Matta 7:25 - Dadiya NT

²⁵ Mwɛmɔ a swiyo, tiyotɨnɔ a yiilo a gwi kʌngtɨnɔ, yʊwagɔ a maaɨ, lɔ nɨ a kʌbo bɔ, jʊ a bwɨɨ ja swa fʌlʌm gǝnɔ a dʌbʌl gam.

Matta 7:25 ပူးပေါင်းရင်းမြစ်များ

Matta 16:18

Mǝ sʊwa ń nɛ, mʊ nǝn Bitrus, a dul sunte nɨ mǝ mɔ mʊrkalɨ nǝb bwangtǝm mǝndɨ lɛɨ, wʊnɨ bwaagɔ mɨ nǝn kwaan a dul gǝnɨ.

Matta 7:24

“Nʊ nɨ a nyʊwa kɛl mǝndɨ a bwangtǝnɨ, gǝ na na nǝ yʊlan nɨ a mɔ lɔ gǝnɔ a dʌbʌl gamɨ.

Matta 7:26

Nʊ nɨ a nyʊwa kɛl mǝndɨ a bwangtǝn bɨɨ, gǝ na na nʊ nɨ a fʌm fʌmi, a mɔ lɔ gǝnɔ a dʌbʌl swiyotii.

Matta 7:27

Nǝngɔ mwɛmɔ a swiyoi, tiyotɨnɔ a yiilo, a gwi kʌngtɨnɔ, yʊwagɔ a maaɨ, nǝngɔ a ga lɔngɨ, lɔngɔ a kʌbo, a yal, kʌbotǝm gǝnɔ a bwɨla nyɔ.”

Maajɨ Bɛtɔ Twamagɨɨ 14:22

Jǝ kwam nǝb bwangtǝm Kwaamaɨ gǝm nǝl lɛ gɔ ja tɨ a nǝtǝm bɨlǝngkɛl. Jǝ sʊwa lɛ gɔ, “Nǝn nɔɔtǝm gaalanɔ a lada bǝ dɔ fɔlɔn lɔ Kwaamaɨ lɛɨ.”

Afisa 3:17

sǝ Kiristi a yɨ a mʊgɔ nǝl jen a gola nǝtǝm bɨlǝngkɛl. Mǝ maa keli lɛ tag bɛ swɨkanɔ a yǝlam jʊ nɨ jǝ́ ywɔ jʌng jenɔ woi, n daagɔ jǝ́ swa fʌlʌm jenɔ woi.

Kolosii 2:7

Bɛ nʌltɨn jenɔ ya dʊʊl lɛ a mʊgɔ Kiristii. Bɛ kʊlɨ jenɔ a dʊʊl a mʊgɔ gǝn. Bɛ jǝ́ tɨ nǝn kwaan a mʊgɔ nǝtǝm bɨlǝngkɛlɔ gǝm ja mɛla jemi. Bɛ jǝ́ buu gǝm kang a lada.

Yakubu 1:12

Bwiligɔ na a nʊ nɨ a kʊ nǝl a mʊgɔ gaalan gǝnɔ gǝmɨ, jʊ a bwɨɨ, yo yo lǝma kʊlɨ nɨ mɨ dɨtǝm woi, wʊnɨ Kwaama a maa swatǝm yaa gɔ gǝ nǝ nǝ nǝb nɨ gwam swɨ gǝn nɛɨ.

1 Bitrus 1:5

jen nɨ kwaan Kwaamaɨ tɔɔ jen nɛ a gola kɛl nǝtǝm bɨlǝngkɛl jeni. Tɔɔ jen nɛ a ba la nǝn kum nɨ bʊʊ lɛ nǝn jeni. A fɛka sǝ a nʊng bʊʊtǝm nɨ nǝn kum dɨltǝm yooli nɨ.

1 Bitrus 1:7

Gaalantɨn nɨ a bɛ sǝ a nʊng nǝtǝm bɨlǝngkɛl jenɔ n dǝngdǝng. (Nǝtǝm bɨlǝngkɛl nɨ a laa mʊnɔ kemʌni, mʊnɔ dɨ dɨ, jǝ tɛl gǝn tɛl nǝn kǝla). N kɛl dul nǝtǝm bɨlǝngkɛl jenɔ, Kwaama nǝ jen bǝlátǝm lɛɨ jǝbɔ dʊʊn jǝbɔ gungtǝm nǝn kwama Yesu Kiristi bɛm lɛɨ.

1 Yohana 2:19

Ja jel a mʊgɔ bǝn sul, jǝ ke bɔ a bǝn. Na na jǝ na a bǝnɨ, na jǝ yǝm dakini jǝbɔ bǝn. Ja jel sǝ a nʊng jǝ ke bɔ a bǝn.