Roma 1:21 - Dadiya NT

²¹ Ja nyǝm Kwaama sul, mɨ jǝ dʊʊl gǝn nɛ gɔ n Kwaama, mɨ ji buu gǝm kang lɛ. Bʊʊlalɨ jinɔ gǝ na nǝn kwan, nǝl jinɔ a yǝlam kumtojili, mɨ nyǝmtǝm wo.

Roma 1:21 ပူးပေါင်းရင်းမြစ်များ

Yohana 3:19

Jʊ wɔ a bwɨ Kwaama a maa jim borangɨ, nyalǝmɔ a bɛ a yooligɔ gǝm, nǝbɔ a swɨ duddugigɔ a laa nyalǝmɔ, jʊ a bwɨɨ maajɨ jinɔ na a bwɨla gwam.

Maajɨ Bɛtɔ Twamagɨɨ 26:18

Mǝ maa nyɔ sǝ ń wum jim nu, ja yǝla a kumtojili ja bɛ a nyalǝm. Ja yǝla a daagɔ kwaan Mammɔ woi, ja bɛ a daagɔ Kwaama woi. N gola nɨ jǝ nya kǝlǝmtǝm bwɨlangkɛltɨn nɛɨ, sǝ ja nya kʊla kʊlɨ jǝbɔ nǝb nɨ gwam a yǝlam nǝb sagsagɨ, a gola nǝtǝm bɨlǝngkɛl a daa mǝ woi.’

Roma 1:19

Jʊ jǝ nyǝm lɛ a dul Kwaamaɨ gǝ na a talɨ, jʊ a bwɨɨ Kwaama a nʊng ji nʊngɨ.

Roma 1:28

Kanga ja kɔ jǝlatǝm nyǝmtǝm Kwaamaɨ, Kwaama a bǝla ji nǝn bʊʊlalɨ bwɨla jinɔ, sǝ ja maa jǝ gunidul.

Roma 11:10

Bɛ nu jinɔ a yǝlam duddugi, kage ja nya kuwotǝm daa. Bɛ kʊng jinɔ a lʊʊ mɨ dɨtǝm wo.”

Roma 15:9

Sǝ Bʌtʌbɔ a dʊʊl Kwaama a kɛl bʊnatǝm gǝnɔ gǝm. Kanga a mʊla mʊlaɨ gɔ, “Mǝ bǝlá ń bǝlá ń a kʊm Bʌtʌbi, n ma nafɨ bǝlátǝm dun mʊnɔ.”

2 Timoti 3:2

Nǝbɔ yǝlam yǝlam nǝb swɨtǝm dul, jǝbɔ nǝb swɨtǝm kemʌn, jǝbɔ nǝb gungtǝm dul, jǝbɔ nǝb dʊʊlan dul, jǝbɔ nǝb tuwol, jǝbɔ nǝbɔ mɨ nyʊwa tɛtǝlam jinɔ lɛɨ. Jǝ yǝlam nǝbɔ mɨ buu kang lɛɨ, jǝbɔ nǝb nɨ mɨ sagsagɨɨ,

1 Bitrus 1:18

Jǝ́ nyǝm Kwaama a jǝg jen a mʊgɔ jǝfʊlǝn bwɨlantɨn nɨ tʊgalam jenɔ a bǝla jemi. Kwaama a jǝg jen bɔ nǝn kanjǝl nɨ gǝ kala lɛɨ, na mʊn jǝbɔ maalʊ.

1 Bitrus 2:9

A jenɔ jǝ́ dʊʊm jǝgamtǝm, jǝbɔ nya nǝbkǝlam fɔlɔgɨɨ, jǝbɔ nǝbɔ sagsagɨɨ, jǝbɔ nǝbam Kwaamaɨ, sǝ jǝ́ kiyo maajɨ nya a nʊ nɨ a jo jeni nǝn kwama jen a kumtojilii, jǝ́ dɔ bǝlátǝm nyalǝm nyan gǝnɨ.

Dʊgam Nyangnyang 14:7

Nǝngɔ a gung diil gǝnɔ nǝn kwaan a sʊwa gɔ, “Bɛ jǝ́ nyʊwa taal Kwaamaɨ, jǝ́ nǝ gǝn dʊʊn, jʊ a bwɨɨ kwama borang gǝnɔ a bɛ. Jǝ́ jʊng jǝ́ bǝlá gǝn. Jʊ a bwɨɨ, nǝn gɔ a fɛ dʌbʌl kwamagɔ jǝbɔ tǝmɨ, jǝbɔ wɨmagɔ jǝbɔ dɨyalɨ mwɛtɨnɔ.”

Dʊgam Nyangnyang 15:4

Nuwo mɨsɔ nyʊwa taal mʊnɔ lɛɨ, Tɛlalɔ? Nuwo mɨsɔ dʊʊl dun mʊnɔ lɛɨ? Jʊ a bwɨɨ nǝmɔ win swar mʊ sagsagɨ. Bǝlǝntǝmɔ pʌd ba jǝ jʊng jʊng ja maa mʊn bǝlátǝm, jʊ a bwɨɨ maajɨ nyan mʊnɔ a nʊng.”