Matta 5:30 - Dadiya NT

³⁰ Na kang jajǝng mʊnɔ dǝg ń dǝg ń maatǝm bwɨlangkɛlɨ, bɛ ń mwatɨm gǝn mam fʌlen. A laa jǝl ń jʊ jinʌn bʊtɔ mʊnɔ win jǝbɔ a wʊnɨ jǝ mal bʊtɔ mʊnɔ lɛ gwam a mʊgɔ lɔ kǝlaɨ.

Matta 5:30 ပူးပေါင်းရင်းမြစ်များ

Matta 11:6

Bwiligɔ na a nǝb nɨ a kɨɨ bɔ nǝl a dul mɨɨ.”

Matta 13:21

Mɨ nǝn nʌl, mɨ gǝ tɨ lɛ a kʊta, na gaalanɔ jǝbɔ gʌtǝmɔ a nya gǝn a dul kɛl Kwaamaɨ, gǝ fǝ fǝ naa, a yǝla a gʊ nǝn gul.

Matta 16:23

Nǝngɔ Yesu a yǝla a sʊwa Bitrus gɔ, “Yǝla a gul mɨ Mamm! Mʊ tɛl fǝtǝm naa a daa mǝ woi, jʊ a bwɨɨ mʊ ya bɔ bʊʊlalɨ mʊnɔ a kanjǝl Kwaamaɨ, mʊ maa bʊʊlalɨ nǝfitʌmi.”

Matta 17:27

Bǝ swɨ bɔ ja kal nǝl. Yɔ a wɨma ya ta jʌngigɔ. Jʌngi nɨ mʊ ta nǝn tɨkǝgaɨ, wum nyiyo gǝnɔ mʊ nya nya kemʌn sǝlǝnɔ wo, sǝ ń do ń nɨ nǝb yotǝm kemʌn tǝmɔ, ywa ywa kemʌn tǝm mǝndɨ jǝbɔ a jenɔ.”

Matta 18:8

Na kang mʊnɔ, na naa mʊnɔ dǝg ń dǝg ń maatǝm bwɨlangkɛlɨ, mwatɨm gǝn mam fʌlen. A laa jǝl ń nya kʊlɨ nɨ mɨ dɨtǝm woi nǝn tanglɨ jinʌn, na jǝ mal ń mal ń a kǝla nɨ mɨsɔ dumo lɛ woi, nǝn kangtɨnɔ yo jǝbɔ naatɨnɔ yoi.

Matta 22:13

Nǝngɔ fɔlɔgɔ a sʊwa nǝb fɛkalɨ maajɨ kangwaalɔ gɔ, ‘Jǝ́ bwabam kang gǝnɔ jǝbɔ naa gǝnɔ, jǝ́ mal gǝn a yooli, a kumtojili, n daa nɨ jǝ jim wi lɛ nǝn kʊʊtǝm nungʌni.’

Matta 25:20

Nǝngɔ nʊ nɨ a yo kemʌnɔ sʊwagɔ nʊɨ, a bɛ nǝn kaa sʊwagɔ nʊ ba ya tʌgoi, nǝngɔ gɔ, ‘Tɛlalɔ, mʊ nɨ ɨ sʊwagɔ nʊ. Nǝngɔ mǝ nya bwiligɔ sʊwagɔ nʊ tʌgoi.’

Matta 26:31

Nǝngɔ Yesu a sʊwa ji gɔ, “Jǝ́ mwala mwala jǝ́ bǝla ɨ nǝn kum nɨɨ, a jʊ bwɨ lɛ nǝn mɨɨ, a mʊla mʊlaɨ gɔ, “ ‘Mǝ ga ga nǝ tɔɔtǝm kwamɨgɔ, sǝ kʌm kwamɨtɨnɔ a kwɨya tǝmɔ nǝn kwan.’

Matta 5:22

Kǝngkɔ mǝ sʊwa jen nɛ, na nʊ nɨ a maa nabwɨl jǝbɔ kɨla gɨɨ, jǝ maa gǝm maa borang. Na nʊ nɨ a tuwo kɨla gɨɨ, jǝ yɔ yɔ nǝn gɔ a kǝga nǝb dʊʊm koteregɨɨ. Na nʊ nɨ a sʊwa gɔ ‘Nǝ swɛlatǝmɨ,’ a la maltǝm a lɔ kǝla.

Matta 5:29

Na nu kang jajǝng mʊnɔ dǝg ń dǝg ń ń maa bwɨlangkɛlɨ, kʊʊtam gǝn mam fʌlen. A laa jǝl ń jʊ jinʌn bʊtɔ mʊnɔ win, jǝbɔ a wʊnɨ jǝ mal bʊtɔ mʊnɔ lɛ gwam a mʊgɔ lɔ kǝlaɨ.

Markus 9:43

Na kang mʊnɔ dǝg ń dǝg ń maatǝm bwɨlangkɛlɨ, bɛ ń mwatɨm gǝn. A laa jǝl ń dɔ kʊlɨ nɨ mɨsɔ dɨ lɛ woi nǝn kangɔ win, na mʊ dɔ dɔ kǝla nǝn kangɔ yo a lɔ kǝla nɨ mɨsɔ dumo lɛ woi.

Luka 12:5

Mǝ sʊwa jen sʊwa nʊ nɨ jǝ́ nyʊwa taal gǝnɔ lɛɨ. Jǝ́ nyʊwa taal nʊ nɨ na a jʌ bʊtɔgɨɨ, nǝn kwaan a mal dʊʊmɨgɔ a mʊgɔ lɔ kǝlaɨ. Bɨlǝngkɛl mǝ sʊwa jen nɛɨ, nǝn gɔ nʊ jǝ́ nyʊwa taal gǝnɔ lɛɨ.

Luka 17:2

A laa jǝl ja kwa gǝm nɛl kʊwalɨ a kwɨl, ja mal gǝn a mʊgɔ wɨma, na gǝ dǝg dǝg kaa win a kʊm bɛtɔ dwalǝn nɨ a maa bwɨlangkɛlɨ.

Roma 9:33

Kanga a mʊla mʊlaɨ sʊwa lɛ gɔ, “N wɔ n ya tɛl fǝtǝm naa a Sihiyona, jǝbɔ sunte nɨ dǝg nǝbɔ lɛ ja yalaɨ. Pʌd nʊ nɨ a nǝ bɨlǝngkɛl a daa gǝ woi, mɨsɔ nyʊwa gunidul lɛ wo.”

1 Korinti 8:13

Gǝ na nyɔ, na jatǝm jǝjalǝnɔ dǝg dǝg kɨla mɨ fǝtǝm naaɨ, mɨsɔ mǝ ja jǝjalǝn nɛ tag, kage n dǝg kɨla mɨ fǝtǝm naa.

Galatiya 5:11

Kambɔ, na na kǝngkɔ mǝ sʊwa lɛ mǝʊ bɛ nǝbɔ a biyo mwɛnɨ, n wɛ a bwɨ kǝngkɔ jǝ nɨ ɨ gaalan nɛɨ? Na na mǝ nǝ bwatǝm duul lɛ a biyotǝm mwɛnɔ gǝmɨ, na kɛl mǝndɨ a dul bwaa Kiristii a dʌbʌl tɨya kʊʊtǝmɨ, mɨsɔ na yǝlam jǝ fǝtǝm naa lɛ a daagɔ nǝbɔ woi gwam!

1 Bitrus 2:8

nǝngɔ tag, “N tɛl nɨ dǝg nǝbɔ fǝtǝm naa lɛɨ, nǝn gɔ dǝg yalatǝm lɛɨ.” Ja maa fǝtǝm naa a kɛlɔ gǝm, jʊ a bwɨɨ ja kɔ bwangtǝm kɛl gǝnɔ. N jʊ a yǝlam jim nyɨɨ.