Matta 7:15 - Dadiya NT

¹⁵ “Bɛ jǝ́ nyǝm nǝbkuwotǝmkǝga gabakɛlɔ. Wʊnɨ jǝ bɛ jem lɛ nǝn jelkalǝng kwamɨɨ, mʊgɔ nǝl jinɔ n bangashɨtɨn, wʊnɨ nyʊwa jʊwan bwɨla lɛɨ.

Matta 7:15 ပူးပေါင်းရင်းမြစ်များ

Matta 10:17

“Bɛ jǝ́ kɨla nǝbɔ, jǝ yɔ yɔ nǝn jen a kǝga nǝb dʊʊm koteregɨɨ, ja tʊm jen nǝn banjangɨ a kan mɛlalɨ jin.

Matta 16:11

N wɛ bwɨ jǝ́ nyǝm bɔ gɔ n ke bɔ kʊkkʊm mǝ sʊwa kɛl lɛ a dul gǝnɨ? Bɛ jǝ́ kɨla yisti nǝbɔ Farisaɨ jǝbɔ a nǝbɔ Sadukiyaɨ.”

Matta 16:6

Nǝngɔ Yesu a sʊwa ji gɔ, “Bɛ jǝ́ nyǝm, jǝ́ kɨla yisti nǝbɔ Farisaɨ jǝbɔ a nǝbɔ Sadukiyaɨ.”

Matta 24:11

Nǝbkuwotǝmkǝga gabakɛlɔ gun gun a lada, jǝ swag swag nǝbɔ a lada.

Matta 7:14

Nyanga kanɔ yɔ lɛ nǝn jen a kʊlɨɨ, a gwag gwagɨ, gola gǝnɔ a bwa dɔtǝm, nǝbɔ yɔ lɛ woi a lada bɔ.

Luka 12:15

A sʊwa ji gɔ, “Bɛ jǝ́ nyǝm, ka jǝ́ maa lɛ wɛl kanjǝl. Kanjǝl nɨ nǝl a mʊr a lada nyɨɨ, mɨsɔ nǝ gǝn kʊlɨ lɛ.”

Luka 6:26

N mwɛ jen, kwama nɨ nǝbɔ gwam bǝlá jen nɛɨ, n jʊ tʊgalam jinɔ a maa nǝbkuwotǝmkǝga gabakɛlɔ gǝmɨ.

Yohana 10:12

Bwɛ nɨ ja do gǝn tɔɔtǝmɨ, ke bɔ nǝ kwamɨtɨnɨ, kwamɨtɨnɔ ke bɔ a gɨɨ, na a kuwo bangashɨgɔ bɛ lɛɨ, gǝ mwal gǝ bǝla bǝla kwamɨtɨnɔ. Bangashɨgɔ a ta kaam kwamɨtɨnɔ, sǝ tangǝnɔ a kwɨya nǝn kwan.

Maajɨ Bɛtɔ Twamagɨɨ 13:40

A kɛl dul jʊ nɨ, bɛ jǝ́ kɨla dul jenɔ, kage jʊ nɨ Kwaama a sʊwa a langǝn bwangǝn nǝbkuwotǝmkǝgagɨɨ a bwɨ jǝbɔ jen. Wʊnɨ a sʊwa gɔ,

Maajɨ Bɛtɔ Twamagɨɨ 13:6

Nǝn kwama ja kɛla tǝm nɨ a tɨbǝl wɨma a yɔ nǝn a Bafusaɨ, nǝngɔ ja nya kaa feyi bwɛ Yahudiyaɨ woi. N nǝkuwotǝmkǝga gabakɛl. Dun gǝnɔ nǝn Bar Yashua.

Galatiya 2:4

Kɛl nɨ a gun a dul kaam nǝb bwangtǝm gabakɛl nɨ ja dɔ daddad a kʊm nǝnɨ, sǝ jǝ sǝbǝl nyatǝm jǝgtǝm nɨ nǝ nǝn a mʊgɔ Kiristi Yesui, sǝ ja dǝg nǝn nǝ yǝlam jwaalɛb a bwangtǝm diil.

Afisa 4:14

Bɛ ka bǝ yǝlam lɛ na bɛtɔ fetʌn, wʊnɨ jǝ yǝla ji lɛ nǝn kwanɨ, a golantɨn mɛlalɨ jǝbɔ bʌtʌm sowi nǝfitʌmi a gola yʊlan fɛkalɨ jin.

Afisa 5:6

Bɛ ka kaa nǝl ya swag jen nɛ nǝn kɛl nǝn kwan. N kɛl dul bwɨlangkɛltɨn nɨɨ nabwɨl Kwaamaɨ gǝ gǝla lɛ a dul nǝb kwamǝn duli.

Filibii 3:2

Bɛ jǝ́ kɨla sǝgantɨn nɨɨ! Bɛ jǝ́ kɨla nǝb maajɨ bwɨla nɨ! Jǝ́ kɨla nǝb biyotǝm mwɛn nɨ!

Kolosii 2:8

Ka jǝ́ jǝla lɛ kaa nǝl a swag jen a gola mɛlalɨ nǝn kwan, a jǝfʊlǝn nǝbɨɨ, wʊnɨ n jǝfʊlǝn yoolii, n ke bɔ a Kiristii.

2 Timoti 3:13

Nǝb bwɨlanɔ jǝbɔ nǝb swagtǝmɔ, n sʊtǝm kaltǝm ya jǝ maa lɛɨ. Jǝ swag kaamɨ lɛ. Kaam nǝbɔ swag ji lɛ tʌji.

2 Timoti 4:3

Kwamagɔ bɛ bɛ, wʊnɨ nǝbɔ mɨsɔ kʊ nǝl lɛ a mɛlalɨ nyanɨ. Jǝ mʊr nǝb mɛlalɨ nɨ mɛla jim jʊ lɔl jinɔ swɨ lɛ a nyʊwaɨ, jʊ a bwɨɨ lɔl jinɔ ga lɛ gaɨ.

2 Bitrus 3:17

Kɛtǝlam mɨ nɨ mǝ swɨ lɛɨ, kanga jǝ́ kwɛl jǝ́ nyǝm kanjǝl nɨ bwɨ bwɨɨ, bɛ jǝ́ nyǝm kaam nǝb nɨ mɨ sa taal Kwaamaɨ lɛɨ, kage mɛlalɨ gabakɛl jinɔ a wɔɔm bʊʊlalɨ jenɔ jǝ́ bǝla bwangtǝm bɨlǝngkɛlɔ.

1 Yohana 4:1

Jǝ́ fatǝm nyan mǝndɨ, ke bɔ yʊwagɔ gwam jǝ́ nǝ bɨlǝngkɛl lɛ nǝnɨ, bɛ jǝ́ tɛl kɛna na a Kwaamaɨ. Jʊ a bwɨɨ nǝbkuwotǝmkǝga gabakɛlɔ a jel a lada a yooli.

Yahuza 1:4

Kaam nǝb a sʊlam a dɔ kʊm jen, nǝbɔ ja maa mʊlalɨ galɨgǝn a dul jii, ja kwɛl ja mwatɨ jim borangɨ. Nǝb nɨ a bwang bɔ Kwaama gǝmɨ, nǝbɔ a yǝla nǝn lǝma Kwaamaɨ a gola maatǝm bwɨlangkɛlɨ. Ja kɔ Tɛlalɔ bǝn Yesu Kiristi, nǝ dʊʊ bǝnɔ wʊnɨ nǝn gɔ kwaagɔ wini.

Dʊgam Nyangnyang 16:13

Nǝngɔ mǝ kuwo nǝblaam shilɔ taal ja jelka bɛfʊgʊntɨnɔ nyɔ. Jǝ jel lɛ a nyiyo gʌleng sɔɔ dʊʊ nɨ, jǝbɔ nyiyo yʊwal bwɨla nɨ, jǝbɔ nyiyo nǝkuwotǝmkǝga gabakɛl nɨ.

Dʊgam Nyangnyang 17:6

Nǝngɔ mǝ kuwo nɔɔlɨ nɨ tʊʊm nǝb sagsagɔ maa gǝn nɛɨ, jǝbɔ tʊʊm nǝb nɨ ja jʌbo a kɛl nǝtǝm nyiyo a dul Yesui. Nǝn kwama mǝ kuwom gǝnɨ, nǝngɔ mǝ ta kang a nyiyoi.

Dʊgam Nyangnyang 19:20

Nǝngɔ ja ta yʊwal bwɨla nɨ jǝbɔ nǝkuwotǝmkǝga gabakɛlɔ, wʊnɨ a maa jǝ laatǝm kang a nyiyo yʊwal bwɨla nɨ. N maatǝm jǝ laatǝm kang nɨ a swag nǝb nɨ nǝn kwatɨ yʊwal bwɨla nɨɨ, jǝbɔ nǝb nɨ a maa bawilom gǝnɔ gǝm bǝlátǝmɨ. Ja ta yʊwal bwɨla nɨ jǝbɔ nǝkuwotǝmkǝga gabakɛl nɨ, ja mal ji nǝn kʊlɨ a mʊgɔ gʌto kǝla jǝbɔ kǝla nɨ a fo, a shii.

Dʊgam Nyangnyang 20:10

Mammɔ tǝgǝn nǝ swagtǝm jinɔ, jǝ mal gǝn a mʊgɔ gʌto kǝla nɨ twɨ lɛ a fo, a shii, wʊnɨ n daagɔ ja mǝlam yʊwal bwɨla nɨ jǝbɔ nǝkuwotǝmkǝga gabakɛlɔ woi. Jǝ nʊng ji gaalanɔ nɛ wo, kum jǝbɔ kɔkɔ mɨ dɨltǝm wo.