Matta 6:1 - Dadiya NT

¹ “Bɛ ka jǝ́ maa lɛ kanjǝl nɨ dǝngdǝngɨ a nu nǝbɨɨ sǝ ja kuwo jen. Na jǝ́ maa nyɨɨ, mɨsɔ jǝ́ nya bwili lɛ a daa Tɨya jen nɨ woi a kwamaɨ.

Matta 6:1 ပူးပေါင်းရင်းမြစ်များ

Matta 16:27

Bʊla Nǝlɨ bɛ bɛ nǝn dʊʊlǝn Tɛtɛ gɨɨ jǝbɔ bɛtɔ twama gǝnɔ. Ywa ywa nǝbɔ win win a jʊ ja maaɨ.

Matta 16:6

Nǝngɔ Yesu a sʊwa ji gɔ, “Bɛ jǝ́ nyǝm, jǝ́ kɨla yisti nǝbɔ Farisaɨ jǝbɔ a nǝbɔ Sadukiyaɨ.”

Matta 23:13

“N mwɛ jen, jǝ́ nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ nʊngǝm nyanga dɔtǝm fɔlɔn lɔ Kwaamaɨ a kǝga nǝbɨɨ. Jen tʌjen jǝ́ dɔ bɔ, jǝ́ kaa nǝbɔ swɨ lɛ a dɔɨ, dɔtǝmɔ. [

Matta 23:5

“Kanjǝl nɨ jǝ maa lɛɨ, jǝ maa sǝ nǝbɔ a kuwo. Jǝ bwa tafɨyatɨn nɨ ja mʊla kɛl Kwaamaɨ woi a tɛkǝga jinɔ gǝm. Dwang malǝng jinɔ a som nyɔ gǝla kwaala lɛ a tǝm.

Matta 25:40

Fɔlɔgɔ jǝla ji gɔ, ‘Bɨlǝngǝn mǝ sʊwa jen nɛ, jʊ nɨ win a mʊgɔ kanjǝl nɨ jǝ́ maa kɛtǝlam mǝndɨ gǝmɨ, jǝ́ maam mǝ.’

Matta 5:16

A dul kɛl nɨ, jǝ́ bǝla nyalǝm jenɔ ya beta lɛ a kǝga nǝbɨɨ, sǝ ja kuwo maajɨ nyan jenɔ, sǝ ja dʊʊl Tɛtɛ jen nɨ a dʌbʌli.

Matta 5:46

Na jǝ́ swɨ nǝb nɨ swɨ jen nɛɨ, la jǝ́ nya lǝma Kwaamaɨ nyǝn? Nǝb yotǝm kemʌn tǝmɔ mɨ maa lɛ nyɔ ka?

Matta 5:48

Bɛ jǝ́ yǝlam dǝngdǝng, kanga Tɨya jen nɨ a kwamaɨ n nǝ dǝngdǝngɨ.

Matta 6:16

“Na jǝ́ do diil mwɛ lɛɨ, ka jǝ́ wʊ lɛ kǝga kanga nǝb fentogɔ gǝ maa lɛɨ. Jǝ wʊ kǝga jinɔ sǝ a nʊng nǝbɔ gɔ jǝ do diil mwɛ lɛ. N bɨlǝngǝn mǝ sʊwa jen nɛɨ, ja kwɛl ja yo yoi lǝma jinɔ.

Matta 6:9

Na jǝ́ kel keli lɛɨ, bɛ jǝ́ sʊwa nyɔ: “ ‘Tɨya bǝn nɨ a kwamaɨ, bɛ dun mʊnɔ a nya dʊʊltǝm.

Markus 8:15

A gʊ lɔl jinɔ a sʊwa ji gɔ, “Bɛ jǝ́ nyǝm, jǝ́ kɨla yisti nǝbɔ Farisaɨ jǝbɔ a Hiridusi.”

Luka 11:35

Bɛ ń nyǝm, nyalǝm nɨ a bʊtɔ mʊnɨ n ke bɔ kumtojili.

Luka 12:1

Kwama kanjǝl nɨ bwɨ lɛɨ, nǝbɔ fʊlkʊblǝnɔ a lada ja mʊrka. Jǝ falaka lɛ nǝn naa. Nǝngɔ a tǝl sʊwa bɛtɔ mɛlalɨ gǝnɔ kɛlɔ lɛ nǝn tɨkǝgaɨ gɔ, “Bɛ jǝ́ kɨla mɛlalɨ bwɨla nǝbɔ Farisaɨ, n kɛl fento.

Luka 12:15

A sʊwa ji gɔ, “Bɛ jǝ́ nyǝm, ka jǝ́ maa lɛ wɛl kanjǝl. Kanjǝl nɨ nǝl a mʊr a lada nyɨɨ, mɨsɔ nǝ gǝn kʊlɨ lɛ.”

Luka 16:15

Yesu a sʊwa ji gɔ, “Nǝjen jǝ́ nʊng nya jenɔ lɛ a nu nǝbɨɨ, Kwaama a kwɛl a nyǝm nyǝmɨ nǝl jenɔ. Jʊ nɨ a bʊm a nu nǝbɨɨ, n kanjǝlɔ Kwaama kɔ lɛɨ.

Yohana 12:43

Jʊ a bwɨɨ, ja swɨ bǝlátǝmɔ a nyiyo nǝbɨɨ, a laa Kwaamaɨ.

Yohana 5:44

La jǝ́ nǝ bɨlǝngkɛlɔ nyǝn, na jǝ́ swɨ saatǝm bǝlátǝm a kʊm jen, mɨ jǝ́ saa bǝlátǝm nɨ lɛ jel lɛ a daagɔ Kwaama woi kwaagɔ wini?

Maajɨ Bɛtɔ Twamagɨɨ 3:12

Nǝn kwama nɨ Bitrus a kuwo nyɨɨ, nǝngɔ a sʊwa nǝbɔ kɛlɨ gɔ, “Jǝ́ nǝbɔ Israilaɨ, n wɛ a bwɨ jǝ́ ta kang a nyiyoi? N wɛ a bwɨ tag jǝ́ dʌng nǝn nɛ, maamɔ jʊ nɨ nǝ maaɨ, nǝ maa nǝn kwaan dul nǝnɨ? N ke bɔ dǝgtǝm dul nǝn a bwangtǝm Kwaamaɨ a dǝg bwɛ nɨ yɔmɨ.

Galatiya 6:12

Nǝb nɨ swɨ lɛ a dǝg jen biyotǝm mwɛn nǝn kwaanɨ, jǝ swɨ lɛ ja kuwo ji jǝ kaa jǝl a kǝga nǝbɨɨ. Jʊ a bwɨ jǝ maa jem lɛ nyɨɨ, jǝ mwal nyʊwatǝm gaalan nɨ jǝ maa jim lɛ a dul kʊʊtǝm Kiristii.

Ibranii 11:26

A jǝla gɔ gaalanɔ a dul Kiristii, n jǝ shilo a daa gǝ woi, a laa shilogɔ a tǝm Masarɨ. A ya nu gǝnɔ a jʊ gǝ nya lɛɨ.

Ibranii 2:1

A dul kɛl nɨ, bɛ bǝ sʊtǝn bʊʊlalɨ dangǝn a kanjǝl nɨ bǝ nyʊwaɨ, kage bǝ swɨmam nǝn.

Ibranii 6:10

Kwaama n ke bɔ nʊ nɨ mɨ dǝngdǝngɨ, wʊnɨ kɔ dʌngtǝm maajɨ jenɔ lɛɨ, jǝbɔ swɨtǝm gǝnɔ nɨ jǝ́ nʊng lɛɨ, kanga jǝ́ tɨka nǝbam gǝnɔ lɛ ba la nǝn a di dwiyeni.

2 Yohana 1:8

Bɛ jǝ́ kɨla dul jenɔ. Ka jǝ́ mǝla lɛ maajɨgɔ jǝ́ maaɨ. Bɛ jǝ́ nya ywatǝm nyan.