Matta 8:16 - Dadiya NT

¹⁶ Nǝn kwaamɨ nǝngɔ nǝbɔ a bɛ Yesu gǝm nǝn nǝbɔ nǝn yʊwa bwɨlaɨ, nǝngɔ a sʊwa kɛlɨ, nǝngɔ yʊwa bwɨlagɔ a bǝla jii. A gung nǝb nɨ gwam mɨ kwamɨgǝnɨ.

Matta 8:16 ပူးပေါင်းရင်းမြစ်များ

Matta 12:22

Nǝngɔ ja bɛ gǝm nǝn kuli nɨ mɨ sʊwa kɛl lɛɨ, wʊnɨ nǝn yʊwa bwɨlaɨ. Yesu a gung gǝn. Sʊwa kɛl lɛ, kuwo lɛ.

Matta 14:14

A jel a tɨyamwɛng a kuwo kʌm nǝbɨɨ a mʊrka a lada nyɨɨ, bʊnatǝmɔ a ta gǝn, a gung nǝb bɔɔlamɔ a kʊm jin.

Matta 8:15

Nǝngɔ a ke kang gǝnɨ nǝngɔ bɛshenigɔ a bǝla gǝnɨ. Nǝngɔ a gun a nǝ gǝn jǝjalǝnɨ.

Matta 8:33

Nǝngɔ nǝb nɨ tɔɔ nyiyolitɨnɔ lɛɨ, ja mwala ja dɔ mʊgɔ tuulɔngɨɨ, ja sʊwa nǝbɔ fulon kanjǝl nɨ a bwɨ nǝn nǝb yʊwa bwɨlan nɨɨ.

Matta 9:2

Nǝngɔ ja bɛ gǝm nǝn nʊ nɨ bʊtɔgɔ a swam swamɨ, daam a wɨlǝn. Yesu a kuwo nǝtǝm bɨlǝngkɛl jini, nǝngɔ a sʊwa nʊ nɨ a swam swamɨ gɔ, “Bʊla mɨ, maa fulotǝm nǝl. N kǝlǝm mʊn bwɨlangkɛl mʊnɔ.”

Markus 2:3

Nǝngɔ nǝbɔ naal a bɛ nǝn nʊ nɨ bʊtɔgɔ a swam swamɨ.

Markus 5:8

A sʊwa kɛl nɨ nǝn kwama Yesu a sʊwam gǝn gɔ, “Jelʌm a bʊtɔ nʊ nɨɨ gǝm, mʊ yʊwa bwɨla nɨ!”

Markus 9:25

Nǝn kwama Yesu a kuwo nǝbɔ a tǝl mʊrka lɛɨ, nǝngɔ Yesu a ga yʊwa bwɨla nɨ gɔ, “Mɔ yʊwa nɨ mʊ kaa bwɛ nɨ a sʊwatǝm kɛl jǝbɔ nyʊwatǝmɨ, mǝ sʊwa ń nɛ, jelʌm a bʊtɔ bwɛɨ! Ka ń kom gǝn nɛ tag.”

Luka 13:12

Kwama nɨ Yesu a kuwo gǝnɨ, nǝngɔ a jo gǝn a sʊwa gǝn gɔ, “Nɔɔlɨ, n wʊlaka ń jǝbɔ twɨla litǝm mʊnɔ.”

Luka 4:40

Nǝn kwama lɛtǝm, ja bɛ gǝm nǝn nǝb nɨ mɨ kwamɨgǝnɨ, nǝngɔ a ke jii, nǝngɔ a gung ji gwamɨ.

Luka 4:41

Nǝblaamɔ a jel a bʊtɔ nǝbɨɨ a lada nyɔ. Jǝ gaba wulongɔ lɛ gɔ, “Mɔ nǝn Bʊla Kwaamaɨ.” Ja nyǝm gɔ nǝn Kiristii, n jʊ a bwɨ Yesu a ga jim wulongi, nǝngɔ a kaa ji wo a sʊwatǝm kɛlɨ.

Maajɨ Bɛtɔ Twamagɨɨ 5:15

Nǝbɔ a jel nǝn nǝb nɨ mɨ kwamɨgǝnɨ a kʌng gola. Ja ya ji a dʌbʌl kʌshen jǝbɔ fiyodaalɨ. Jǝ sʊwa lɛ a nǝl jin gɔ, “Na Bitrus ba shu lɛɨ, kɛna duuli gǝnɔ ba yɔ lɛ a bʊtɔ kaamɨ.”