Matta 6:20 - Dadiya NT

²⁰ Yʊ shilo mʊnɔ a dʌbʌl a daa nɨ a bʊmɨ. A daa nɨ bʊntangɔ jǝbɔ bwatɛgɔ mɨsɔ kal lɛɨ, nǝbkuumɔ mɨsɔ dɔ lɛ a kuui.

Matta 6:20 ပူးပေါင်းရင်းမြစ်များ

Matta 19:21

Nǝngɔ Yesu a sʊwa gɔ, “Na mʊ swɨ lɛ ń yǝlam dǝngdǝngɨ, yɔ ya miyo jʊ mʊ nǝnɨ gwam, ń nǝ nǝb bʊnǝnɔ, mʊ nya nya shilo a dʌbʌl kwama, sǝla ń bɛ ba ń bwang mɨ.”

Matta 6:19

“Bɛ ka ń ya lɛ dul mʊnɔ gǝm shilo a tǝm nɨ, a daa nɨ bʊntangɔ jǝbɔ bwatɛgɔ kalǝm lɛɨ, nǝbkuumɔ kǝl nyanga kanɔ lɛ a dɔ a kuui.

Markus 10:21

Yesu a dʌng gǝn nǝn dʌngtǝm swɨtǝm, nǝngɔ a sʊwa gǝn gɔ, “Jʊ win na a taam mʊnɨ, yɔ ya miyo jʊ gwam mʊ nǝnɨ tǝga nǝb bʊnǝnɔ, mʊ nya nya shilo a dʌbʌl. Sǝla ba ń bwang mɨ.”

Luka 12:33

Jǝ́ miyo kanjǝl jenɔ, jǝ́ nǝ nǝb bʊnǝnɔ kemʌnɔ. Jǝ́ saa dul jenɔ gǝm bǝla kemʌn wʊnɨ mɨsɔ gʌlo lɛ woi, shilogɔ a dʌbʌli mɨsɔ dɨ lɛɨ. Nǝkuu mɨsɔ kuu lɛ wo. Bʊntangɔ mɨsɔ kʊm lɛɨ.

Luka 18:22

Kwama Yesu a nyʊwa kɛl nɨɨ, nǝngɔ a gar gǝm gɔ, “Jʊ win swar a taam mʊnɨ. Miyo kanjǝlɔ gwam mʊ nǝngǝnɨ, tǝga nǝb bʊnǝnɔ, mʊ nya nya shilo a dʌbʌl. Sǝ ń bɛ ba ń bwang mɨ.”

1 Timoti 6:17

Nǝb shilo yooli nɨ kǝngkɨɨ, bɛ ń gʊ jim lɔl, ka ja gung lɛ dul, ka ja ya lɛ nǝl a shilo nɨ mɨsɔ tɨ lɛ a kʊtaɨ. Bɛ ja ya nǝl jinɔ a daa Kwaama woi, wʊnɨ nǝ bǝn kanjǝlɔ lɛ gwam na nyʊwatǝm lǝma bǝnɨ.

1 Timoti 6:19

Nǝn gɔ n gola nɨ jǝ ya dul jinɔ gǝm shilo lɛɨ, wʊnɨ nǝn gɔ n fʌlʌm nyan a kǝga nɨɨ, sǝ ja kwal kʊlɨ nɨ n bɨlǝngǝnɨ.

Ibranii 10:34

Jʊ a bwɨɨ, jǝ́ ji bʊnǝn nǝb nɨ a lɔsomii. Jǝ́ jǝla nǝn swɨtǝm nǝl jen nǝn kanjǝlɔ ja yem jemi, jʊ a bwɨɨ jǝ́ nyǝm jen nǝn kʊlagɔ a lada, wʊnɨ mɨ yemtǝm woi.

Ibranii 11:26

A jǝla gɔ gaalanɔ a dul Kiristii, n jǝ shilo a daa gǝ woi, a laa shilogɔ a tǝm Masarɨ. A ya nu gǝnɔ a jʊ gǝ nya lɛɨ.

Yakubu 2:5

Jǝ́ nyʊwa, kɛtǝlam mɨ nɨ mǝ swɨ lɛɨ! Ke bɔ nǝb bʊnǝn yooli nɨ Kwaama a jǝgam sǝ a yǝlam nǝb shilo a nǝtǝm bɨlǝngkɛl a daa Yesu woi ka? Ke bɔ ji jǝ wɔɔ kʊla fɔlɔn nɨ lɛ ga maa nǝb nɨ gǝm swɨ gǝn nɛɨ gǝm swatǝm yaaɨ ka?

1 Bitrus 1:4

N jʊ a bwɨ bǝ nya kʊla nɨ mɨsɔ bʊla lɛ woi, mɨ kalatǝm woi, mɨsɔ dumo lɛ wo tagɨ, wʊnɨ ja ya jem a dʌbʌli,

1 Bitrus 5:4

Na Fɔlɔ Nǝ Tɔɔtǝm kwamɨ nɨ a bɛɨ, jǝ́ nya nya dwang dul dʊʊn nɨ mɨsɔ dumo lɛ woi.

Dʊgam Nyangnyang 2:9

N nyǝm nyǝmɨ gaalanɔ mʊ nɔɔ lɛɨ, jǝbɔ bʊnǝn mʊnɔ, (a mʊnɔ n bɨlǝngǝn, mʊ nǝ shilo). N nyǝm kaamɨ kal dun mʊnɔ lɛ. Jǝ sʊwa lɛ gɔ jǝ Yahudawa, wʊnɨ jǝ ke bɔ Yahudawaɨ, n nǝbam Mammɨ.