Roma 1:7 - Dadiya NT

⁷ Langǝn bwangǝn nɨ mǝ twamǝm nǝbɔ gǝm gwam Kwaama swɨ lɛ a Romaɨ, nǝb sagsag nɨ a jo joi. Bɛ lǝmagɔ jǝbɔ yɨm kwamɨgǝn a Kwaama Tɛtɛ bǝnɨ jǝbɔ a Tɛlalɔ Yesu Kiristii a yɨ jǝbɔ jen.

Roma 1:7 ပူးပေါင်းရင်းမြစ်များ

Matta 5:16

A dul kɛl nɨ, jǝ́ bǝla nyalǝm jenɔ ya beta lɛ a kǝga nǝbɨɨ, sǝ ja kuwo maajɨ nyan jenɔ, sǝ ja dʊʊl Tɛtɛ jen nɨ a dʌbʌli.

Yohana 20:17

Yesu a sʊwa gǝn gɔ, “Ka ń ta ɨ lɛ, jʊ a bwɨɨ mǝ gwi bɔ n yɔ a daa Tɛtɛ mɨ woi dɨn. Yɔ a daa kɛtǝlam mɨ woi ya ń sʊwa ji mɔʊ, ‘Mǝ yi a daa Tɛtɛ mɨ woi jǝbɔ Tɛtɛ jen, Kwaama mɨ jǝbɔ Kwaama jen.’ ”

Maajɨ Bɛtɔ Twamagɨɨ 15:23

Ja nǝ ji langǝn bwangǝn wʊnɨ sʊwa lɛ gɔ, A daagɔ kɛtǝlam jenɔ bɛtɔ twamagɔ, jǝbɔ dʊʊm nǝb bwangtǝmɔ, a yɔ nǝn a daagɔ Bʌtʌbɔ woi, nǝb bwangtǝmɔ, wʊnɨ a Antakiya jǝbɔ tǝm Suriya jǝbɔ Kilikiyaɨ. Nǝ yal jen nɛ.

Maajɨ Bɛtɔ Twamagɨɨ 9:13

Nǝngɔ Hananiya a jǝla gǝn gɔ, “Tɛlalɔ, n nyʊwa fulon kɛl balɨ nɨ a daa nǝbɔ woi a gǝlala, a kɛl shil nɨ maa nǝb bwangtǝm mʊnɔ gǝm lɛ a Urushalimaɨ.

Roma 1:6

Jǝ́ na a kʊm Bʌtʌb nɨ Yesu Kiristi a jǝgamɨ.

Roma 5:1

Gǝ na nyɔ bǝn nɨ Kwaama a kwɛl a dǝg bǝn bǝ yǝlam dǝngdǝng a kɛl nǝtǝm bɨlǝngkɛlɨ, bǝ nǝngǝn nǝn yɨm kwamɨgǝn jǝbɔ Kwaama, a gola Tɛlalɔ bǝn Yesu Kiristii.

Roma 5:5

Yatǝm nǝlɔ mɨ gǝ bɛ lɛ nǝn gunidul, jʊ a bwɨɨ Kwaama a kwɛl a tal swɨtǝm gǝnɔ a nǝl bǝnɔ gǝm, a gola Yʊwa Kwaamaɨ nɨ ga nǝ bǝnɨ.

Roma 8:28

Bǝ nyǝm a mʊgɔ kanjǝlɔ gǝm gwam Kwaama maa maa jʊ nɨ a bʊmɨ a nǝb nɨ swɨ gǝn nɛɨ, a nǝb nɨ ga jo a fɛkalɨ gǝnɨ.

Roma 8:39

na n debatǝmɨ, na n tushitǝmɨ, na kaa jǝl wo a kanjǝl nɨ gwam ja fwalɨ, ja la bɔ ja wʊlaka bǝn jǝbɔ swɨtǝm nɨ Kwaama maa bǝm lɛ a mʊgɔ Kiristi Yesu Tɛlalɔ bǝnɨ.

Roma 9:25

Kanga a sʊwa a mʊgɔ Langǝn Bwangǝn Yushaui gɔ, “Nǝb nɨ ke bɔ nǝbam mɨɨ, mǝ jo ji jo mǝʊ n ‘nǝbam mɨ.’ Nǝb nɨ galɨgǝn mǝ swɨ bɨɨ, kǝngkɔ mǝ jo ji mǝʊ n ‘nǝbɔ mǝ swɨ lɛɨ.’

1 Korinti 1:24

A daagɔ nǝb nɨ Kwaama a jo joi, Yahudawagɔ jǝbɔ nǝbɔ Girikaɨ pʌd yo, Kiristi n kwaan Kwaamaɨ jǝbɔ yʊlan Kwaamaɨ.

1 Korinti 16:23

Bɛ lǝma Tɛlalɔ bǝn Yesui a ta tʌgo gwanggwang a daa jen woi.

2 Korinti 13:14

Bɛ lǝma Tɛlalɔ Yesu Kiristii, jǝbɔ swɨtǝm Kwaamaɨ, jǝbɔ mʊrkalɨ Yʊwa Kwaamaɨ, a yɨ jǝbɔ jen gwam.

Galatiya 6:18

Kambɔ, bɛ lǝma Yesu Kiristii Tɛlalɔ bǝn, a kɨla kʊlɨ jenɔ. A daa nyɔ.

Afisa 1:2

Bɛ lǝmagɔ jǝbɔ yɨm kwamɨgǝn a daagɔ Kwaama Tɛtɛ bǝnɨ, jǝbɔ a Tɛlalɔ Yesu Kiristii a ta tʌgo a daa jen woi.

Afisa 6:23

Yɨm kwamɨgǝnɔ, jǝbɔ swɨkanɔ, jǝbɔ nǝtǝm bɨlǝngkɛl a Kwaama Tɛtɛɨ jǝbɔ a Tɛlalɔ Yesu Kiristii a ta tʌgo gwanggwang a jen gǝm kambɔ.

Filibii 1:2

Bɛ lǝmagɔ jǝbɔ yɨm kwamɨgǝn a yɨɨ jǝbɔ jen a daagɔ Tɛtɛ bǝn Kwaama woi jǝbɔ Tɛlalɔ Yesu Kiristi.

Filibii 4:13

Mǝ dwal dwal n maa kanjǝlɔ gwam a dul nʊ nɨ nɨ ɨ kwaan nɛɨ.

Filibii 4:20

Bɛ dʊʊnɔ a yɨ nyɔ a daagɔ Kwaama Tɛtɛ bǝn woi, mɨ dɨtǝm wo! A daa nyɔ.

Filibii 4:23

Bɛ lǝma Tɛlalɔ Yesu Kiristii a yɨ nyɔ a mʊgɔ nǝl jen.

Kolosii 1:2

Nǝn mʊla nǝb sagsagɔ gǝm lɛ jǝbɔ kambɔ nɨ a ta swatǝm yaa a mʊgɔ Kiristii a Kolosii. Bɛ lǝmagɔ jǝbɔ yɨm kwamɨgǝn a yɨɨ jǝbɔ jen a daagɔ Tɛtɛ bǝn Kwaama woi.

Kolosii 3:12

Gǝ na nyɔ, bɛ jǝ́ do nǝl bʊnatǝm, jǝbɔ maatǝm jǝ nya, jǝbɔ shigtǝm dul, jǝbɔ yʌbtǝm dul, jǝbɔ kʊtǝm nǝl, kanga jǝ́ nǝbɔ Kwaama a jǝgamɨ, nǝb sagsag, nǝbɔ Kwaama swɨ lɛɨ.

Kolosii 3:15

Bɛ yɨm kwamɨgǝn a Kiristii a maa fɔlɔn a nǝl jen. N kɛl gɔ ja jo jen jǝ́ yǝlam bʊtɔgɔ wini. Bɛ jǝ́ yǝlam nǝb buutǝm kang.

1 Tasalonikaɨ 1:1

Nǝmǝ mǝ Bulus mǝ mʊla langǝn bwangǝn nɨ lɛɨ, nǝbɔ Sila, jǝbɔ Timoti. Nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Tasalonikaɨ, wʊnɨ na a Kwaama Tɛtɛɨ jǝbɔ Tɛlalɔ Yesu Kiristii. Bɛ lǝmagɔ, jǝbɔ yɨm kwamɨgǝn a yɨ jǝbɔ jen.

1 Tasalonikaɨ 1:3

Nǝn bʊʊla lɛ nǝn jen a keli nǝnɔ gǝm a kǝga Kwaama Tɛtɛ bǝnɨ a maajɨ nɨ jǝ́ maa lɛ a gola nǝtǝm bɨlǝngkɛlɨ, jǝbɔ gaalan maajɨgɔ jǝ́ nɔɔ lɛ a gola swɨtǝmɨ, jǝbɔ bwatǝm nǝlɔ jǝ́ maa lɛ nǝn yatǝm nǝl a mʊgɔ Tɛlalɔ bǝn Yesu Kiristii.

1 Tasalonikaɨ 1:4

Kambɔ, nǝn nyǝm Kwaama a swɨ jen. Nǝn gɔ a jǝgam jeni, sǝ jǝ́ yǝlam nǝb gǝnɨ.

1 Tasalonikaɨ 4:7

Kwaama a jo bǝn bɔ sǝ bǝ yɨ yɨm nɨ mɨ sagsagɨɨ. A jo bǝn sǝ bǝ yɨ yɨm sagsag.

1 Tasalonikaɨ 5:28

Bɛ lǝma Tɛlalɔ bǝn Yesu Kiristii a yɨ jǝbɔ jen.

2 Tasalonikaɨ 1:2

Bɛ Kwaama Tɛtɛ jǝbɔ Tɛlalɔ bǝn Yesu Kiristi, a nǝ jen lǝma jǝbɔ yɨm kwamɨgǝn.

2 Tasalonikaɨ 3:16

Bɛ Tɛlalɔ nɨ bɛ lɛ nǝn yɨm kwamɨgǝnɨ a nǝ jen yɨm kwamɨgǝn kwangkwang a daa nɨ jǝ́ nya dul jenɔ woi. Bɛ Tɛlalɔ a yɨ dakini jǝbɔ jen gwam.

2 Tasalonikaɨ 3:18

Bɛ lǝma Tɛlalɔ bǝn Yesu Kiristii a yɨ jǝbɔ jen gwam.

1 Timoti 1:2

Mǝ mʊla bʊla mɨ Timoti gǝm lɛ bwɛ nyan mɨ a nǝtǝm bɨlǝngkɛlɔ gǝm. Bɛ Kwaama Tɛtɛ, jǝbɔ Kiristi Yesu Tɛlalɔ bǝn a nǝ ń lǝma, jǝbɔ bʊnatǝm jǝbɔ yɨm kwamɨgǝn.

1 Timoti 6:2

Jwaalɛb nɨ tɛlalɔ jinɔ n nǝb nǝtǝm bɨlǝngkɛlɨ, ka ja soga ji lɛ, jʊ a bwɨɨ jǝ kɛtǝlam a daa jen woi. Bɛ ja sʊtǝn maatǝm jwaalɛnɔ, jʊ a bwɨɨ nǝb nɨ nya bwili lɛ a maajɨ jinɔ gǝmɨ, n nǝb bwangtǝm, n nǝb nɨ jǝ swɨ lɛɨ. Bɛ ń mɛla jim, kʊʊ jim nǝl a dul kanjǝl nɨ.

2 Timoti 1:2

A yɔ nǝn a daagɔ Timotii, bʊla mɨ nɨ mǝ swɨ lɛɨ. Bɛ lǝmagɔ jǝbɔ bʊnatǝmɔ jǝbɔ yɨm kwamɨgǝnɔ a daa Kwaama Tɛtɛ woi jǝbɔ a Kiristii Yesu Tɛlalɔ bǝn, a ta tʌgo gwanggwang a daa mʊ woi.

2 Timoti 4:22

Bɛ Tɛlalɔ a yɨ a nǝl mʊn. Bɛ lǝmagɔ a yɨ jǝbɔ jen.

Titus 1:4

Langǝn bwangǝn nɨ mǝ mʊlam Titus, bwɛ nya mǝndɨ a gola nǝtǝm bɨlǝngkɛl bǝnɨ. Bɛ lǝma jǝbɔ yɨm kwamɨgǝn a Kwaama Tɛtɛɨ, jǝbɔ a Kiristi Yesu Nǝbʊʊlɨ bǝnɨ a yɨ a daa mʊ woi.

Filimon 1:25

Bɛ lǝma Tɛlalɔ Yesu Kiristii a ta tʌgo gwanggwang a nǝl jenɔ gǝm.

Filimon 1:3

Bɛ lǝmagɔ jǝbɔ yɨm kwamɨgǝn a yɨ jǝbɔ jen a daagɔ Tɛtɛ bǝn Kwaama woi jǝbɔ Tɛlalɔ Yesu Kiristi.

Yakubu 1:1

Nǝmǝ mǝ Yakubu, bwɛ jwaalɛ Kwaamaɨ jǝbɔ a Tɛlalɔ Yesu Kiristii. Mǝ mʊla langǝn bwangǝn nɨ mǝ tʊng a daagɔ dʊʊm nɨ a bel kʊb jeli yo a kwɨya tǝmɔ nǝn kwan a mʊgɔ yooli nɨɨ. Mǝ yal jen nɛ.

1 Bitrus 1:15

Kanga nʊ nɨ a jo jeni n nǝ sagsagɨɨ, jen tʌjen bɛ jǝ́ yǝlam sagsag a kanjǝl nɨ gwam jǝ́ maa lɛɨ.

1 Yohana 3:1

Jǝ́ dʌng swɨtǝm nɨ Tɛtɛ a nʊng bǝmɨ. A jo bǝn gɔ bǝ bɛtɔ lɔ Kwaamaɨ, bǝ na nyɔ kǝngkɔ. Nǝb nɨ a yooli nɨɨ a nyǝm bǝn bɔ, jʊ a bwɨɨ ja nyǝm gǝn bɔ.

2 Yohana 1:3

Bɛ lǝma, jǝbɔ bʊnatǝm, jǝbɔ yɨm kwamɨgǝn a daagɔ Kwaama Tɛtɛɨ jǝbɔ a Yesu Kiristii, Bʊla Tɛ bwɛɨ a yɨ nyɔ a daa bǝn woi nǝn bɨlǝngǝn jǝbɔ swɨkatǝm.

Dʊgam Nyangnyang 2:1

“Bɛ ń mʊla bwɛ twama Kwaamaɨ nɨ a mʊrkalɨ nǝb bwangtǝm Kwaamaɨ a Afisaɨ gǝm nyɔ, “Kɛl nɨ nǝn gɔ n twama nʊ nɨ a ta nyanyamɨtɨn nɨ nʌbʌl a kang jajǝng gǝnɨ, wʊnɨ yɔ yɔm lɛ tag a tɨbǝl daatɨn swatǝm fitila nɨ nʌbʌl na mʊnɨ.

Dʊgam Nyangnyang 2:12

“Bɛ ń mʊla bwɛ twama Kwaamaɨ nɨ a mʊrkalɨ nǝb bwangtǝm Kwaamaɨ nɨ gǝm a Birgamasɨ gǝm nyɔ, “Kɛl nɨ nǝn gɔ n twama nʊ nɨ nǝn gulʌnɔ nyiyogɔ yo a ja jaɨ.

Dʊgam Nyangnyang 2:18

“Bɛ ń mʊla bwɛ twama Kwaamaɨ nɨ a mʊrkalɨ nǝb bwangtǝm Kwaamaɨ gǝm a Tayatiraɨ gǝm nyɔ, “Kɛl nɨ nǝn gɔ n twama Bʊla Kwaamaɨ, nʊ nɨ nǝn nutɨnɔ na ben kǝlaɨ, nʊ nɨ naatɨnɔ a maa na kemʌn nɨ ja saal saalɨ.

Dʊgam Nyangnyang 2:29

Nʊ nɨ nǝn lɔl nyʊwatǝmɨ, bɛ a nyʊwa jʊ nɨ Yʊwagɔ sʊwa daatɨn mʊrkalɨ nǝb bwangtǝm Kwaamaɨ lɛɨ.”

Dʊgam Nyangnyang 2:8

“Bɛ ń mʊla bwɛ twama Kwaamaɨ nɨ a mʊrkalɨ nǝb bwangtǝm Kwaamaɨ nɨ a Simirnaɨ gǝm nyɔ, “Kɛl nɨ nǝn gɔ n twama nʊ nɨ na Tɨkǝgaɨ jǝbɔ na Dɨltǝmɨ, wʊnɨ a bʊla a yǝla a gun nǝn kʊlɨɨ.

Dʊgam Nyangnyang 22:21

Bɛ lǝma Tɛlalɔ Yesui a yɨ jǝbɔ nǝbam Kwaamaɨ gwam. A daa nyɔ.

Dʊgam Nyangnyang 3:14

“Bɛ ń mʊla bwɛ twama Kwaamaɨ nɨ gǝm a mʊrkalɨ nǝb bwangtǝm Kwaamaɨ nɨ gǝm a Lawudikiyaɨ gǝm nyɔ, “Kɛl nɨ nǝn gɔ n twamagɔ a daagɔ nʊ nɨ jǝ jo lɛ gɔ A daa nyɨɨ, Nǝ yiitǝm swatǝm yaa, jǝbɔ nǝ nǝtǝm nyiyo nyan, n daa gǝ woi Kwaama a fwal kanjǝlɨ.

Dʊgam Nyangnyang 3:22

Nʊ nɨ nǝn lɔl nyʊwatǝmɨ, bɛ a nyʊwa jʊ nɨ Yʊwagɔ sʊwa daatɨn mʊrkalɨ nǝb bwangtǝm Kwaamaɨ lɛɨ.”

Dʊgam Nyangnyang 3:7

“Bɛ ń mʊla bwɛ twama Kwaamaɨ nɨ gǝm a mʊrkalɨ nǝb bwangtǝm Kwaamaɨ nɨ a Filadalfiyaɨ gǝm nyɔ, “Kɛl nɨ nǝn gɔ n twamagɔ a daagɔ Nǝ Sagsag nɨ woi, Nǝ bɨlǝngkɛl, wʊnɨ nǝn jǝ wumtǝm nyanga kan Daudaɨ, wʊnɨ na a wumi, mɨ nʊ nɨ wo kubʌl lɛɨ, na a kubʌl tagɨ, mɨ nʊ nɨ wo wum lɛɨ.