Matta 6:10 - Dadiya NT

¹⁰ Bɛ fɔlɔn mʊnɔ a bɛ. Jʊ mʊ swɨ lɛɨ, bɛ a nya maatǝm a tǝm nɨ, kanga jǝ maam lɛ a mʊgɔ kwamaɨ.

Matta 6:10 ပူးပေါင်းရင်းမြစ်များ

Matta 12:50

Na nʊ nɨ a maa jʊ nɨ Tɛtɛ mɨ nɨ a dʌbʌli swɨ lɛɨ, n nʊ nǝn kɨla mɨ balɨ jǝbɔ kɨla mɨ nɔɔlɨ jǝbɔ nɛnɛ mɨɨ.”

Matta 16:28

Bɨlǝngkɛl mǝ sʊwa jen nɛɨ, kaam nǝb nɨ tɨlam fǝɨ, mɨsɔ jǝ bʊla lɛ, na ja kuwo bɔ Bʊla Nǝlɨ bɛ lɛ a mʊgɔ fɔlɔn gǝnɔ gǝmɨ.”

Matta 26:42

Nǝngɔ a yǝla a shu ya maa keli na yogɨɨ gɔ, “Tɛtɛ mɨ, na mɨsɔ mʊ dem mɨ kʌshi nɨ lɛ a dul mɨɨ, mʊ swɨ lɛ n nɔɔ mwɛ nɨ a mʊgɔ gǝnɨ, maa kanga mʊ swɨ lɛɨ.”

Matta 3:2

sʊwa lɛ gɔ, “Jǝ́ yǝla jǝ́ bǝla bwɨlangkɛltɨn jenɔ, jʊ a bwɨɨ fɔlɔn lɔ Kwaamaɨ a dwama.”

Matta 4:17

Nǝngɔ Yesu a tǝl kiyotǝm kɛl Kwaamaɨ gɔ, “Jǝ́ yǝla jǝ́ bǝla bwɨlangkɛltɨn jenɔ, jʊ a bwɨɨ fɔlɔn lɔ Kwaamaɨ a dwama.”

Matta 7:21

“Ke bɔ nǝb nɨ gwam jo i lɛ gɔ, ‘Tɛlalɔ, Tɛlalɔɨ,’ nya dɔtǝm fɔlɔn lɔ Kwaamaɨ lɛɨ, n nǝb nɨ maa kanjǝl nɨ lɛ Tɛtɛ mɨ nɨ a kwamaɨ swɨ lɛɨ.

Markus 11:10

Bwiligɔ na a fɔlɔn lɔ tɛtɛ bǝn Daudaɨ nɨ bɛ lɛɨ. Bǝlátǝmɔ na a Kwaamaɨ nɨ a dʌbʌli.”

Markus 3:35

Nʊ nɨ a maa jʊ Kwaama swɨ lɛɨ, nǝn gɔ nǝn kɨla mɨ balɨɨ, jǝbɔ kɨla mɨ nɔɔlɨɨ, jǝbɔ nɛnɛ mɨɨ.”

Luka 19:11

Kwama jǝ nyʊwam katɨ nɨ lɛɨ, nǝngɔ jǝ kuwo lɛ maamɔ fɔlɔn lɔ Kwaamaɨ gǝla gǝla tʌgo a kang. N jʊ a bwɨ Yesu a sʊwa ji mʊsǝn kɛl nɨɨ, kwama ba dwama Urushalimagɨɨ.

Luka 19:38

Jǝ sʊwa lɛ gɔ, “Bwiligɔ n fɔlɔ nɨ a bɛ a dun Tɛlalɔɨ. Yɨm kwamɨgǝnɔ a lada a dʌbʌl. Dʊʊlǝnɔ na a Kwaamaɨ.”

Luka 22:42

a sʊwa gɔ, “Tɛtɛ, na ń jǝlaɨ, dem mɨ bɛ kʌshi gaalan nɨ. Wʊnɨ ke bɔ swɨtǝm mɨ, n swɨtǝm mʊn.”

Yohana 4:34

Yesu gɔ, “Jǝjalǝn mǝndɨ nǝn gɔ sǝ n maa jʊ nɨ nʊ nɨ a twam ɨɨ swɨ lɛ gɔ n maaɨ, sǝ n tagǝm maatǝm maajɨ gǝnɔ.

Yohana 6:40

Swɨtǝm Tɛtɛ mɨɨ gɔ, na nʊ nɨ a dʌng Bwɛɨ, a nǝ bɨlǝngkɛl a daa gǝ woi, nya nya kʊlɨ nɨ mɨ dɨtǝm woi, mǝ gung gǝn gung nǝn kum dɨltǝmɔ.”

Yohana 7:17

Nʊ nɨ a jǝgǝm jʊ nɨ Kwaama swɨ lɛɨ, nyǝm nyǝm gɔ mɛlalɨ mǝndɨ a jel a daagɔ Kwaama woi, ke bɔ a daagɔ mǝ woi.

Maajɨ Bɛtɔ Twamagɨɨ 13:22

Nǝn kwama Kwaamagɔ a jǝgǝm Shawului, nǝngɔ a dǝg Dauda a yǝlam fɔlɔ jini. Kwaama a sʊwa a dul Daudaɨ gɔ, ‘N nya Dauda bʊla Yessei, nǝn gɔ nʊ nɨ mǝ swɨ gǝn nɛ dangǝnɨ, wʊnɨ maa jʊ nɨ lɛ mǝ swɨ lɛɨ.’

Maajɨ Bɛtɔ Twamagɨɨ 21:14

Nǝn kuwo a laa kwaan nǝnɨ, nǝngɔ nǝn yɨ shigi, nǝ sʊwa nǝngɔ, “Jʊ Tɛlalɔ swɨ lɛɨ, bɛ a nya maatǝm.”

Maajɨ Bɛtɔ Twamagɨɨ 22:14

“Nǝngɔ a sʊwa ɨ gɔ, ‘N Kwaama tʊgalam bǝnɨ a jǝg ń sǝ ń nyǝm jʊ swɨ lɛɨ, sǝ ń kuwo Nǝ Dǝngdǝng nɨ, sǝ ń nyʊwa kɛl gǝnɔ.

Roma 12:2

Ka jǝ́ bwangtǝn nɛ kanjǝl joltɨn nɨ. Bɛ jǝ́ bǝla nǝl jenɔ a fʌto a gola fɨ a bʊʊlalɨ jenɔ gǝm. Sǝ jǝ́ jǝla nǝn jʊ Kwaama swɨ lɛɨ, jʊ a bʊm bʊmɨ, jǝbɔ jʊ nɨ dǝngdǝngɨ, n jʊ fulo gǝm nǝl lɛɨ.

Afisa 6:6

Jǝ́ bwang jim na jǝ woi, na mɨ jǝ woi. Jǝ́ maa nyɔ ke bɔ sǝ ja wana jen kwaagɔ. Na jwaalɛb Kiristii, jǝ́ bwangtǝn jʊ Kwaama swɨ lɛ jǝ́ maaɨ nǝn nǝl jenɔ gwam.

Kolosii 1:13

Nǝn gɔ a jǝg bǝn a mʊgɔ fɔlɔn duddugi. A dǝg bǝn a mʊgɔ fɔlɔn bʊla gɔ nɨ gǝ swɨ lɛɨ.

Kolosii 1:9

N jʊ a bwɨ nǝn di nɨ nǝn nyʊwa fuloni, nǝn bǝla jem bɔ maatǝm keligɔ, nǝn kela Kwaama lɛ sǝ a nǝ jen nyǝmtǝm jʊ nɨ swɨ lɛ jǝ́ maaɨ jǝbɔ yʊlan a dul kanjǝl Yʊwa.

1 Tasalonikaɨ 4:3

Wʊnɨ nǝn gɔ n jǝlatǝm Kwaamaɨ gɔ, bɛ jǝ́ yɨ yɨm sagsag, jǝ́ kɨla yɨm bulonɔ.

1 Tasalonikaɨ 5:18

A daa nɨ jǝ́ nya dul jenɔ woi, ya jǝ́ buu Kwaama gǝm kang lɛ, jʊ a bwɨɨ n jǝlatǝm Kwaamaɨ a bwɨ nyɔ a dul jen a mʊgɔ Kiristi Yesui.

Ibranii 1:14

N ke bɔ bɛtɔ twama Kwaamaɨ gwam n nǝb maajɨ yʊwa wʊnɨ Kwaama gǝ twam lɛ sǝ ja maa nǝbɔ gǝm nya bʊʊlɨ lɛɨ gǝm maajɨɨ ka?

Ibranii 10:36

Jǝ́ kʊ nǝl, sǝ na jǝ́ maa jʊ Kwaama swɨ lɛɨ, jǝ́ nya nya jʊ nɨ a maa jem swatǝm yaaɨ.

Ibranii 10:7

Nǝngɔ mǝ sʊwa mǝʊ, ‘A mʊla mʊlaɨ a dul mɨ a mʊgɔ langǝn bwangǝn, Mǝ wɔ. N bɛ sǝ ba n maa jʊ mʊ swɨ lɛɨ Kwaama.’ ”

Ibranii 13:21

a fɛka jen a kanjǝl nyanɔ gǝm gwam, sǝ jǝ́ maa maajɨ nɨ swɨ lɛɨ, sǝ a maa maajɨ a mʊgɔ bǝn, sǝ a yǝlam jǝ bǝlátǝm a daa gǝ woi a gola Yesu Kiristii. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

1 Bitrus 2:15

N jǝlatǝm Kwaamaɨ a gola maatǝm jǝ nya, jǝ́ mǝlǝm gola nǝb nɨ a swɛla swɛlaɨ.

1 Bitrus 4:2

A kǝga nɨ, gǝ tagǝm tagǝm yɨm gǝnɔ na bʊtɔ, mɨsɔ gǝ bwangtǝn wɛl nǝl gǝnɔ lɛ, ga bwangtǝn jʊ nɨ Kwaama swɨ lɛɨ.

Dʊgam Nyangnyang 11:15

Nǝngɔ bwɛ twama Kwaamaɨ na nʌbʌlɔ a guu jum gǝnɨ. Nǝngɔ ja nyʊwa kaam diiltɨn nǝn kwaan a dʌbʌl kwama sʊwa lɛ gɔ, “Fɔlɔn yooli nɨ a yǝlam fɔlɔn Tɛlalɔ bǝnɨ jǝbɔ a Kiristi gǝnɨ, nǝn gɔ maa fɔlɔn nɛ mɨ dɨltǝm woi.”

Dʊgam Nyangnyang 12:10

Nǝngɔ mǝ nyʊwa kaa diil nǝn kwaan a dʌbʌl kwama sʊwa lɛ gɔ, “Kǝngkǝnɨ, bʊʊtǝmɔ jǝbɔ kwaanɔ jǝbɔ fɔlɔn Kwaama bǝnɨ, jǝbɔ kwaan Kiristi gǝnɨ a yii! Jʊ a bwɨɨ ja mal nʊ nɨ tuwo kɛtǝlam bǝnɔ lɛɨ a yooli, nʊ nɨ tuwo ji lɛ a kǝga Kwaama bǝnɨ kum jǝbɔ kɔkɔɨ.

Dʊgam Nyangnyang 19:6

Nǝngɔ mǝ nyʊwa diil nɨ a maa na kʌm nǝbɨɨ, a maa na mwɛ nɨ a lada nyɔ jel lɛ gǝla lɛɨ, a maa na kunnyiyo mwɛla lɛɨ, sʊwa lɛ gɔ, “Jǝ́ bǝlá Kwaamagɔ! Jʊ a bwɨɨ Tɛlalɔ Kwaama bǝn Nǝ kwaan nǝn gɔ maa fɔlɔn nɛɨ.

Dʊgam Nyangnyang 20:4

Nǝngɔ mǝ kuwo kaam kotere fɔlɔnɔ, jǝbɔ nǝb nɨ ja nǝ ji fɔlɔn biyotǝm borangɨ yǝmam a dul jin. N kuwo kʊlɨ nǝb nɨ ja betam dultɨn jini, a kɛl nǝtǝm nyiyo a dul Yesui jǝbɔ kɛl Kwaamaɨ. Nǝji ja nǝ bɔ yʊwal bwɨla nɨ bǝlátǝm jǝbɔ bawilom gǝnɨ, ja yo bɔ kwatɨ a tɛkǝga jǝbɔ kangtɨn jinɔ. Ja fulo, ja maa fɔlɔn jǝbɔ Kiristi a yɔ nǝn jolɔ fʊlkʊblǝn.