Roma 1:17 - Dadiya NT

¹⁷ Fulon kɛl lǝmɨ nɨ a nʊng kanga Kwaama a dǝg nǝbɔ a yǝlam dǝngdǝng a daa gɔ woi a gola nǝtǝm bɨlǝngkɛl a tǝltǝmɔ gǝm a yɔ nǝn a dɨltǝmɨ, kanga ja mʊla gɔ, “Nʊ nɨ n nǝ dǝngdǝng a gola nǝtǝm bɨlǝngkɛlɨ, nya nya kʊlɨ.”

Roma 1:17 ပူးပေါင်းရင်းမြစ်များ

Yohana 3:36

Nʊ nɨ a nǝ bɨlǝngkɛl a daa Bʊla Kwaamaɨ woi, a nya kʊlɨ nɨ mɨ dɨtǝm woi. Nʊ nɨ a kɔ Bʊla Kwaamaɨ, mɨ nǝn kʊlɨ, nabwɨl Kwaamaɨ gǝ na a dul gǝn.”

Roma 10:3

Ja nyǝm bɔ golagɔ Kwaama gǝ dǝg nǝbɔ lɛ a yɨ yɨm dǝngdǝngɨ. Jǝ swɨ lɛ ja sʊtǝn gola jinɔ a yɨm dǝngdǝng a kǝga Kwaamaɨ, jʊ nɨ a dǝg ji ja dǝg bɔ dul jinɔ a gola nɨ Kwaama swɨ nǝbɔ lɛ a yɨ yɨm dǝngdǝngɨ.

Roma 3:21

Kǝngkǝnɨ, kaa gola nyatǝm dǝngdǝng Kwaamaɨ wo, ke bɔ a gola diil, wʊnɨ langǝn bwangǝntɨn Musaɨ jǝbɔ a nǝbkuwotǝmkǝgagɨɨ a nǝ nyiyo a dul gǝnɨ.

Roma 3:22

Dǝngdǝng nɨ na a Kwaamaɨ, wʊnɨ nyatǝm gǝnɔ n gola nǝtǝm bɨlǝngkɛl a daa Yesu Kiristi woi a nǝb nɨ gwam a nǝ bɨlǝngkɛlɨ, mɨ nʊngtǝm wo nǝn dʌmʌn.

Roma 3:3

Maa nyǝn na kaamɨ n nǝb jatǝm swatǝm yaaɨ? Jatǝm swatǝm yaa jinɔ kal kal tatǝm swatǝm yaa Kwaamaɨ ka?

Roma 9:30

N wɛ bǝ sʊwa lɛ tagɨ? Nǝb nɨ n Bʌtʌb ja saa bɔ dǝngdǝng Kwaamaɨ n wɔ ja nya. Ja nya dǝngdǝng nɨ a gola nǝtǝm bɨlǝngkɛl.

2 Korinti 3:9

Na maajɨ swatǝm yaa galɨ nɨ a bɛ nǝn mwɛlɨ n jǝ dʊʊlǝnɨ, maajɨ swatǝm yaa fɨ nɨ bɛ lɛ nǝn dǝngdǝng Kwaamaɨ a laa dʊʊlǝn dangǝn!

2 Korinti 5:21

Gǝ nɨ a maa bɔ bwɨlangkɛlɨ, Kwaama a dǝg gǝn a yǝlam nǝ bwɨlangkɛl a kɛl dul bǝn, sǝ bǝ nya yotǝm Kwaamaɨ a gola gǝn.

Galatiya 3:11

Mɨ nǝn nʊ nɨ yǝlam nǝ dǝngdǝng lɛ a kǝga Kwaamaɨ a gola bwangtǝm diili, jʊ a bwɨɨ, “Nʊ nɨ a yǝlam nǝ dǝngdǝng a daa Kwaama woi a gola nǝtǝm bɨlǝngkɛlɨ, yɨ yɨ nǝn kʊlɨ.”

Filibii 3:9

sǝ n yǝlam win nǝbɔ gɔ. Mǝ ya bɔ nǝl mǝ mǝ nǝ dǝngdǝng a gola bwangtǝm diil, na ke bɔ a gola nǝtǝm bɨlǝngkɛl a dul Kiristii. N dǝngdǝng nɨ a daa Kwaama woi bɛ lɛ nǝn nǝtǝm bɨlǝngkɛlɨ.

Ibranii 10:38

Nǝ mǝndɨ nɨ maa jʊ nɨ lɛ dǝngdǝngɨ, yɨ yɨ nǝn kʊlɨ a gola nǝtǝm bɨlǝngkɛl. Na ga yǝla ga gʊ nǝn guli, mɨsɔ mǝ maa fulotǝm nǝl lɛ nǝn gɔ.”