Matta 6:2 - Dadiya NT

² Na jǝ́ nǝ nǝb bʊnǝnɔ jǝl lɛɨ, ka jǝ́ guu lɛ jum sǝ nǝbɔ a nyʊwa kanga nǝb fentogɔ gǝ maa lɛ a mʊgɔ keli a kantɨn mɛlalɨ jǝbɔ nu golantɨnɨ, sǝ nǝbɔ a nǝ ji dʊʊnɨ. N bɨlǝngǝn mǝ sʊwa jen nɛɨ, ja kwɛl ja yo yoi lǝma jinɔ gwam.

Matta 6:2 ပူးပေါင်းရင်းမြစ်များ

Matta 15:7

Nǝb fento nǝn kwan! N dǝngdǝng Ishaya a maa kuwotǝmkǝga a dul jeni, kwama a sʊwa gɔ,

Matta 16:3

Na nǝn kumsʌl jǝ́ kuwo langǝn lulɔ a fo a gaba dʌbʌlɔ nyɨɨ, jǝ́ sʊwa sʊwa jengɔ, ‘Dwiyen jǝ maa maa yʊwa mwɛ.’ Jǝ́ nyǝm yǝlatǝm dʌbʌl kwamagɔ, mɨsɔ jǝ́ dwal lɛ jǝ́ nyǝm jʊ yǝlatǝm joltɨn nɨ nʊng lɛɨ.

Matta 22:18

Yesu a nyǝm bwɨlang bʊʊlalɨ jini, nǝngɔ a sʊwa gɔ, “Jǝ́ nǝb fentogɔ, n wɛ a bwɨ jǝ́ swɨ lɛ jǝ́ tɛl ɨɨ?

Matta 23:5

“Kanjǝl nɨ jǝ maa lɛɨ, jǝ maa sǝ nǝbɔ a kuwo. Jǝ bwa tafɨyatɨn nɨ ja mʊla kɛl Kwaamaɨ woi a tɛkǝga jinɔ gǝm. Dwang malǝng jinɔ a som nyɔ gǝla kwaala lɛ a tǝm.

Matta 23:6

Jǝ swɨ daa yɨm nɨ nǝbɔ nǝ ji dʊʊn nɛ a lɔ kangwaalɨ, jǝbɔ daa yɨm dʊʊntɨn a kan mɛlalɨ.

Matta 24:51

Ba bashɨ gǝn, sǝ a maa gǝm borang jǝbɔ nǝb fentogɔ, n daa gɔ jǝ jim wi lɛ nǝn kʊʊtǝm nungʌni.

Matta 5:18

N bɨlǝngǝn mǝ sʊwa jen nɛɨ, na dʌbʌlɔ jǝbɔ tǝmɔ a shu bɨɨ, mɨ kaa mʊlalɨ nɨ wo jǝbɔ bɛ mʊlalɨ nɨ a mʊgɔ mʊlalɨ diilɔ gǝm shu lɛɨ, na ja yii bɔ kanjǝl nɨ gwamɨ.

Matta 6:16

“Na jǝ́ do diil mwɛ lɛɨ, ka jǝ́ wʊ lɛ kǝga kanga nǝb fentogɔ gǝ maa lɛɨ. Jǝ wʊ kǝga jinɔ sǝ a nʊng nǝbɔ gɔ jǝ do diil mwɛ lɛ. N bɨlǝngǝn mǝ sʊwa jen nɛɨ, ja kwɛl ja yo yoi lǝma jinɔ.

Matta 6:3

Nǝn kwama nɨ mʊ nǝ nǝb bʊnǝnɔ jǝl lɛɨ, ka ń jǝla lɛ kang fɔlɔng mʊnɔ a nyǝm jʊ kang jajǝngɔ maa lɛɨ.

Matta 6:5

“Na jǝ́ maa keli lɛɨ, ka jǝ́ maa lɛ keli kanga nǝb fentogɔ gǝ maam lɛɨ, jʊ a bwɨɨ jǝ swɨ lɛ ja tɨ tɨɨ sǝ ja maa keli a mʊgɔ kan mɛlalɨ jǝbɔ daltɔ golantɨn, sǝ nǝbɔ a kuwo ji. N bɨlǝngǝn mǝ sʊwa jen nɛɨ, ja kwɛl ja yo yoi lǝma jinɔ.

Matta 7:5

Mʊ nǝ fento! Tǝl jǝgǝm gʌleng nyiyotɨya nɨ a mʊgɔ nu mʊnɨ dɨn, sǝla ń kuwo kanga mʊ jǝgǝm kǝlɨ bɛ yǝlagɔ lɛ a nu kɨla mʊɨ.

Markus 12:39

Jǝ swɨ lɛ ya ja yɨ lɛ a daa yɨm nyan a kantɨn mɛlalɨ, jǝbɔ daa yɨm nyan a lɔ kangwaal.

Markus 7:6

Yesu a jǝla ji gɔ, “N dǝngdǝng Ishaya a maa kuwotǝmkǝga a dul jeni, nǝb fento nǝn kwan, kanga a mʊla mʊlaɨ gɔ, “ ‘Nǝb nɨ jǝ nɨ ɨ dʊʊnɔ a nyiyo kwaagɔ. Mʊgɔ nǝl jinɔ a kʊta jǝbɔ mǝ.

Luka 11:41

Jǝ́ nǝ nǝb bʊnǝnɔ jʊ nɨ a kang jeni, sǝ kanjǝl jenɔ a yǝlam sagsag.

Luka 11:43

“N mwɛ jen, jǝ́ nǝbɔ Farisaɨ! Jǝ́ swɨ lɛ ya ja nǝ jen daa yɨm nyan nɛ a kantɨn mɛlalɨ. Jǝ́ swɨ lɛ ya ja yal jen nɛ a gamdʌbo.

Luka 12:33

Jǝ́ miyo kanjǝl jenɔ, jǝ́ nǝ nǝb bʊnǝnɔ kemʌnɔ. Jǝ́ saa dul jenɔ gǝm bǝla kemʌn wʊnɨ mɨsɔ gʌlo lɛ woi, shilogɔ a dʌbʌli mɨsɔ dɨ lɛɨ. Nǝkuu mɨsɔ kuu lɛ wo. Bʊntangɔ mɨsɔ kʊm lɛɨ.

Luka 12:56

Nǝb fento nǝn kwan! Jǝ́ nyǝm kanga jǝ́ sʊwam yǝlatǝm tǝmɔ lɛɨ jǝbɔ dʌbʌli. N wɛ a bwɨ jǝ́ nyǝm bɔ jǝ́ sʊwa jʊtǝb nɨ bwɨ lɛ a yooli nɨ kǝngkɨɨ?

Luka 13:15

Nǝngɔ Tɛlalɔ a jǝla gǝn gɔ, “Nǝb fento nǝn kwan! Nuwo a kʊm jen mɨsɔ kwɨ nɛɛ gǝnɔ lɛ, mɨsɔ kwɨ lungsong gǝnɔ lɛ a daa kwatǝm, a yɔ nǝn ya nǝ gǝn mwɛ nǝn Kum Fǝbtǝmɨ?

Luka 20:46

“Bɛ jǝ́ nyǝm nǝb mɛlalɨ diilɔ. Jǝ swɨ maltǝm bɛllɛ dʊʊntɨn sǝ ya ja bola lɛ nǝn. Jǝ swɨ lɛ ya ja yal ji lɛ a gamdʌbo. Jǝ swɨ lɛ ya ja yɨ lɛ a daa nyan a kantɨn mɛlalɨ jǝbɔ daa yɨm nyan a lɔ kangwaal.

Luka 6:24

“N mwɛ jen, jǝ́ nǝb shilogɔ, jʊ a bwɨɨ jǝ́ kwɛl jǝ́ yo a jenɔ lǝmagɔ!

Luka 6:42

Maa nyǝn mʊ sʊwa kɨla mɔ lɛ mɔʊ, ‘Kɛgɔ, mǝ yaa lɛ n dem mʊn kǝlɨ bɛ yǝlagɔ a nu mʊnɨ,’ mʊ kuwo bɔ gʌleng nyiyotɨya nɨ a nu mʊnɨ? Nǝ fento nǝn kwan! Tǝl jǝgǝm gʌleng nyiyotɨya nɨ a nu mʊnɨ dɨn sǝla ń kuwo kanga mʊ jǝgǝm bɛ yǝlagɔ lɛ a nu kɨla mʊɨ.

Yohana 13:29

Nǝn Yahuza ta bǝla kemʌn jinɔ lɛɨ, kaamɨ nyǝma lɛ gɔ Yesu gǝ sʊwa gǝn gɔ ya ga ten jim kʊkkʊm dikulom, na mɨ nyɨɨ, ga nǝ nǝb bʊnǝnɔ gǝm kaa jǝl.

Yohana 5:41

“Mɨ mǝ yo dʊʊlǝn nɛ a daagɔ nǝbɔ woi.

Yohana 5:44

La jǝ́ nǝ bɨlǝngkɛlɔ nyǝn, na jǝ́ swɨ saatǝm bǝlátǝm a kʊm jen, mɨ jǝ́ saa bǝlátǝm nɨ lɛ jel lɛ a daagɔ Kwaama woi kwaagɔ wini?

Yohana 7:18

Nʊ nɨ mɛla kanjǝl nɨ lɛ a yʊlan gǝnɨ, gǝ saa dul gǝnɔ gǝm dʊʊlǝn. Nʊ nɨ swɨ lɛ a saa nʊ nɨ a twam gǝnɨ gǝm dʊʊlǝnɨ, n nǝ bɨlǝngkɛl, mɨ nǝn bwɨlangkɛl a mʊgɔ gǝn.

Maajɨ Bɛtɔ Twamagɨɨ 10:2

N nǝ bwangtǝm Kwaamaɨ. Nyʊwa taal Kwaamaɨ lɛ, jǝbɔ lɔ gǝnɔ gwam. Nǝn gɔ nǝ tɨkalɨ lɛ nǝlɔ win a Yahudawa nɨ n nǝb bʊnǝnɨ. Kela Kwaama lɛ kwangkwang.

Maajɨ Bɛtɔ Twamagɨɨ 10:31

Balɨgɔ a sʊwa gɔ, ‘Karniliyas, Kwaama a yo keli mʊnɔ. A bʊʊla nǝn tɨkalɨ nǝb bʊnǝnɔ mʊ maa lɛɨ.

Maajɨ Bɛtɔ Twamagɨɨ 10:4

A ya gǝm nu a mʊgɔ taal. Nǝngɔ a bʌ gɔ, “Tɛlalɔ, n wɛ nyɨɨ?” Bwɛ twama Kwaamaɨ a sʊwa gǝn gɔ, “Keli mʊnɔ jǝbɔ tɨkalɨgɔ mʊ maa nǝb bʊnǝnɔ gǝm lɛɨ a yɔ a kǝga Kwaamaɨ. N jǝ bʊʊlalɨ a daa gǝ woi.

Maajɨ Bɛtɔ Twamagɨɨ 11:29

Nǝngɔ bɛtɔ mɛlalɨgɔ a nǝbka nyiyo a kʊm jin gɔ jǝ twam twam nǝbam jinɔ nɨ a mʊgɔ Yahudiyaɨ gǝm tɨkalɨ a kwaan nyatǝm jinɔ gǝm.

Maajɨ Bɛtɔ Twamagɨɨ 24:17

“Mǝ maa joltɨnɔ a gǝlalaɨ, nǝngɔ mǝ yǝla mǝ bɛ a Urushalima sǝ ba n maa tɨkalɨ nǝn kemʌn a daa nǝbam nǝnɔ nɨ nǝn komtǝmɨ, sǝ n tǝla Kwaama gǝm twama.

Maajɨ Bɛtɔ Twamagɨɨ 9:36

Kaa nɔɔlɨ nǝ bwangtǝm Kwaamaɨ wo a Yafa dunɔ nǝn Tabita, (wʊnɨ win jǝbɔ Dokasɨ). Nɔɔlɨ nɨ gǝ maa nǝbɔ gǝm jǝ nyan, jǝbɔ maatǝm tɨkalɨ nǝb bʊnǝnɨ.

Roma 12:8

Na na a kʊʊtǝm nǝlɨ, bɛ bǝ yǝlam nǝn kʊʊtǝm nǝl. Na na a nǝtǝm lǝma na maatǝm tɨkalɨ kambɨɨ, bɛ bǝ nǝ nǝl bǝnɔ win. Na na a dʊʊ jatǝm kǝgaɨ, bɛ bǝ maa maajɨ jatǝm kǝga. Na na a bʊnatǝmɨ, bɛ bǝ maa nǝn fulotǝm nǝl.

1 Korinti 13:3

Na n nǝ jʊ nɨ gwam mǝ nǝnɨ, na n nǝ bʊtɔ mǝndɨ ja twɨɨ, na mɨ mǝ nǝn swɨkanɨ, a sʊ mɨ bɔ kaa jǝl.

Galatiya 2:10

Ja bʊʊla nǝm jʊ win swar gɔ, ka nǝn twab lɛ nǝb bʊnǝnɔ a daa ji woi. Mǝ tǝmɨ n jʊ na mǝ swɨ maatǝmɔ lɛɨ.

Afisa 4:28

Nʊ nɨ kuu kuul lɛɨ, ka ga ja lɛ kǝga nǝn kuulɔ. Na bʊm bʊm ga yǝla ga maa maajɨ nyan nǝn kang gǝn, sǝ ga nya jʊ nɨ gǝ nǝ nǝb bʊnǝnɔ lɛɨ.

1 Tasalonikaɨ 2:6

Nǝn saa bɔ bǝlátǝm wo a daagɔ nǝbɨɨ, ke bɔ a daa jen woi jǝbɔ kaamɨ. Na na nǝn swɨ lɛɨ, na nǝn maa maajɨ nǝn fɔlɔn nǝnɔ na bɛtɔ twama Kiristii, na nǝn saa tɨkalɨ.

1 Timoti 6:18

Bɛ ń sʊwa ji ja maa jǝ nya, ja sʊtǝn maatǝm maajɨ nyan, bɛ ya ja maa lǝma lɛ, ya ja tɨka kaam nǝbɔ lɛ.

Filimon 1:7

N maa fulotǝm nǝl dangǝn, jǝbɔ sʊtǝm kwaan a swɨtǝm mʊnɔ gǝm kɛgɔ, jʊ a bwɨɨ ń kʊʊ nǝb sagsagɔ gǝm nǝl.

Ibranii 13:16

Ka jǝ́ bǝla lɛ maatǝm jǝ nyan jǝbɔ tǝgatǝm kanjǝlɔ jǝbɔ ji. Jʊtǝb nɨ a maa na tǝlatǝm twama wʊnɨ fulo Kwaama gǝm nǝl lɛɨ.

1 Bitrus 4:11

Pʌd nʊ nɨ nǝtǝm gǝnɔ n kiyotǝm kɛlɨ, bɛ ga kiyo kɛl Kwaamaɨ. Nʊ nɨ pʌd maa tɨkalɨ lɛɨ, bɛ ga maa nǝn kwaan nɨ Kwaama a nǝ gǝnɨ, sǝ a mʊgɔ kanjǝlɔ gǝm gwam jǝ́ dʊʊl Kwaama a gola Yesu Kiristii. Bɛ dʊʊlǝnɔ, jǝbɔ fɔlɔnɔ a ta tʌgo gwanggwang a daa gǝ woi mɨ dɨtǝm wo. A daa nyɔ!