Matta 5:7 - Dadiya NT

⁷ Bwiligɔ na a nǝb nɨ ji bʊnǝn nɛɨ, jʊ a bwɨɨ jǝ ji ji bʊnǝn jinɔ tʌji.

Matta 5:7 ပူးပေါင်းရင်းမြစ်များ

Markus 11:25

Kwama nɨ jǝ́ kelam keli lɛɨ, na jǝ́ ta kaa nǝl a nǝlɨ, jǝ́ kǝlǝm gǝm dɨsɔ Tɨya jen nɨ a dʌbʌli a kǝlǝm jem bwɨlangkɛltɨn jenɔ tʌjen. [

Luka 6:35

Jǝ́ swɨ nǝb kiim jenɔ, jǝ́ maa jim jǝ nya. Jǝ́ nǝ nǝbɔ naan ka jǝ́ bʊʊla lɛ ywatǝmɔ. Maatǝmɔ nyɨɨ jǝ́ nya nya bwili nɨ a ladaɨ a dʌbʌl. Jǝ́ yǝlam yǝlam bɛtɔ lɔ nʊ nɨ a Laa Dʊʊlǝnɨ. Nǝn gɔ maa jǝ nya lɛ a nǝb nɨ mɨ buu kang lɛɨ jǝbɔ nǝb bwɨlamɨ.

Roma 11:30

Kanga galɨgǝn jǝ́ kɔ bwangtǝm Kwaamaɨ, a na nyɔ kǝngkɔ Kwaama a ji bʊnǝn jenɔ a dul kɔtǝm bwangtǝm Kwaamaɨ jinɔ gǝm.

1 Korinti 7:25

A dul nɔɔtǝm nɨ a naa bɔ batǝm woi, mɨ mǝ nǝn jʊ nɨ Tɛlalɔ a sʊwa ɨɨ. Mǝ sʊwa jen kɛl nɨ a kuwotǝm mǝndɨ mǝ nʊ nɨ ja jǝla nǝn mǝ a lǝma Tɛlalɔɨ.

2 Korinti 4:1

A kwɛl a yǝlam nǝn nǝn maajɨ nɨ a mʊgɔ bʊnatǝm Kwaamaɨ, mɨsɔ nǝn dem nǝl lɛ.

Afisa 4:32

Bɛ ya jǝ́ maaka jǝ nyan nɛ, jǝ́ jika bʊnǝn nɛ, jǝ́ kǝlǝmka lɛ kanga Kwaama kǝlǝm jem lɛ a gola Kiristii.

Kolosii 3:12

Gǝ na nyɔ, bɛ jǝ́ do nǝl bʊnatǝm, jǝbɔ maatǝm jǝ nya, jǝbɔ shigtǝm dul, jǝbɔ yʌbtǝm dul, jǝbɔ kʊtǝm nǝl, kanga jǝ́ nǝbɔ Kwaama a jǝgamɨ, nǝb sagsag, nǝbɔ Kwaama swɨ lɛɨ.

1 Timoti 1:13

Galɨgǝn mǝ kal dun Kwaamaɨ lɛ, mǝ nǝ nǝbam gǝnɔ gaalan nɛ, mǝ nyʊwa jim lɛ sul, a ji bʊnǝn mǝndɨ, jʊ a bwɨɨ mǝ maa a mʊgɔ fʌmʌn, mǝ nǝ bɔ bɨlǝngkɛl.

1 Timoti 1:16

Kwaama a ji bʊnǝn mǝndɨ, sǝ Yesu Kiristi a nʊng nǝbɔ kʊtǝm nǝl gǝnɔ jǝbɔ mɨɨ, mǝ nɨ mǝ laa ji bwɨlangkɛlɨ. A maa nyɔ sǝ n yǝlam jǝ nʊngtǝm a kaam nǝb nɨ nǝ bɨlǝngkɛl lɛ a daa gǝ woi, ja nya kʊlɨ nɨ mɨ dɨtǝm woi.

Ibranii 4:16

A dul kɛl nɨɨ, bɛ bǝ bɛ nǝn dɔɔm a kotere fɔlɔn lǝma Kwaamaɨ, nǝn kwaan bʊtɔ, sǝ a ji bʊnǝn bǝnɔ, sǝ a maa bǝm lǝma nɨ tɨka bǝn nɛɨ a kwama nɨ bǝ saa tɨkalɨ lɛɨ.

Ibranii 6:10

Kwaama n ke bɔ nʊ nɨ mɨ dǝngdǝngɨ, wʊnɨ kɔ dʌngtǝm maajɨ jenɔ lɛɨ, jǝbɔ swɨtǝm gǝnɔ nɨ jǝ́ nʊng lɛɨ, kanga jǝ́ tɨka nǝbam gǝnɔ lɛ ba la nǝn a di dwiyeni.

Yakubu 2:13

Jʊ a bwɨɨ nǝn kwama mwɛlɔ, Kwaama mɨsɔ ji bʊnǝn nʊ nɨ lɛ mɨ nǝn bʊnatǝmɨ. Jʊ a bwɨɨ bʊnatǝmɔ laa laa kwaan mwɛlɔ.

Yakubu 3:17

A yʊlan nɨ a bɛ a dʌbʌli nǝn gɔ a yɔ nǝn bǝn nǝn tɨkǝga a sagsagɨɨ, nǝngɔ bɛ lɛ nǝn yɨm kwamɨgǝnɨ, jǝbɔ yʌbtǝm dul, jǝbɔ shigtǝm dul, jǝbɔ jitǝm bʊnǝn wʊnɨ maa jǝ nya lɛɨ. Mɨ nʊng swɨtǝm dul lɛ jǝbɔ maatǝm fento.

1 Bitrus 2:10

Galɨgǝn jǝ́ ke bɔ nǝbɔ wini, kǝngkɔ jǝ́ nǝbam Kwaamaɨ. Galɨgǝn jǝ́ yo bɔ bʊnatǝm gǝnɔ, kǝngkɔ jǝ́ yo bʊnatǝm gǝnɔ.