Roma 11:11 - Dadiya NT

¹¹ Mǝ bʌ kɛl lɛ tag, fǝtǝm naa nɨ a dǝg ji ja yalaɨ, mɨ guntǝm wo ka? Mɨ nyɔ dǝm! Yalatǝm jinɔ a yǝlam bʊʊtǝm Bʌtʌbi, sǝ a dǝg nǝbɔ Israilaɨ a maa nungon nǝn ji.

Roma 11:11 ပူးပေါင်းရင်းမြစ်များ

Luka 20:16

Bɛ ba jʌbom jʌbom nǝb nɨ a yo twam ywatǝmɨ sǝ a nǝ kaam nǝb twam ywatǝmɔ.” Nǝbɔ a nyʊwa nyɨɨ, nǝngɔ ja sʊwa gɔ, “Bɛ Kwaama a shigʌm.”

Maajɨ Bɛtɔ Twamagɨɨ 13:42

Bulus jǝbɔ Barnaba jel lɛ a kan mɛlalɨɨ, nǝngɔ nǝbɔ ba kela ji gɔ ja sʊ jim kɛltɨn nɨ a dul kanjǝl nɨ nǝn Kum Fǝbtǝm nɨ bɛ lɛɨ.

Maajɨ Bɛtɔ Twamagɨɨ 18:6

Jǝ bǝng gǝn nɛ, jǝ tuwola gǝn nɛ. N dul kɛl nɨ a fʌrʌm dwang gǝnɔ a sʊwa ji gɔ, “Bɛ tʊʊm jenɔ a yɨ a dul jen! Mǝ, mɨ mǝ nǝn bwɨlangkɛl. Jʊ a ta a dwiyeni, mǝ yi a daagɔ Bʌtʌbɔ woi.”

Roma 10:19

Mǝ bʌ kɛl lɛ tag, “Nǝbɔ Israilaɨ a nyǝm bɔ twamagɔ ka?” A tǝltǝmɔ gǝmɨ Musa gɔ, “Kwaama a sʊwa gɔ, ‘Mǝ dǝg jen dǝg jǝ́ maa nungon jǝbɔ nǝb nɨ mɨ nǝn tuulɔɨ. Mǝ dǝg jen dǝg jǝ́ maa nabwɨl nǝn nǝb nɨ a fʌm fʌmi.’ ”

Roma 11:1

Mǝ maa bʌtʌm lɛ, Kwaama a yǝla nǝbam gǝnɔ gǝm gul ka? A fee! Mɨ nyɔ dǝm! Mǝ tǝmɨ nǝn dul mɨ mǝ bwɛ Israila, a guu Ibrahimi, a dʊʊm Biliyaminui.

Roma 11:12

Na bwɨlangkɛl jinɔ ja maaɨ nǝn gɔ a bɛ yooli nɨ gǝm nǝn bwilii, na gɨyatǝm jinɔ nǝn gɔ bwili Bʌtʌbi, la ladatǝm bwili Bʌtʌbi na nyǝn na kwama ladatǝm nǝbɔ Israilaɨ yǝlam lɛ a daa Kwaama woi a yii?

Roma 11:14

Mǝ maa nyɔ sǝ n dǝg nǝb nɨ n nyiyo mɨ nungon, sǝ n dǝg kaam jinɔ a nya bʊʊtǝm.

Roma 11:31

N golagɔ win ja kɔ bwangtǝm Kwaamaɨ kǝngkɨɨ, sǝ Kwaama a ji bʊnǝn jinɔ kanga a maa jemi.