Matta 9:8 - Dadiya NT

⁸ Nǝb nɨ a mʊrkaɨ a kuwo nyɨɨ, nǝngɔ taalɔ a ta jii, ja bǝlá Kwaama nɨ a nǝ nǝbɔ fɔlɔnɨ.

Matta 9:8 ပူးပေါင်းရင်းမြစ်များ

Matta 12:23

Nǝbɔ gwam a ta kang a nyiyo gɔ, “Nʊ nɨ nǝn bʊla Daudaɨ ka?”

Matta 15:31

Nǝbɔ a lada a ta kang a nyiyo, jʊ a bwɨɨ ja nyʊwa gɔ nǝbɔ nyiyogɔ a ta taɨ sʊwa kɛl lɛ kǝngkɔ, jǝbɔ nǝbɔ jinʌnɔ a taam taamɨ, jinʌn jinɔ a yǝla kwama tʌgo, nǝbɔ naagɔ a swam swamɨ, yɔ yɔm lɛ, jǝbɔ kululʌmɔ kuwo daagɔ lɛ kǝngkɔ. Nǝngɔ ja bǝlá Kwaama Israilaɨ.

Matta 28:18

Nǝngɔ Yesu a yɔ nǝn dɔɔm a sʊwa ji woi gɔ, “Kwaama a nɨ ɨ fɔlɔnɔ gwam a dʌbʌl jǝbɔ tǝm.

Matta 5:16

A dul kɛl nɨ, jǝ́ bǝla nyalǝm jenɔ ya beta lɛ a kǝga nǝbɨɨ, sǝ ja kuwo maajɨ nyan jenɔ, sǝ ja dʊʊl Tɛtɛ jen nɨ a dʌbʌli.

Matta 9:7

Gǝ tǝgǝn a gun, a shu a lɔ.

Markus 2:12

Nǝngɔ a gun tʌgo a kang dangǝn a do wɨlǝn gǝnɔ a jeli. Nǝbɔ woi dʌng gǝn nɛɨ, ja ta kang a nyiyo, jǝ bǝlá Kwaama lɛ jǝ sʊwa lɛ gɔ, “Bǝ kuwo bɔ kaa jǝl wo na jʊ nɨ a bwɨɨ.”

Markus 7:37

Ja ta kang a nyiyo dangǝn, jǝ sʊwa lɛ gɔ, “A maa kanjǝlɔ gwam a bʊm! A gung nǝb nɨ mɨ nyʊwa lɛɨ, ja nyʊwa, nǝb nɨ mɨ sʊwa kɛl lɛɨ, ja sʊwa kɛl.”

Luka 13:13

Nǝngɔ a ya gǝm kangɔ a dul gǝnɔ gǝmɨ. Nǝngɔ nɔɔlɨ nɨ a gun a tɨ sɨn, bǝlá Kwaama lɛɨ.

Luka 17:15

Nǝngɔ win a kʊm jin a kuwo Yesu a gung gǝnɨ, a yǝla a bɛ a daa Yesu woi, bǝlá Kwaama lɛ nǝn diil.

Luka 17:18

Mɨ kaa nʊ nɨ wo a yǝla ba bǝlá Kwaamaɨ na ke bɔ bwɛ bʌl nɨɨ?”

Luka 18:43

Tʌgo a kang nu gǝnɔ a wumo, nǝngɔ a bwangtǝn Yesui, bǝlá Kwaamagɔ lɛ. Nǝbɔ gwam a kuwo jʊ nɨ, jǝ bǝlá Kwaamagɔ lɛ.

Luka 2:20

Nǝb tɔɔtǝm kwamɨgɔ a yǝla, jǝ dʊʊl Kwaama lɛ, jǝ bǝlá gǝn nɛ a kɛl nɨ gǝm ja nyʊwaɨ, ja kuwoi, kanga bwɛ twama Kwaamaɨ a sʊwa jii.

Luka 23:47

Dʊʊ sʊwajaam nɨ tɨm woi a kuwo jʊ nɨ a bwɨɨ, nǝngɔ a bǝlá Kwaama a sʊwa gɔ, “Bɨlǝngǝn nʊ nɨ n nǝ dǝngdǝng.”

Luka 7:16

Taalɔ a ta ji gwam. Jǝ bǝlá Kwaama lɛ jǝ sʊwa lɛ gɔ, “Gʌleng nǝkuwotǝmkǝga a bɛ a kʊm bǝn. Kwaama a bɛ sǝ ba tɨka nǝb gǝnɔ.”

Yohana 15:8

Jǝ́ maa maajɨtɨn nɨ Kwaama swɨ lɛɨ, sǝ a nʊng jǝ́ bɛtɔ mɛlalɨ mɨ. Jʊ nɨ nǝn gɔ bɛ lɛ nǝn dʊʊlǝn Tɛtɛ mɨɨ.

Maajɨ Bɛtɔ Twamagɨɨ 11:18

Yahudawa nǝb bwangtǝmɔ a nyʊwa nyɨɨ, ja nyǝm bɔ jʊ jǝ sʊwa lɛɨ. Nǝngɔ ja bǝlá Kwaamagɔ jǝ sʊwa lɛ gɔ, “Kwaama a jǝla Bʌtʌbɔ gǝm tʌji ja yǝla ja bǝla bwɨlangkɛl jinɔ sǝ ja nya kʊlɨ.”

Maajɨ Bɛtɔ Twamagɨɨ 21:20

Ja nyʊwa nyɨɨ, nǝngɔ ja bǝlá Kwaamagɨɨ, ja sʊwa Bulus gɔ, “Ń kuwo, kɛgɔ, bwɨ nǝbɔ a lada a kʊm Yahudawagɨɨ ja nǝ bɨlǝngkɛl. Gwam jinɔ jǝ bwangtǝn diilɔ lɛ dǝngdǝng.

Maajɨ Bɛtɔ Twamagɨɨ 4:21

Ja gʊ jim lɔl dangǝnɨ, nǝngɔ ja dem jim kangɨ. Ja nya bɔ gola nɨ jǝ mwɛm ji lɛɨ, jʊ a bwɨɨ nǝbɔ gwam bǝlá Kwaama lɛ nǝn jʊ nɨ a bwɨɨ.

2 Korinti 9:13

Maajɨ nǝtǝm jenɔ nɨ gǝ nʊng jǝ́ nǝb bwangtǝm bɨlǝngǝn. N gola nɨ nǝbɔ gung dʊʊlǝn Kwaamaɨ lɛɨ, jʊ a bwɨɨ jǝ́ jǝla nǝn fulon kɛl lǝmɨ Kiristii, jǝ́ bwangtǝn. Nǝbɔ gung gung dʊʊlǝn Kwaamaɨ a tɨkalɨ nɨ jǝ́ maa jim jǝbɔ tangǝn nǝbɔ nǝlɔ wini.

Galatiya 1:24

Nǝngɔ ja bǝlá Kwaama nǝn jʊ nɨ ga maa a daa mǝ woi.

1 Bitrus 2:12

Bɛ jǝ́ yɨ yɨm nyan a kʊm Bʌtʌbiɨ, sǝ na jǝ tuwo jen nɛɨ gɔ jǝ́ nǝb bwɨlamɨ, jǝ kuwo kuwo maajɨ nyantɨn jenɔ, jǝ dʊʊl dʊʊl Kwaama nǝn kum nɨ bɛm lɛɨ.