Matta 6:12 - Dadiya NT

¹² Kǝlǝm bǝm bwɨlangkɛl bǝnɔ, kanga bǝ kǝlǝm nǝb nɨ gǝm lɛ a maa bǝm bwɨlangkɛlɨ.

Matta 6:12 ပူးပေါင်းရင်းမြစ်များ

Matta 26:28

Wʊnɨ n tʊʊm swatǝm yaa mǝndɨ, wʊnɨ ja tǝla nǝbɔ gǝm lɛ a lada a kɛl kǝlǝmtǝm bwɨlangkɛl jini.

Matta 9:2

Nǝngɔ ja bɛ gǝm nǝn nʊ nɨ bʊtɔgɔ a swam swamɨ, daam a wɨlǝn. Yesu a kuwo nǝtǝm bɨlǝngkɛl jini, nǝngɔ a sʊwa nʊ nɨ a swam swamɨ gɔ, “Bʊla mɨ, maa fulotǝm nǝl. N kǝlǝm mʊn bwɨlangkɛl mʊnɔ.”

Markus 11:25

Kwama nɨ jǝ́ kelam keli lɛɨ, na jǝ́ ta kaa nǝl a nǝlɨ, jǝ́ kǝlǝm gǝm dɨsɔ Tɨya jen nɨ a dʌbʌli a kǝlǝm jem bwɨlangkɛltɨn jenɔ tʌjen. [

Luka 11:4

Bɛ ń kǝlǝm bǝm bwɨlangkɛl bǝnɔ, kanga nɨ bǝ kǝlǝm nǝb nɨ gǝm maa bǝm bwɨlangkɛl lɛɨ. Bɛ ka ń yɔ lɛ nǝn bǝn a gola tɛltǝm.’ ”

Luka 13:4

Jǝ́ kuwo lɛ jengɔ nǝb nɨ kʊb jeli naalǝb kan dʌbʌlɔ a kʌbo tʌgo a ji gǝm a jʌbo ji a Siluwamɨ, ja laa nǝbɔ yǝm a mʊgɔ Urushalimaɨ bwɨlangkɛl ka?

Luka 6:37

“Bɛ ka jǝ́ mwatɨ lɛ borang, jen tʌjen mɨsɔ jǝ mwatɨ jem borang lɛ. Bɛ ka jǝ́ tuwo lɛ nǝl nǝn bwɨlang jǝl, jen tʌjen mɨsɔ jǝ tuwo jen nɛ. Bɛ jǝ́ kǝlǝm nǝbɔ gǝm, jen tʌjen jǝ kǝlǝm jem kǝlǝm.

Maajɨ Bɛtɔ Twamagɨɨ 13:38

“A dul kɛl nɨ kɛtǝlam mɨɨ, mǝ swɨ lɛ jǝ́ nyǝm, n kɛl dul Yesui ja kǝlǝm jem bwɨlangkɛl jeni.

Afisa 1:7

N gola gǝn bǝ nya jǝgtǝm a dul tʊʊm gǝnɨ, bǝ nya kǝlǝmtǝm bwɨlangkɛltɨn a gola lǝma Kwaamaɨ a ladaɨ,

Afisa 4:32

Bɛ ya jǝ́ maaka jǝ nyan nɛ, jǝ́ jika bʊnǝn nɛ, jǝ́ kǝlǝmka lɛ kanga Kwaama kǝlǝm jem lɛ a gola Kiristii.

Kolosii 3:13

Bɛ ka jǝ́ tabka lɛ a nǝl. Na kaa nǝl nǝngǝn nǝn kɛl jǝbɔ kɨla gɨɨ, bɛ ga kǝlǝm gǝm kanga Tɛlalɔ a kǝlǝm jemi, jen tʌjen bɛ jǝ́ kǝlǝmka.