Matta 6:13 - Dadiya NT

¹³ Bɛ ka ń yɔ lɛ nǝn bǝn a daa tɛltǝm. Bɛ ń jǝg bǝn a daa nǝ Bwɨlagɔ woi. [Jʊ a bwɨɨ, fɔlɔnɔ jǝbɔ kwaanɔ jǝbɔ dʊʊnɔ na a mɔ, mɨ dɨtǝm wo. A daa nyɔ.]’

Matta 6:13 ပူးပေါင်းရင်းမြစ်များ

Matta 26:41

Jǝ́ tɔɔ tǝmɔ, jǝ́ maa keli kage jǝ́ yal a mʊgɔ tɛltǝm. Nǝlɔ swɨ maatǝmɔ lɛ, bʊtɔgɔ a gɨya.”

Matta 28:20

Jǝ́ mɛla jim ja bwangtǝn kanjǝl nɨ gwam mǝ sʊwa jeni. Jǝ́ nyǝm mǝ na dakini nǝbɔ jen kwangkwang a yɔ nǝn a dɨltǝm yooli.”

Matta 5:37

Jʊtǝb nɨ jǝ́ sʊwa lɛɨ, bɛ a yǝlam ‘Ɔɔ’ jǝbɔ ‘Ɔ ɔ.’ Na a shu nyɨɨ, a jel a daagɔ Mammɔ woi.

Matta 6:10

Bɛ fɔlɔn mʊnɔ a bɛ. Jʊ mʊ swɨ lɛɨ, bɛ a nya maatǝm a tǝm nɨ, kanga jǝ maam lɛ a mʊgɔ kwamaɨ.

Yohana 17:15

Mǝ maa bɔ keli mǝʊ ń dem ji a yooli nɨ. Mǝ kela ń mǝʊ ń kɨla ji a daagɔ Nǝ bwɨla nɨ woi.

1 Korinti 10:13

Mɨ kaa tɛltǝm nɨ a nya jen a wʊnɨ ja maa bɔ nǝfili gǝm woi. Kwaama n nǝ yiitǝm swatǝm yaa. Mɨsɔ bǝla lɛ ja tɛl jen nǝn jʊ nɨ laa kwaan jenɔ lɛɨ. A tɛltǝmɔ gǝmɨ, maa jem maa gola nɨ jǝ́ jelʌm lɛɨ, sǝ jǝ́ bwa nǝlɨ.

1 Korinti 14:16

Na mʊ bǝlá Kwaama nǝn dʊʊmɨ mʊnɔ kwaagɨɨ, maa nyǝn nʊ nɨ a nyǝm bɨɨ sʊwa lɛ gɔ, “A daa nyɔ,” a dul buutǝm kang nɨ mʊ maa lɛɨ, na a nyǝm bɔ jʊ nɨ mʊ sʊwa lɛɨ?

2 Korinti 1:20

Yiitǝm swatǝm yaa Kwaamaɨ gǝ na a daa gǝ woi gwam. N jʊ a bwɨ bǝ sʊwa lɛ bǝngɔ, “A daa nyɔ” a daagɔ Kiristi woi sǝ Kwaama a nya dʊʊlǝn.

Galatiya 1:4

Yesu Kiristi a nǝ dul gǝnɔ a dul bwɨlangkɛl bǝn, sǝ a jǝg bǝn a mʊgɔ bwɨlan yooli nɨ gǝm. Wʊnɨ nǝn gɔ swɨtǝm Kwaama Tɛtɛ bǝnɨ.

1 Tasalonikaɨ 1:10

Ja sʊwa kanga jǝ́ yam yǝlatǝm Bʊla gɨɨ nɨ lɛ a dʌbʌl kwamaɨ, wʊnɨ a gung a bwaaɨ, nǝn gɔ nǝn Yesu, wʊnɨ jǝg bǝn nɛ a mʊgɔ nabwɨl Kwaamaɨ nɨ bɛ lɛɨ.

2 Tasalonikaɨ 3:3

Tɛlalɔ n nǝ tatǝm swatǝm yaa. Sʊ jem sʊ kwaan. Kɨla jen kɨla a daagɔ nǝ bwɨla nɨ woi.

1 Timoti 1:17

Dʊʊnɔ jǝbɔ dʊʊlǝnɔ bɛ a yɨ a daagɔ Kwaama woi wʊnɨ mɨ dɨtǝm woi. Nǝn gɔ Fɔlɔ joltɨnɨ, nʊ nɨ mɨsɔ bʊla lɛ woi, mɨ jǝ kuwo lɛɨ, Kwaama nɨ wini. A daa nyɔ.

Ibranii 11:36

Kaamɨ a nya mogtǝm jǝbɔ banjangɨ, ja bwa ji ja mal a lɔsomi.

1 Bitrus 5:8

Bɛ jǝ́ ta dul jenɔ, jǝ́ yɨ nǝn fɛkalɨ. Nǝ kii jenɔ mammɔ kɛla lɛ na tulʌm nɨ yʊʊl lɛɨ, saa nʊ nɨ lɛ gǝ wo lɛɨ.

2 Bitrus 2:9

Mʊsǝn kɛl nɨ gǝ nʊng bǝn gɔ, Tɛlalɔ a nyǝm kanga gǝ jǝgǝm nǝb nɨ lɛ nyʊwa taal gǝnɔ lɛɨ a tɛltǝmɨ. A nyǝm kanga ta nǝb nɨ lɛ mɨ dǝngdǝngɨ sǝ a mwɛ ji nǝn kwama jǝ yam di mwatɨtǝm borangɔ lɛɨ.

1 Yohana 3:8

Nʊ nɨ gwam maa bwɨlangkɛl lɛɨ, na a mammɨ. Jʊ a bwɨɨ, nǝn tɨkǝga mammɔ n nǝ maatǝm bwɨlangkɛl. Jʊ a bwɨ Bʊla Kwaamaɨ a bɛ sǝ a kalǝm maajɨ mammɨ.

Dʊgam Nyangnyang 1:18

Nǝmǝ tag nǝn kʊlɨɨ. Galɨgǝn n bʊla bʊlaɨ, n wɔ kǝngkɔ mǝ nǝn kʊlɨ mɨ dɨltǝm wo! Mǝ nǝn kwaan a dul bwaa jǝbɔ daa yamtǝm borangɔ.

Dʊgam Nyangnyang 19:1

A bɨtǝnɨ, n nyʊwa kaa diil nǝn kwaan na mʊrkalɨ nǝbɨɨ a dʌbʌl kwama jǝ gaba kwaalɨgɔ lɛ, jǝ sʊwa lɛ gɔ, “Jǝ́ bǝlá Kwaamagɔ! Bʊʊtǝmɔ, jǝbɔ dʊʊnɔ, jǝbɔ kwaanɔ, bɛ a ta tʌgo gwanggwang a daagɔ Kwaama bǝnɔ woi.

Dʊgam Nyangnyang 19:4

Nǝb dʊʊm nɨ fʊltiyo jeli naalɨ jǝbɔ kanjǝl nɨ naal nǝn kʊlɨɨ, ja jʊng jǝ bǝlá Kwaamagɔ lɛ, wʊnɨ yǝm a kotere fɔlɔnɨ. Jǝ sʊwa lɛ gɔ, “A daa nyɔ, Jǝ́ bǝlá Kwaamagɔ!”

Dʊgam Nyangnyang 2:10

Bɛ ka ń nyʊwa lɛ taal gaalan nɨ bɛ mʊn nɛɨ. N wɔ Mammɔ maa fɛkalɨ lɛ sǝ a tʊng kaam jenɔ a mʊgɔ lɔsomi sǝ a tɛl jen. Mʊ nyʊwa nyʊwa gaalan na kumɔ kʊb. Bɛ ń ta swatǝm yaa na jǝ jʌ ń jʌ ńi. Mǝ nǝ ń nǝ ń dwang dul kʊlɨ.

Dʊgam Nyangnyang 21:4

Waam jim waam mwɛ num jinɔ gwam. Mɨ kaa bwaa wo, mɨ fitǝm nǝl wo, mɨ wi wo jǝbɔ nɔɔtǝm gaalan, jʊ a bwɨɨ kanjǝl galɨgɔ a kwɛl a shu shui.”

Dʊgam Nyangnyang 3:10

Ń kɨla kɛlɔ mǝ sʊwa ń a dul kʊtǝm nǝlɨ, n jʊ a bwɨ mǝ tǝmɨ mǝ kɨla ń nɛ a jʊ nɨ bwɨ lɛ a kwama tɛltǝmɨ, wʊnɨ gǝla lɛ a dul yooli nɨɨ, sǝ ja tɛl nǝb nɨ yǝm a yooli nɨɨ.

Dʊgam Nyangnyang 3:14

“Bɛ ń mʊla bwɛ twama Kwaamaɨ nɨ gǝm a mʊrkalɨ nǝb bwangtǝm Kwaamaɨ nɨ gǝm a Lawudikiyaɨ gǝm nyɔ, “Kɛl nɨ nǝn gɔ n twamagɔ a daagɔ nʊ nɨ jǝ jo lɛ gɔ A daa nyɨɨ, Nǝ yiitǝm swatǝm yaa, jǝbɔ nǝ nǝtǝm nyiyo nyan, n daa gǝ woi Kwaama a fwal kanjǝlɨ.

Dʊgam Nyangnyang 5:13

Nǝngɔ mǝ nyʊwa kanjǝl fwaltǝmɔ pʌd a dʌbʌl kwamaɨ jǝbɔ tǝmɔ jǝbɔ mʊgɔ tǝmɔ, jǝbɔ mʊgɔ wɨmagɔ jǝbɔ pʌd jʊ a mʊgɔ yooli nɨ jǝ ma nafɨgɔ lɛ. “Bɛ bǝlátǝmɔ jǝbɔ nǝtǝm dʊʊnɔ jǝbɔ gungtǝmɔ jǝbɔ fɔlɔnɔ a ta tʌgo gwanggwang a daagɔ nʊ nɨ yɨm a dʌbʌl kotere fɔlɔnɨ, jǝbɔ Bɛ Galɔ, a yɔ nǝn mɨ dɨltǝm wo!”