Matta 7:5 - Dadiya NT

⁵ Mʊ nǝ fento! Tǝl jǝgǝm gʌleng nyiyotɨya nɨ a mʊgɔ nu mʊnɨ dɨn, sǝla ń kuwo kanga mʊ jǝgǝm kǝlɨ bɛ yǝlagɔ lɛ a nu kɨla mʊɨ.

Matta 7:5 ပူးပေါင်းရင်းမြစ်များ

Matta 22:18

Yesu a nyǝm bwɨlang bʊʊlalɨ jini, nǝngɔ a sʊwa gɔ, “Jǝ́ nǝb fentogɔ, n wɛ a bwɨ jǝ́ swɨ lɛ jǝ́ tɛl ɨɨ?

Matta 7:3

“N wɛ a bwɨ mʊ dʌng bɛ yǝlagɔ lɛ a nu kɨla mʊɨ, mʊ kuwo bɔ nyiyotɨyagɔ a nu mʊnɨ?

Matta 7:4

N wɛ a bwɨ mʊ sʊwa kɨla mɔ, mɔʊ, ‘Yǝla, n dem mʊn kǝlɨ bɛ yǝlagɔ a mʊgɔ nu mʊnɨ,’ mʊ kuwo bɔ gʌleng nyiyotɨya nɨ a nu mʊnɨ?

Matta 7:6

“Ka jǝ́ nǝ lɛ sǝgantɨnɔ kanjǝl sagsag. Ka jǝ́ tal lɛ nyiyolitɨnɔ tɛl bʊmǝntɨn. Na jǝ́ maa nyɨɨ, jǝ fala nǝn naa, sǝ ja yǝla ja nyʊwa jem twɨla.

Luka 12:56

Nǝb fento nǝn kwan! Jǝ́ nyǝm kanga jǝ́ sʊwam yǝlatǝm tǝmɔ lɛɨ jǝbɔ dʌbʌli. N wɛ a bwɨ jǝ́ nyǝm bɔ jǝ́ sʊwa jʊtǝb nɨ bwɨ lɛ a yooli nɨ kǝngkɨɨ?

Luka 13:15

Nǝngɔ Tɛlalɔ a jǝla gǝn gɔ, “Nǝb fento nǝn kwan! Nuwo a kʊm jen mɨsɔ kwɨ nɛɛ gǝnɔ lɛ, mɨsɔ kwɨ lungsong gǝnɔ lɛ a daa kwatǝm, a yɔ nǝn ya nǝ gǝn mwɛ nǝn Kum Fǝbtǝmɨ?

Luka 4:23

Yesu a sʊwa gɔ, “N nyǝm jǝ́ sʊwa ɨ sʊwa ɨ mʊsǝn kɛl nɨɨ, ‘Nǝ bʊʊ, gung dul mʊnɔ nǝn kang mʊn. Kanjǝl nɨ nǝn nyʊwa mʊ maa a Kafarnahumi, maa fɔ tag a tuulɔ mɔ.’ ”

Luka 6:42

Maa nyǝn mʊ sʊwa kɨla mɔ lɛ mɔʊ, ‘Kɛgɔ, mǝ yaa lɛ n dem mʊn kǝlɨ bɛ yǝlagɔ a nu mʊnɨ,’ mʊ kuwo bɔ gʌleng nyiyotɨya nɨ a nu mʊnɨ? Nǝ fento nǝn kwan! Tǝl jǝgǝm gʌleng nyiyotɨya nɨ a nu mʊnɨ dɨn sǝla ń kuwo kanga mʊ jǝgǝm bɛ yǝlagɔ lɛ a nu kɨla mʊɨ.

Maajɨ Bɛtɔ Twamagɨɨ 19:15

Yʊwa bwɨlagɔ a jǝla ji gɔ, “Yesu n nyǝm gǝn. Bulus tǝgǝn n nyǝm gǝn. A jenɔ, jen nǝn wo?”