Matta 8:5 - Dadiya NT

⁵ Nǝn kwama Yesu a dɔ Kafarnahumi, kaa dʊʊ sʊwajaam a bɛ ba bʌ gǝn tɨkalɨ gɔ,

Matta 8:5 ပူးပေါင်းရင်းမြစ်များ

Matta 11:23

“Jǝ́ nǝbɔ Kafarnahumi jǝ́ kuwo lɛ jǝ gung jen a dʌbʌl ka? Ɔ ɔ, jǝ gǝla nǝn jen a daa yamtǝm borang. Kanjǝl laatǝm kang nɨ mǝ maa a tuulɔ jeni, na na mǝ maa a Sadumaɨ, na tuulɔ nɨ wo dwiyen.

Matta 27:54

Nǝn kwama nɨ nǝ dʊʊ sʊwajaam nɨ jǝbɔ nǝb nɨ jǝ dakini jǝ tɔɔ Yesu lɛɨ, ja kuwo tǝmɔ a mǝgaɨ, jǝbɔ jʊ nɨ a bwɨ gwamɨ, taalɔ a ta ji. Nǝngɔ ja sʊwa gɔ, “Bɨlǝngǝn bwɛ nɨ nǝn Bʊla Kwaamaɨ!”

Matta 4:13

A bǝla Nazaratɨ, nǝngɔ a shu ya yɨ a Kafarnahumi, daa gɔ gǝ na a gwanga wɨma a tǝm Zabalunaɨ jǝbɔ Naftali.

Matta 9:1

Yesu a dɔ tɨyamwɛngɔ, a yab wɨmagɔ a shu a tuulɔ nɨ ga dʊʊlǝmɨ.

Markus 15:39

Dʊʊ sʊwajaam nɨ tɨm wo dʌng Yesu lɛɨ, a kuwo kanga a bʊlaɨ, nǝngɔ a sʊwa gɔ, “Bɨlǝngǝn nʊ nɨ nǝn Bʊla Kwaamaɨ.”

Markus 2:1

Kumtɨnɔ a gǝlala bɔ, nǝngɔ Yesu a yǝla a bɛ a Kafarnahumi, nǝbɔ a nyʊwa fulon gǝnɔ gɔ gǝ na a lɔ.

Maajɨ Bɛtɔ Twamagɨɨ 22:25

Kwama ja bwam Bulus sǝ ja maa gǝm banjangɨɨ, nǝngɔ a bʌ dʊʊ sʊwajaam nɨ tɨm nǝn dɔɔm jǝbɔ gɨɨ gɔ, “N dǝngdǝng a diilɔ gǝm ń maa nʊ nɨ gǝm nǝn yɨm dul Romaɨ gǝm banjangɨ, jǝ́ maa gǝm bɔ borang ka?”

Maajɨ Bɛtɔ Twamagɨɨ 23:17

Nǝngɔ Bulus a jo kaa win a mʊgɔ dʊʊm sʊwajaam nɨɨ, a sʊwa gǝn gɔ, “Yɔ nǝn bwɛ nɨ a daa dalɨ dʊʊ sʊwajaamɔ woi, a na nǝn jʊ nɨ sʊwa gǝn nɛɨ.”

Maajɨ Bɛtɔ Twamagɨɨ 23:23

Nǝngɔ dalɨ dʊʊ sʊwajaamɔ a jo dʊʊm sʊwajaam nɨ yoi, a sʊwa ji gɔ, “Jǝ́ fɛka sǝ jǝ́ gun jǝ́ yɔ a Kaisar nǝn kemʌnɔ tʊlkʊb na kum. Jǝ́ yɔ dakini jǝbɔ sʊwajaamɔ fʊlkʊb yo jǝbɔ sʊwajaam nɨ gwi tʊwatɨn nɛɨ fʊltǝnʌbʌl jǝbɔ sʊwajaam nɨ ta kun nɛ nǝn yaaɨ fʊlkʊb yo.

Maajɨ Bɛtɔ Twamagɨɨ 27:13

Yʊwagɔ a tǝl fʌl bɛ lɛ a gǝlalǝng dǝm dǝmɨ, nǝngɔ nǝbɔ dʌng lɛ gɔ laa gaalan jinɔ a nya ywatǝm. Nǝngɔ ja gʊ ankagɔ (kemʌn nɨ a tuu tuui), ja bwangtǝn a keli Karitaɨ, tǝm nɨ a tɨbǝl wɨmaɨ.

Maajɨ Bɛtɔ Twamagɨɨ 27:31

Nǝngɔ Bulus a sʊwa dʊʊ sʊwajaamɔ jǝbɔ sʊwajaamtɨnɔ gɔ, “Na nǝb nɨ a tɨ bɔ a mʊgɔ tɨyamwɛng nɨɨ, mɨsɔ jǝ́ bʊʊ lɛ.”

Maajɨ Bɛtɔ Twamagɨɨ 27:43

Dʊʊ sʊwajaamɔ swɨ lɛ a bʊʊ nǝn Bulus. Nǝngɔ a kaa ji woi. A nǝ ji diil gɔ gwam nǝb nɨ a nyǝm mwɛɨ, ja tǝl yaltǝm mwɛmɔ ja yɔ a kʌng wɨma.

Maajɨ Bɛtɔ Twamagɨɨ 9:38

Liddagɔ a kɔtʌgo a Yafa, nǝb bwangtǝm Kwaamaɨ ja nyʊwa gɔ Bitrus gǝ na a Liddaɨ, nǝngɔ ja twam nǝbɔ yo a daa gǝ woi. Ja kela gǝn gɔ ga bɛ a daa ji woi dǝbǝr.