnɨ.

1 Korinti 16:13

Jǝ́ yɨ yɨm fɛkalɨ. Jǝ́ bɨ nǝl a nǝtǝm bɨlǝngkɛl jenɔ gǝm. Jǝ́ kʊʊ nǝl. Jǝ́ tɨ nǝn kwaan.

2 Korinti 1:24

Ke bɔ kɛl nʊngtǝm kwaan a nǝtǝm bɨlǝngkɛl jenɔ gǝm nǝn nʊng jen nɛɨ. Mɨ nyɔ. Nǝn maa maajɨgɔ dakini jǝbɔ jen, sǝ jǝ́ maa fulotǝm nǝl, jʊ a bwɨɨ jǝ́ tɨ nǝn kwaan a nǝtǝm bɨlǝngkɛl jenɔ gǝm.

2 Korinti 10:5

Nǝn kʊwa nǝbɔ taba fɨ lɛ a katɨ jinɔ gǝmɨ. Nǝn tʊngam kwalɨtɨn nɨ kʌshi kɛl Kwaamaɨ lɛɨ. Nǝn gʊ bʊʊlalɨ nǝl nǝbɨɨ lɛ gwam sǝ ja bwangtǝn Kiristi.

Filibii 2:12

Jǝ́ nǝbɔ mǝ swɨ lɛɨ, kwangkwang jǝ́ bwangtǝn diil mǝndɨ lɛ kwama bǝ dakinii. Kǝngkǝnɨ mɨ bǝ dakini, bɛ maajɨ jenɔ a laa nyɔ. Bɛ jǝ́ maa maajɨ nɨ bʊʊ lɛ nǝn jeni nǝn taal jǝbɔ katǝm bʊtɔ.

Kolosii 2:7

Bɛ nʌltɨn jenɔ ya dʊʊl lɛ a mʊgɔ Kiristii. Bɛ kʊlɨ jenɔ a dʊʊl a mʊgɔ gǝn. Bɛ jǝ́ tɨ nǝn kwaan a mʊgɔ nǝtǝm bɨlǝngkɛlɔ gǝm ja mɛla jemi. Bɛ jǝ́ buu gǝm kang a lada.

2 Tasalonikaɨ 2:4

Nʊ gɔ n nǝ kii. Maa kii lɛ jǝbɔ jʊ nɨ gwam nǝn dun Kwaamaɨ, jǝbɔ kanjǝl nɨ nǝbɔ bǝlá lɛɨ. A gung dul gǝnɔ a laa kanjǝl nɨ gwam. Yɨ yɨ a Kan Kwaaman Kwaamaɨ, sʊwa lɛ gɔ nǝn gɔ gǝ nǝn Kwaama.

1 Timoti 6:17

Nǝb shilo yooli nɨ kǝngkɨɨ, bɛ ń gʊ jim lɔl, ka ja gung lɛ dul, ka ja ya lɛ nǝl a shilo nɨ mɨsɔ tɨ lɛ a kʊtaɨ. Bɛ ja ya nǝl jinɔ a daa Kwaama woi, wʊnɨ nǝ bǝn kanjǝlɔ lɛ gwam na nyʊwatǝm lǝma bǝnɨ.

Ibranii 3:12

Kambɔ, bɛ jǝ́ nyǝm kage bwɨlang bʊʊlalɨ jǝbɔ nǝl nɨ a nǝ bɔ bɨlǝngkɛlɨ a yǝlam nǝn kaa nǝl a kʊm jen a daa Kwaama kʊlɨ woi.

Ibranii 3:19

Nǝngɔ bǝ kuwo bǝngɔ n kɔtǝm nǝtǝm bɨlǝngkɛl jinɔ ja gaa dɔtǝmɨ.

Ibranii 4:11

Bɛ bǝ maa kwaan dɔtǝm daa fǝbtǝm nɨ, kage kaa nǝl a gaa dɔtǝmɔ a dul bǝngɨ lɔl kanga tʊgalam bǝnɔ a maamɨ.

Ibranii 4:6

Jʊ nɨ gǝ nʊng gɔ, jǝ nǝb nɨ ja tǝl sʊwatǝm jinɔ fulon kɛl lǝmɨgɨɨ, ja gaa dɔtǝmɔ, jʊ a bwɨɨ ja maa bǝngɨ lɔl. Kǝngkǝnɨ tangǝn golagɔ wo, kaamɨ jǝ dɔ dɔ.

Yakubu 2:19

Ń nǝ bɨlǝngkɛl Kwaama win ka? N dǝngdǝng. Nǝblaamɔ tʌji a nǝ bɨlǝngkɛl nyɔ. Bʊtɔ jinɔ ka lɛ kʌbkʌb nǝn taal.

Yakubu 4:6

Kwaama sʊ bǝm lǝma gǝnɔ lɛ a lada. N jʊ a bwɨ kɛl gǝnɔ a sʊwa gɔ, “Kwaama kɔ nǝ gungtǝm dul lɛ. A nʊ nɨ mɨ nǝn gungtǝm duli, Kwaama nǝ gǝn lǝma gǝnɔ lɛ.”

1 Bitrus 1:17

Jǝ́ jo gǝn gɔ Tɛtɛ a daa maatǝm keli. Nǝn gɔ maa nǝbɔ gǝm gwam borang lɛ a jʊtǝb nɨ ja maaɨ, mɨ nǝn swɨtǝm dul. A kɛl dul jʊ nɨɨ, bɛ jǝ́ nyʊwa taal gǝnɔ nǝn kwama nɨ jǝ́ faabǝm a yooli nɨɨ.

1 Bitrus 5:12

N mʊla jem nǝn kʌb nyɔ nǝn tɨkalɨ Silaɨ, wʊnɨ a kuwotǝm mǝndɨ a la nyɔ jǝ jo gǝn nɛ gɔ kɛ nʊ nɨ a ta swatǝm yaa gǝnɨ. Mǝ mʊla sǝ n sʊ jem kwaan, sǝ n sʊwa jen a talɨ kanga jʊ nɨ mǝ mʊla a lǝma Kwaamaɨ n bɨlǝngǝn. A dul kɛl nɨɨ, bɛ jǝ́ tɨ nǝn kwaan a lǝma Kwaamaɨ.

1 Bitrus 5:9

Bɛ jǝ́ kɔ gǝn, jǝ́ tɨ nǝn kwaan a nǝtǝm bɨlǝngkɛl jenɔ gǝm. Jǝ́ kwɛl jǝ́ nyǝm nyǝmɨ kɛtǝlam jenɔ a yooli nɨɨ pʌd, ja kwɛl ja ya jim yaɨ nɔɔtǝm gaalanɔ.

Dʊgam Nyangnyang 18:7

Gǝ gung dul gǝnɔ, gǝ nyʊwa lǝma lɛ. Jen tʌjen bɛ jǝ́ ywa gǝn nǝn gaalan jǝbɔ fitǝm nǝl sǝ a yɔ dǝngdǝng. Sʊwa lɛ a mʊgɔ nǝl gǝn gɔ, ‘Mǝ nɔɔfɔlɔ. Mǝ yǝm a dʌbʌl kotere fɔlɔn. Mǝ ke bɔ nɔɔkʊla, mɨsɔ mǝ ji wi bwaa lɛ.’ ”

Dʊgam Nyangnyang 3:17

Mʊ sʊwa mɔʊ, ‘Mǝ nǝ kemʌn, mǝ nǝ shilo, mǝ saa bɔ kaa jǝl.’ Mʊ nyǝm bɔ mɔʊ mɨ mʊ nǝn jǝl, jǝ bʊnatǝm, nǝ bʊnǝn, kuli jǝbɔ kʊnkʊn.