Matta 6:9 - Dadiya NT

⁹ Na jǝ́ kel keli lɛɨ, bɛ jǝ́ sʊwa nyɔ: “ ‘Tɨya bǝn nɨ a kwamaɨ, bɛ dun mʊnɔ a nya dʊʊltǝm.

Matta 6:9 ပူးပေါင်းရင်းမြစ်များ

Matta 10:29

Nǝbɔ gǝ miyo bandwɨnɛgɔ yo a kemʌn sǝlǝnɔ win, mɨ nʊ nɨ wo win yal lɛ a tǝmɨ, Tɨya jen a nyǝm bɨɨ.

Matta 23:9

Ka jǝ́ jo lɛ kaa nǝl jengɔ ‘tɛtɛ’ a tǝm nɨ. Jʊ a bwɨɨ Tɛgɔ win na jǝ́ nǝngǝnɨ, n nʊ a dʌbʌl kwamaɨ.

Matta 26:29

Mǝ sʊwa jen nɛ, jʊ a ta a kǝngkɨɨ mɨsɔ mǝ yǝla lɛ n nɔɔ mwɛ tʊʊl fogfogi nɨ wo tag, ba mǝ nɔɔ a fɨ jǝbɔ jen a fɔlɔn lɔ Tɛtɛ mɨɨ.”

Matta 26:42

Nǝngɔ a yǝla a shu ya maa keli na yogɨɨ gɔ, “Tɛtɛ mɨ, na mɨsɔ mʊ dem mɨ kʌshi nɨ lɛ a dul mɨɨ, mʊ swɨ lɛ n nɔɔ mwɛ nɨ a mʊgɔ gǝnɨ, maa kanga mʊ swɨ lɛɨ.”

Matta 5:16

A dul kɛl nɨ, jǝ́ bǝla nyalǝm jenɔ ya beta lɛ a kǝga nǝbɨɨ, sǝ ja kuwo maajɨ nyan jenɔ, sǝ ja dʊʊl Tɛtɛ jen nɨ a dʌbʌli.

Matta 5:48

Bɛ jǝ́ yǝlam dǝngdǝng, kanga Tɨya jen nɨ a kwamaɨ n nǝ dǝngdǝngɨ.

Matta 6:14

“Na jǝ́ kǝlǝm nǝb nɨ gǝm a maa jem bwɨlangkɛlɨ, Tɨya jen nɨ a kwamaɨ kǝlǝm jem kǝlǝm.

Matta 6:6

A kwama nɨ jǝ́ maa keli lɛɨ, bɛ jǝ́ dɔ mʊgɔ kan, jǝ́ nʊng nyanga kanɔ, sǝ jǝ́ kela Tɨya jen nɨ mɨ jǝ́ kuwo lɛɨ. Wʊnɨ kuwo jʊ nɨ lɛ jǝ́ maa lɛ shig shigi, nǝ jen nǝ lǝma.

Matta 7:11

Na jen jǝ́ nǝb bwɨlangkɛlɔ, jǝ́ nyǝm kanga jǝ́ nǝ bɛtɔ lɔ jeni kanjǝl nyan nɛɨ, Tɨya jen nɨ a kwamaɨ a nyǝm a laa jen, kanga nǝ kanjǝl nyan nɛ, a nǝb nɨ a kela gǝnɨ!

Luka 15:18

Mǝ gun sǝ n yǝla yɔ a lɔ a daa tɛtɛ mɨ woi sǝ n kela gǝn mǝʊ, Tɛtɛ, n maa Kwaama gǝm bwɨlangkɛl jǝbɔ mɔ.

Luka 15:21

Nǝngɔ bwɛ gɔ ‘Tɛtɛ, n maa Kwaama gǝm bwɨlangkɛl jǝbɔ mɔ. Mǝ la bɔ ja jo i gɔ mǝ nǝn bʊla mɔ.’

Luka 2:14

“Dʊʊlǝnɔ na a Kwaama nɨ a dʌbʌli, yɨm kwamɨgǝnɔ na a nǝb nɨ Kwaama a nyʊwa lǝma nǝn ji a yooli nɨɨ.”

Yohana 20:17

Yesu a sʊwa gǝn gɔ, “Ka ń ta ɨ lɛ, jʊ a bwɨɨ mǝ gwi bɔ n yɔ a daa Tɛtɛ mɨ woi dɨn. Yɔ a daa kɛtǝlam mɨ woi ya ń sʊwa ji mɔʊ, ‘Mǝ yi a daa Tɛtɛ mɨ woi jǝbɔ Tɛtɛ jen, Kwaama mɨ jǝbɔ Kwaama jen.’ ”

Roma 1:7

Langǝn bwangǝn nɨ mǝ twamǝm nǝbɔ gǝm gwam Kwaama swɨ lɛ a Romaɨ, nǝb sagsag nɨ a jo joi. Bɛ lǝmagɔ jǝbɔ yɨm kwamɨgǝn a Kwaama Tɛtɛ bǝnɨ jǝbɔ a Tɛlalɔ Yesu Kiristii a yɨ jǝbɔ jen.

Roma 8:15

Yʊwa nɨ jǝ́ yei, n ke bɔ Yʊwa nɨ dǝg jen jwaalɛn nɛ jǝ́ yɨ nǝn taal tagɨ. Yʊwa nɨ jǝ́ yei, a dǝg jen jǝ́ yǝlam bɛtɔ lɔ Kwaamaɨ, bǝ jo gǝn bǝngɔ, “Tɛtɛ.”

Galatiya 1:1

Nǝmǝ mǝ Bulus bwɛ twama, wʊnɨ ke bɔ a daagɔ nǝfitʌmi, ke bɔ nǝfili a twam ɨɨ. Nǝn Yesu Kiristi jǝbɔ Tɛtɛ Kwaama, wʊnɨ a gung gǝn a bwaaɨ, a twam ɨɨ.

Galatiya 4:6

Jʊ a bwɨɨ jǝ́ bɛtɔ lɔ gɨɨ, Kwaama a twam Yʊwa Bʊla gɨɨ a mʊgɔ nǝl bǝnɨ, Yʊwagɔ jo jangajǝl lɛ gɔ, “Tɛtɛ, Tɛtɛ!”

1 Timoti 6:16

Nǝn gɔ kwaagɔ mɨsɔ bʊla lɛ woi. Yǝm a nyalǝm nɨ mɨ jǝ yɔ lɛ wo nǝn dɔɔmɨ. Gɔ mɨ nǝn nʊ nɨ a kuwo gǝn woi, dwal kuwo gǝn nɛɨ. Dʊʊnɔ jǝbɔ fɔlɔn nɨ mɨ dɨtǝm woi bɛ a yɨ a daa gǝ woi. A daa nyɔ.

1 Bitrus 1:17

Jǝ́ jo gǝn gɔ Tɛtɛ a daa maatǝm keli. Nǝn gɔ maa nǝbɔ gǝm gwam borang lɛ a jʊtǝb nɨ ja maaɨ, mɨ nǝn swɨtǝm dul. A kɛl dul jʊ nɨɨ, bɛ jǝ́ nyʊwa taal gǝnɔ nǝn kwama nɨ jǝ́ faabǝm a yooli nɨɨ.

Dʊgam Nyangnyang 4:11

“Ń la nyɔ, Kwaama Tɛlalɔ bǝn, ń nya bǝlátǝm jǝbɔ dʊʊlǝn jǝbɔ kwaan maatǝm fɔlɔn. Jʊ a bwɨɨ nǝmɔ mʊ fwal kanjǝlɔ gwamɨ, n swɨtǝm mʊn ja yǝlam nyɔ, mʊ fwal ji nyɨɨ.”

Dʊgam Nyangnyang 5:12

Jǝ ma nafɨ lɛ nǝn diil nǝn kwaan gɔ, “Ń la nyɔ, Bɛ Gal wʊnɨ ja biyoi, sǝ ń yo fɔlɔnɔ, jǝbɔ shilogɔ, jǝbɔ nyǝmtǝmɔ, jǝbɔ kwaanɔ, jǝbɔ dʊʊlǝnɔ, jǝbɔ gungtǝmɔ, jǝbɔ bǝlátǝmɔ!”