Roma 1:14 - Dadiya NT

¹⁴ N do tuulo nǝbɔ Girikaɨ jǝbɔ Bʌtʌbɔ, nǝb nyǝmtǝmɔ jǝbɔ nǝb nɨ a nyǝm bɔ jǝlɨ gwam a dul mɨ sǝ n kiyo jim fulon kɛl lǝmɨgɔ.

Roma 1:14 ပူးပေါင်းရင်းမြစ်များ

Matta 11:25

A kwama gɔ nǝngɔ Yesu a sʊwa gɔ, “Tɛtɛ, Tɛlalɔ dʌbʌlɔ jǝbɔ tǝmɔ, n buu mʊn kang mʊ yʊ nǝb yʊlanɔ jǝbɔ nǝb nyǝmtǝmɔ kanjǝl nɨɨ, mʊ nʊng bɛtɔ dwalǝnɨ.

Luka 10:21

Nǝn kwama gɔ, Yesu maa fulotǝm nǝl lɛ nǝn Yʊwa Kwaamaɨ, a sʊwa gɔ, “Tɛtɛ, Tɛlalɔ dʌbʌlɔ jǝbɔ tǝmɔ, n buu mʊn kang mʊ yʊ nǝb yʊlanɔ jǝbɔ nǝb nyǝmtǝmɔ kanjǝl nɨɨ, mʊ nʊng bɛtɔ dwalǝnɨ. Tɛtɛ, n jʊ mʊ swɨ maatǝmɨ.

Maajɨ Bɛtɔ Twamagɨɨ 22:21

“Nǝngɔ Tɛlalɔ a sʊwa ɨ gɔ, ‘Gun ń shu. Mǝ twam ń twam ń a kʊta kʊtaɨ a daa Bʌtʌbɔ woi.’ ”

Maajɨ Bɛtɔ Twamagɨɨ 28:2

Nǝbɔ a tǝm gɨɨ, ja maa nǝm jǝ nya dangǝn nǝn bɨlǝngǝn. Ja yo nǝn gwam, ja mʊʊ nǝm kǝlagɔ, jʊ a bwɨɨ mwɛmɔ swiyo lɛ, juulɔ maa lɛ.

Maajɨ Bɛtɔ Twamagɨɨ 28:4

Nǝb nɨ yǝm a tǝm nɨ a tɨbǝl wɨmaɨ a kuwo sɔɔgɔ a sabǝl tʌgo a kang Bulusi, nǝngɔ ja sʊwaka a bʊtɔ jin gɔ, “Bɨlǝngǝn, balɨ nɨ n nǝ jʌtǝm dul. Jǝ́ kuwo a bʊʊ a wɨmaɨ, kʊlɨ nǝbɨɨ bwang gǝm lɛ, bʊla bʊla.”

Maajɨ Bɛtɔ Twamagɨɨ 9:15

Nǝngɔ Tɛlalɔ a sʊwa gǝn gɔ, “Mɔ, yɔ! N nʊ nɨ mǝ jǝgǝm jǝgǝmɨ sǝ a maa maajɨ mǝndɨ, sǝ a sʊwa fulon dun mǝndɨ a daagɔ Bʌtʌbɔ woi, jǝbɔ fɔlɔlɔm jini, jǝbɔ nǝbɔ Israilaɨ.

Roma 1:22

Ja do gɔ jǝ nǝngǝn nǝn yʊlan, ja yǝlam nǝb nɨ mɨ nǝn yʊlanɨ.

Roma 11:25

Kambɔ, mǝ swɨ lɛ jǝ́ nyǝm kaam kanjǝl nɨ ja yʊ yʊɨ, kage ya jǝ́ gung dul lɛ. Kaam nǝbɔ Israilaɨ n nǝb kwamǝn dul, a yɔ nǝn a kwama nɨ ladatǝm Bʌtʌb nɨ a nyǝm Kiristii a yii.

Roma 12:16

Jǝ́ yɨ yɨm kwamɨgǝn jǝbɔ kambɔ. Ka jǝ́ nʊng lɛ dʊʊlǝn dul. Bɛ jǝ́ yǝlam fatǝm nǝb nɨ ja ya ji bɔ a nyiyo jǝlɨ. Ka jǝ́ do lɛ dul jenɔ jǝ́ laa tangǝn nǝbɔ yʊlan.

Roma 13:8

Bɛ ka jǝ́ ta lɛ jʊ nɨ a yǝlam a mɨbam nǝlɨ, na ke bɔ a swɨkanɨ. Nʊ nɨ swɨ fwalɨ yɨm gǝnɔ lɛɨ, a yii diilɔ.

Roma 16:19

Nǝbɔ gwam a nyǝm kanga jǝ́ jǝla jǝ́ bwangtǝn Kwaamaɨ. N jʊ a nɨ ɨ fulotǝm nǝl jǝbɔ jeni. Mǝ swɨ lɛ jǝ́ nyǝm jʊ nɨ a bʊmɨ, ka jǝ́ dǝg lɛ dul jenɔ a jʊ nɨ a yǝlam shili.

Roma 8:12

A dul kɛl nɨ kambɔ, bǝ nǝngǝn nǝn maajɨ a dul bǝn, ke bɔ yɨm bwangtǝm bʊtɔ nɨ bǝ swɨ lɛɨ.

1 Korinti 14:11

Na mǝ nyʊwa bɔ nyiyo nǝlɨ, n yǝlam faabɨ a daa nʊ nɨ sʊwa ɨ kɛl lɛɨ. Nʊ nɨ sʊwa ɨ kɛl lɛɨ, a yǝlam faabɨ a daa mǝ woi.

1 Korinti 14:16

Na mʊ bǝlá Kwaama nǝn dʊʊmɨ mʊnɔ kwaagɨɨ, maa nyǝn nʊ nɨ a nyǝm bɨɨ sʊwa lɛ gɔ, “A daa nyɔ,” a dul buutǝm kang nɨ mʊ maa lɛɨ, na a nyǝm bɔ jʊ nɨ mʊ sʊwa lɛɨ?

1 Korinti 2:13

Kɛl nɨ nǝ sʊwa lɛɨ, ke bɔ a yʊlan mɛlatǝm nǝfilii, n kɛlɔ Yʊwagɔ a nǝ nǝn gɔ nǝn sʊwaɨ. Nǝn nʊng kanjǝl na Yʊwa a nǝb nɨ nǝn Yʊwa Kwaamaɨ.

1 Korinti 3:18

Bɛ ka ń swag lɛ dul mʊnɔ. Na kaa nǝl a kʊm jen kuwo lɛ gɔ gǝ nǝ yʊlanɨ, kanga yooligɔ a do yʊlanɨ, bɛ ga do dul gǝnɔ gǝ nǝ fʌmʌn, sǝ ga yǝlam nǝ yʊlan.

2 Korinti 10:12

Na nǝn nǝn wo nǝn mʊrka dul nǝnɔ lɛ jǝbɔ kaam nǝb nɨ gung dul lɛɨ? Nǝn la bɔ nyɔ nǝn mʊrka dul nǝnɔ jǝbɔ nǝb nɨ gung dul lɛɨ! Nǝb nɨ n nǝbɔ gǝ sʊwa dul jinɔ lɛ a kʊm jini, jǝ mʊrka dul jinɔ lɛ a kʊm jin tagɨ, mɨ ji nǝn yʊlan.

2 Korinti 11:19

Jǝ́ kuwo lɛ maamɔ jǝ́ nǝb nyǝmtǝm, jǝ́ nyʊwa lǝma nyʊwatǝm kɛl nǝb nɨ lɛ a fʌm fʌmi!

Kolosii 3:11

A daa nɨ gǝm, mɨ gola nʊngkatǝm wo nǝn dʌmʌn a kʊm bwɛ Bʌl jǝbɔ bwɛ Yahuda, nʊ nɨ a biyo mwɛnɨ jǝbɔ nʊ nɨ a biyo bɔ mwɛnɨ, nǝ saatǝm kutʌm jǝbɔ nʊ nɨ a swɛla swɛlaɨ, bwɛ lɔɨ jǝbɔ bwɛ jwaalɛ. Kiristi nǝn gɔ a laa jǝlɨ, nǝn gɔ a mʊgɔ bǝn gwamɨ.

2 Timoti 2:10

A dul kɛl nɨ mǝ kʊ nǝl lɛ a kanjǝlɔ gǝm gwam a kɛl dul nǝb nɨ ja jǝgamɨ sǝ ji tʌji ja nya bʊʊtǝm a mʊgɔ Kiristi Yesui, sǝ ja nya dɔtǝm dʊʊlǝn nɨ mɨ dɨtǝm woi.

Titus 3:3

Bǝn tǝbǝn galɨgǝn bǝ swɛla swɛlaɨ. Bǝ bwangtǝn bɔ Kwaama. Ja swag bǝn. Bǝ yǝlam jwaalɛb maatǝm wɛl bwɨla jǝbɔ nyʊwatǝm lǝma nɨ mɨ dǝngdǝngɨ. Bǝ yǝlam nǝb shil. Bǝ yǝlam nǝb kiim. Bǝ yǝlam jǝ kɔtǝm, bǝn tǝbǝn bǝ kɔ kaam nǝbɔ lɛ.