Matta 4:24 - Dadiya NT

²⁴ Fulon gungtǝm nǝbɔ gǝ maa lɛɨ, a la tǝm Suriyagɔ gwam. Nǝbɔ bɛ gǝm lɛ nǝn nǝb bɔɔlamɔ jǝbɔ nǝb twɨlagɔ, jǝbɔ nǝb yʊwa bwɨlagɔ, jǝbɔ nǝb jwigɔ, jǝbɔ nǝbɔ bʊtɔgɔ a swam swamɨ, a gung ji gwam.

Matta 4:24 ပူးပေါင်းရင်းမြစ်များ

Matta 12:22

Nǝngɔ ja bɛ gǝm nǝn kuli nɨ mɨ sʊwa kɛl lɛɨ, wʊnɨ nǝn yʊwa bwɨlaɨ. Yesu a gung gǝn. Sʊwa kɛl lɛ, kuwo lɛ.

Matta 14:1

Nǝn kwama nɨ Hiridus Fɔlɔgɔ a nyʊwa fulon Yesui, nǝngɔ a

Matta 15:22

Nǝngɔ kaa bwɛn Kananaɨ, wʊnɨ yǝm a tǝm gɨɨ, a bɛ a daa gǝ woi, gaba wulongɔ lɛ gɔ, “Tɛlalɔ, Bʊla Daudaɨ! Ji bʊnǝn mǝndɨ! Yʊwa bwɨlagɔ a nyʊwa bwɛnɔɔlɨ mǝndɨ gǝm lɛ dangǝn.”

Matta 17:15

“Tɛlalɔ, ji bʊnǝn bwɛ balɨ mǝndɨ. Nǝngǝn nǝn jwi, gǝ na a mʊgɔ gaalan nyangǝn. Kwangkwang gǝ yal yal a mʊgɔ kǝla jǝbɔ mʊgɔ mwɛ.

Matta 17:18

Nǝngɔ Yesu a ga bwɛlaa nɨ gǝm wulongi, nǝngɔ a jelʌm a bǝla bwɛɨ. Tʌgo a kang a gung bwɛ balɨ nɨ a twɨla gǝnɔ gǝm.

Matta 4:23

Yesu a bwangtǝn tǝm Galiligɔ gwam, mɛla nǝbɔ gǝm lɛ a kantɨn mɛlalɨ, kiyo jim fulon kɛl lǝmɨ fɔlɔn lɔ Kwaamaɨ lɛ, gung nǝb twɨlamɔ lɛ, jǝbɔ nǝb bɔɔlamɔ a kʊm nǝbɨɨ.

Matta 8:28

Nǝn kwama Yesu a yabǝm wɨmagɔ a bɛ a kʌng wini a tǝm Garasinaɨ, nǝngɔ nǝbɔ yo nǝn yʊwa bwɨlaɨ ja jel a kalfʌto ja bɛ a daa gǝ woi. Ja yǝlam jǝ taal, nǝbɔ mɨ mwɨ lɛ a yɔ a golagɔ jǝ woi.

Matta 8:33

Nǝngɔ nǝb nɨ tɔɔ nyiyolitɨnɔ lɛɨ, ja mwala ja dɔ mʊgɔ tuulɔngɨɨ, ja sʊwa nǝbɔ fulon kanjǝl nɨ a bwɨ nǝn nǝb yʊwa bwɨlan nɨɨ.

Matta 8:6

“Tɛlalɔ, bwɛ jwaalɛ mǝndɨ daam a daa fiyodaalɨ a lɔ, mɨ dwal lɛ a yǝla, gʌ lɛ dangǝn.”

Matta 9:26

Fulon kɛl nɨ a wa tʌgo a tǝmɔ gǝm gwam.

Matta 9:35

Nǝngɔ Yesu a kɛla tuulɔngɔ jǝbɔ bɛlɨ tuulɔngɔ gwam mɛla jim lɛ a kantɨn mɛlalɨɨ, kiyo jim fulon kɛl lǝmɨgɔ lɛ a dul fɔlɔn lɔ Kwaamaɨ, gung nǝb twɨlamɔ lɛ jǝbɔ nǝb nɨ mɨ kwamɨgǝnɨ.

Markus 1:28

A kʊta bɔ nǝngɔ fulon gǝnɔ a wa mʊgɔ tǝm Galiligɨɨ.

Markus 1:32

Nǝn kwaamɨ, kwama nu kwamagɔ a lɛɨ, nǝngɔ ja bɛ Yesu gǝm nǝn nǝb nɨ mɨ kwamɨgǝnɨ jǝbɔ nǝbɔ nǝn yʊwa bwɨlaɨ.

Markus 2:3

Nǝngɔ nǝbɔ naal a bɛ nǝn nʊ nɨ bʊtɔgɔ a swam swamɨ.

Markus 2:4

Ja kuwo mɨsɔ jǝ nya dɔtǝm lɛ a daa Yesu woi jʊ a bwɨɨ, nǝbɔ a lada, nǝngɔ ja gwi ja kwɨ dul kanɨ, ja shig gǝn jǝbɔ wɨlǝn gǝnɔ a kǝga Yesui.

Markus 2:9

Nʊ won a laa jǝlɨ, ja sʊwa nǝ twɨla gɔ, ‘Ja kǝlǝm mʊn bwɨlangkɛl mʊnɔ’ jǝbɔ a wʊnɨ ja sʊwa gǝn gɔ, ‘Gun do wɨlǝn mʊnɔ yiloi?’

Luka 2:2

Kiyotǝm dul nɨ ja tǝl nǝn kwama nɨ Kiriniyas a yǝlam gwamna tǝm Suriyaɨ.

Luka 4:14

Nǝngɔ Yesu a yǝla a Galilii, kwaan Yʊwa Kwaamaɨ wo a daa gɔ woi. Kɛl gǝnɔ a kɛla tǝmɔ gwam.

Luka 4:38

Yesu a bǝla kan mɛlalɨgɔ, a shu a lɔ Saminui. Yul Saminui mɨ kwamɨgǝn, bɛshenigɔ a ta gǝn a kwam. Nǝngɔ ja sʊwa Yesu kɛl sǝ a tɨka gǝnɨ.

Luka 5:15

Fulon kɛl gǝnɔ a ja kǝga. Bwɨ nǝbɨɨ bɛ lɛ a daa gǝ woi, sǝ jǝ nyʊwa kɛl gǝnɔ, sǝ a gung ji a bɔɔla jinɔ gǝm.

Luka 5:24

Mǝ swɨ lɛ jǝ́ nyǝm gɔ, Bʊla Nǝlɨ nǝngǝn nǝn fɔlɔn kǝlǝmtǝm bwɨlangkɛl a tǝm nɨɨ.” Nǝngɔ a sʊwa balɨ nɨ bʊtɔgɔ a swam swamɨ gɔ, “Gun do wɨlǝn mʊnɔ shu a lɔ.”

Luka 7:17

Fulon kɛl Yesui a wa tʌgo a mʊgɔ tǝm Yahudiya jǝbɔ bǝlǝntǝmɔ gwam.

Yohana 10:21

Kaamɨ a sʊwa gɔ, “Mɨ nyɔ. Kɛl nɨ ke bɔ kɛl nʊ nɨ yʊwa bwɨla maa maajɨ lɛ nǝn gɨɨ. Bwɛlaa dwal dwal a wum nu kulii ka?”

Maajɨ Bɛtɔ Twamagɨɨ 10:38

Jǝ́ nyǝm fulon kɛl Yesu Bwɛ Nazaratɨ, kanga Kwaama a gul gǝm bwiyel Yʊwa gǝnɨ jǝbɔ kwaanɨ. Jǝ́ nyǝm kanga kɛla lɛ maa maajɨ lǝma lɛɨ, gung nǝb nɨ lɛ Mammɔ nǝ ji gaalan nɛɨ, jʊ a bwɨɨ Kwaama gǝ na dakini jǝbɔ gɔ.

Maajɨ Bɛtɔ Twamagɨɨ 15:23

Ja nǝ ji langǝn bwangǝn wʊnɨ sʊwa lɛ gɔ, A daagɔ kɛtǝlam jenɔ bɛtɔ twamagɔ, jǝbɔ dʊʊm nǝb bwangtǝmɔ, a yɔ nǝn a daagɔ Bʌtʌbɔ woi, nǝb bwangtǝmɔ, wʊnɨ a Antakiya jǝbɔ tǝm Suriya jǝbɔ Kilikiyaɨ. Nǝ yal jen nɛ.

Maajɨ Bɛtɔ Twamagɨɨ 15:41

Nǝngɔ ja shu a Suriya jǝbɔ Kilikiya, jǝ kʊʊ mʊrkalɨ nǝb bwangtǝm Kwaamaɨ gǝm nǝl lɛɨ.

Maajɨ Bɛtɔ Twamagɨɨ 28:9

Jʊ nɨ a bwɨ nyɨɨ, nǝngɔ tangǝn nǝb nɨ mɨ kwamɨgǝnɨ a tǝm nɨ a tɨbǝl wɨmaɨ jǝ bɛ lɛɨ, gung ji lɛɨ.

Maajɨ Bɛtɔ Twamagɨɨ 8:7

Nǝblaamɔ jela lɛ nǝn wi a bʊtɔ nǝbɨɨ a lada. Nǝbɔ a lada a swam swamɨ, jǝbɔ nǝbɔ bʊtɔgɔ a gɨya gɨyaɨ, ja nya gungtǝm.