Roma 10:6 - Dadiya NT

⁶ A kaa gola, yɨm dǝngdǝng nɨ a gola nǝtǝm bɨlǝngkɛlɨ a sʊwa gɔ, “Bɛ ka ń sʊwa lɛ a mʊgɔ nǝl mʊn mɔʊ, ‘Nuwo gwi dʌbʌl kwama lɛɨ?’ ” (Sǝ a shig Kiristi woi).

Roma 10:6 ပူးပေါင်းရင်းမြစ်များ

Yohana 6:33

Jǝjalǝn Kwaamaɨ nʊ nɨ gǝla lɛ a dʌbʌli, wʊnɨ nǝ yooligɔ kʊlɨ lɛɨ.”

Yohana 6:38

Jʊ a bwɨɨ, mǝ gǝla bɔ a kwama sǝ ba n maa jʊ nɨ nǝl mǝndɨ swɨ lɛɨ. Mǝ gǝla sǝ ba n maa jʊ nʊ nɨ a twam ɨɨ swɨ lɛɨ.

Yohana 6:58

Nǝmǝ mǝ jǝjalǝn nɨ a gǝla a dʌbʌli. Dʊʊm tʊgalam jenɔ ja ja mannagɔ, nǝngɔ ja bʊlaɨ. Nʊ nɨ a ja jǝjalǝn nɨɨ, yɨ yɨ nǝn kʊlɨ mɨ dɨltǝm wo.”

Roma 3:22

Dǝngdǝng nɨ na a Kwaamaɨ, wʊnɨ nyatǝm gǝnɔ n gola nǝtǝm bɨlǝngkɛl a daa Yesu Kiristi woi a nǝb nɨ gwam a nǝ bɨlǝngkɛlɨ, mɨ nʊngtǝm wo nǝn dʌmʌn.

Roma 3:25

Kwaama a tʊng Yesu Kiristi, a yǝlam tǝlatǝm tʊʊm twama na kǝlǝmtǝm bwɨlangkɛl. N gola nǝtǝm bɨlǝngkɛl a daa gǝ woi. Kwaama a maa nyɔ sǝ a nʊng dǝngdǝng gǝnɔ, jʊ a bwɨɨ galɨgǝn n bwatǝm nǝl gǝnɔ a mam nu a bwɨlangkɛltɨn nɨ ja kwɛl ja maaɨ.

Roma 4:13

Swatǝm yaa nɨ ja maa Ibrahim gǝm jǝbɔ dʊʊm gǝnɨ, sʊwa lɛ gɔ ja ja kʊla yooligɨɨ, a bɛ bɔ a gola diil. N gola dǝngdǝng nɨ jǝ nya lɛ a gola nǝtǝm bɨlǝngkɛlɨ.

Filibii 3:9

sǝ n yǝlam win nǝbɔ gɔ. Mǝ ya bɔ nǝl mǝ mǝ nǝ dǝngdǝng a gola bwangtǝm diil, na ke bɔ a gola nǝtǝm bɨlǝngkɛl a dul Kiristii. N dǝngdǝng nɨ a daa Kwaama woi bɛ lɛ nǝn nǝtǝm bɨlǝngkɛlɨ.

Ibranii 1:3

Bwɛ nǝn gɔ nyalǝm dʊʊlǝn Kwaamaɨ, n jelkalǝng gǝn dangǝn, nǝn gɔ a ta kanjǝlɔ gwam nǝn kwaan sʊwatǝm gǝnɨ. A saalǝm bwɨlangkɛl bǝnɨ, nǝngɔ a yɨ a kang jajǝng Nǝ dʊʊgɨɨ a fɔlɔn dʌbʌli.

Ibranii 11:7

N gola nǝtǝm bɨlǝngkɛl Nuhui, nǝn kwama nɨ Kwaama a gʊ gǝm lɔl a dul kanjǝl nɨ ja kuwo bɔ dɨnɨ, nyʊwa taal Kwaamaɨ lɛ. Nǝngɔ a swiyo gʌleng tɨyamwɛngɔ sǝ a bʊʊ nǝn nǝbɔ lɔ gɨɨ. N gola nǝtǝm bɨlǝngkɛl tag a nʊng yooligɔ bwɨlangkɛl gǝnɨ, a yǝlam nǝ dǝngdǝng a kǝga Kwaamaɨ wʊnɨ nyatǝm gǝnɔ gǝ na a gola nǝtǝm bɨlǝngkɛlɨ.