Matta 4:23 - Dadiya NT

²³ Yesu a bwangtǝn tǝm Galiligɔ gwam, mɛla nǝbɔ gǝm lɛ a kantɨn mɛlalɨ, kiyo jim fulon kɛl lǝmɨ fɔlɔn lɔ Kwaamaɨ lɛ, gung nǝb twɨlamɔ lɛ, jǝbɔ nǝb bɔɔlamɔ a kʊm nǝbɨɨ.

Matta 4:23 ပူးပေါင်းရင်းမြစ်များ

Matta 11:5

Kululʌmɔ kuwo daagɔ lɛ, nǝbɔ bʊtɔgɔ a swam swamɨ, yɔ yɔm lɛ, nǝbɔ a mwata mwataɨ a nya lǝma, nǝb nɨ mɨ jǝ nyʊwa lɔl lɛɨ, jǝ nyʊwa kɛlɔ lɛ, nǝbɔ a bʊlaɨ, ja gun, ja kiyo nǝb bʊnǝnɔ gǝm fulon kɛl lǝmɨgɔ.

Matta 12:9

Nǝngɔ Yesu a bǝla daa gɔ a dɔ kan mɛlalɨ jini.

Matta 13:19

Na nǝl a nyʊwa kɛl a dul fɔlɔn lɔ Kwaamaɨ, nǝngɔ a nyǝm bɨɨ, Mammɔ ba jǝgǝm jǝgǝm jʊ ja kwal a mʊgɔ nǝl nʊ gɨɨ. Wʊnɨ nǝn gɔ dʊʊmɔ a yal a golaɨ.

Matta 13:54

A yǝla a bɛ a tuulɔ gɨɨ, nǝngɔ a tǝl mɛla nǝbɔ gǝm lɛ a kantɨn mɛlalɨ jini. Nǝngɔ ja ta kang a nyiyo gɔ, “Bwɛ nɨ a nya yʊlan nɨ a fee nyɨɨ, jǝbɔ kwaan maatǝm kanjǝl laatǝm kang nɨ?

Matta 14:14

A jel a tɨyamwɛng a kuwo kʌm nǝbɨɨ a mʊrka a lada nyɨɨ, bʊnatǝmɔ a ta gǝn, a gung nǝb bɔɔlamɔ a kʊm jin.

Matta 24:14

Jǝ kiyo kiyo fulon kɛl lǝmɨ fɔlɔn lɔ Kwaamaɨ a tǝmɔ gǝm gwam, sǝ a yǝlam nǝtǝm nyiyo sǝla dɨltǝm yooligɔ a bɛ.

Matta 3:2

sʊwa lɛ gɔ, “Jǝ́ yǝla jǝ́ bǝla bwɨlangkɛltɨn jenɔ, jʊ a bwɨɨ fɔlɔn lɔ Kwaamaɨ a dwama.”

Matta 9:35

Nǝngɔ Yesu a kɛla tuulɔngɔ jǝbɔ bɛlɨ tuulɔngɔ gwam mɛla jim lɛ a kantɨn mɛlalɨɨ, kiyo jim fulon kɛl lǝmɨgɔ lɛ a dul fɔlɔn lɔ Kwaamaɨ, gung nǝb twɨlamɔ lɛ jǝbɔ nǝb nɨ mɨ kwamɨgǝnɨ.

Markus 1:14

Nǝn kwama ja kubʌl Yohana a lɔsomii, Yesu a dɔ mʊgɔ Galili kiyo nǝbɔ gǝm fulon kɛl lǝmɨ Kwaamaɨ lɛ.

Markus 1:21

Yesu jǝbɔ nǝb nɨ bwang gǝm lɛɨ, ja dɔ mʊgɔ Kafarnahum. Nǝngɔ a dɔ kan mɛlalɨ nǝn Kum Fǝbtǝm a tǝl mɛla jim lɛɨ.

Markus 1:39

Kɛla lɛ a mʊgɔ Galili, kiyo kɛl Kwaamaɨ lɛ a kantɨn mɛlalɨ, jǝg nǝbɔ gǝm nǝblaamɔ lɛ.

Markus 3:10

Nǝbɔ a bɛ a daa gǝ woi a lada, jʊ a bwɨɨ a kwɛl a gung nǝbɔ a lada. Nǝb twɨlamɔ a bɛ ba mǝmsa gǝn nɛ sǝ jǝ ke gǝn.

Markus 6:2

Nǝn Kum Fǝbtǝm, nǝngɔ a tǝl mɛlalɨgɔ a Kan mɛlalɨɨ. Nǝbɔ a lada na nyʊwa gǝn nɛɨ, ja ta kang a nyiyo, jǝ sʊwa lɛ gɔ, “Nʊ nɨ a nya yʊlan nɨ a fee gwam? Nyǝmtǝm wɛ ja nǝ gǝn nyɨɨ? Ga nya kwaan maatǝm jǝ laatǝm kang nɨ a fee?

Markus 6:6

A ta kang a nyiyo a kɔtǝm nǝtǝm bɨlǝngkɛl jinɔ gǝm. Nǝngɔ kɛla bɛl tuulɔtɨnɔ lɛ kiyo jim kɛl Kwaamaɨ lɛɨ.

Luka 10:9

Jǝ́ gung nǝbɔ mɨ kwamɨgǝnɨ, jǝ́ sʊwa ji jengɔ, ‘Fɔlɔn lɔ Kwaamaɨ a bɛ nǝn dɔɔm a daa jen woi.’

Luka 13:10

Kaa di Yesu maa mɛlalɨ lɛ a mʊgɔ kan mɛlalɨ nǝn Kum Fǝbtǝm.

Luka 16:16

“Nǝbɔ a bwangtǝn diil Musaɨ jǝbɔ a nǝbkuwotǝmkǝgagɨɨ, ba la nǝn a kwama Yohanaɨ, nǝ yʊtǝm mwɛ sagsag. Kǝngkɔ bǝ kiyo fulon kɛl lǝmɨ fɔlɔn lɔ Kwaamaɨ lɛ, kwama gɔ, nǝbɔ maa kwaan nɛ jǝ dɔ mʊgɔ gǝnɔ.

Luka 20:1

Kaa di Yesu a dɔ Kan Kwaamanɔ, maa mɛlalɨ lɛ, kiyo fulon kɛl lǝmɨgɔ lɛ. Nǝngɔ dʊʊm nǝbkǝlamɔ jǝbɔ nǝb mɛlalɨ diilɔ dakini jǝbɔ nǝb dʊʊmɔ ja bɛ nǝn dɔɔm a daa gǝ woi,

Luka 4:14

Nǝngɔ Yesu a yǝla a Galilii, kwaan Yʊwa Kwaamaɨ wo a daa gɔ woi. Kɛl gǝnɔ a kɛla tǝmɔ gwam.

Luka 5:17

Kaa di Yesu mɛla nǝbɔ gǝm kɛl Kwaamaɨ lɛ. Nǝngɔ kaam nǝbɔ Farisaɨ jǝbɔ nǝb mɛlalɨ diilɔ, wʊnɨ a jela a bɛlɨ tuulɔ Galilii gwamɨ, jǝbɔ Yahudiyaɨ, jǝbɔ tuulɔ Urushalimaɨ, jǝ yǝm a daagɔ gǝm. Kwaan Tɛlalɔɨ yɔm jǝbɔ gɔ. Gung nǝb nɨ lɛ mɨ kwamɨgǝnɨ.

Luka 6:17

Yesu a gǝla jǝbɔ bɛtɔ mɛlalɨ gǝnɔ. Nǝngɔ a tɨ a kaa daa nɨ talɨgɔ nǝn bambam nyɨɨ. Bwɨ bɛtɔ mɛlalɨ gǝnɔ wo a daa gɔ. Tonʌn nǝbɨɨ a bɛ a daatɨnɔ gǝm nǝn dʌmʌn a tǝm Yahudiya, jǝbɔ Urushalima, jǝbɔ Taya, jǝbɔ Sidon tǝmtɨn nɨ a kʌng wɨmaɨ.

Luka 6:6

Kaa di tag nǝn Kum Fǝbtǝm, nǝngɔ Yesu a dɔ kan mɛlalɨ, mɛla jim lɛɨ. Kaa nǝl wo wʊnɨ kang jajǝng gǝnɔ a swam swamɨ.

Luka 7:21

Kwama ja bɛmɨ, ba ja nya Yesu gung nǝbɔ lɛ mɨ kwamɨgǝnɨ a gǝlala, jǝbɔ nǝb twɨlamɔ, jǝbɔ nǝbɔ nǝn yʊwa bwɨlaɨ, jǝbɔ kululʌmɔ a lada ja nya kuwotǝm daa.

Luka 7:22

Nǝngɔ a jǝla ji gɔ, “Ya jǝ́ sʊwa Yohana jʊ jǝ́ kuwo, jǝ́ nyʊwaɨ. Kululʌmɔ kuwo daagɔ lɛ, nǝbɔ bʊtɔgɔ a swam swamɨ yɔ yɔm lɛ, nǝbɔ a mwata mwataɨ a nya lǝma, nǝb nɨ mɨ jǝ nyʊwa lɔl lɛɨ, jǝ nyʊwa kɛlɔ lɛ, nǝbɔ a bʊlaɨ, ja gun, ja kiyo nǝb bʊnǝnɔ gǝm fulon kɛl lǝmɨgɔ.

Luka 8:1

Yesu a ja kǝga nǝn yɔmɔ. Dɔba tuulɔtɨnɔ lɛ jǝbɔ bɛlɨ tuulɔtɨnɔ. Kiyo fulon kɛl lǝmɨgɔ lɛ a dul fɔlɔn lɔ Kwaamaɨ. Bɛtɔ mɛlalɨ gǝnɔ kʊb jeli yoi wo dakini jǝbɔ gɔ.

Luka 9:11

Nǝbɔ a kuwo nyɨɨ, nǝngɔ ja bwang gǝmɨ. A yo ji. Kiyo jim fulon fɔlɔn lɔ Kwaamaɨ lɛ. Nǝngɔ a gung nǝb bɔɔlamɨ.

Luka 9:60

Nǝngɔ a sʊwa gǝn gɔ, “Bǝla bʌlʌntɨnɔ ya fʌl bʌlʌn jinɔ. A mʊnɔ ya sʊwa nǝbɔ fulon fɔlɔn lɔ Kwaamaɨ.”

Yohana 18:20

Yesu a jǝla gǝn gɔ, “N sʊwa yooligɔ kɛl nɨ a talɨ, a nu nǝbɨɨ, mɛlatǝmɔ a kantɨn mɛlalɨɨ jǝbɔ Kan Kwaaman a daagɔ Yahudawagɔ woi gwam gǝ mʊrkam lɛɨ. Mǝ wuu bɔ wuui a sʊwatǝm kɛl.

Yohana 6:59

Yesu a sʊwa kanjǝl nɨ gwam nǝn kwamagɔ maa mɛlalɨ lɛ a mʊgɔ kan mɛlalɨ a Kafarnahumi.

Yohana 7:1

A gulɔ gǝm Yesu a kɛla a mʊgɔ tǝm Galili. A swɨ bɔ a dɔ a mʊgɔ tǝm Yahudiya, jʊ a bwɨɨ Yahudawa nɨ fʌleni saa lɛ a jʌ gǝn.

Maajɨ Bɛtɔ Twamagɨɨ 10:38

Jǝ́ nyǝm fulon kɛl Yesu Bwɛ Nazaratɨ, kanga Kwaama a gul gǝm bwiyel Yʊwa gǝnɨ jǝbɔ kwaanɨ. Jǝ́ nyǝm kanga kɛla lɛ maa maajɨ lǝma lɛɨ, gung nǝb nɨ lɛ Mammɔ nǝ ji gaalan nɛɨ, jʊ a bwɨɨ Kwaama gǝ na dakini jǝbɔ gɔ.

Maajɨ Bɛtɔ Twamagɨɨ 18:4

Nǝn Kum Fǝbtǝmɔ gwam Bulus gǝ gʊbka gʊbka jǝbɔ ji a kan mɛlalɨ. Swɨ lɛ a gʊ Yahudawagɔ jǝbɔ Bʌtʌbɔ sǝ ja nǝ bɨlǝngkɛl.

Maajɨ Bɛtɔ Twamagɨɨ 20:25

“Kǝngkɔ n nyǝm gwam jenɔ mɨsɔ jǝ́ yǝla lɛ jǝ́ kuwo i wo tag, jen nɨ mǝ kɛla lɛ a kʊm jen, mǝ kiyo kɛl fulon fɔlɔn lɔ Kwaamaɨ lɛɨ.

Maajɨ Bɛtɔ Twamagɨɨ 28:31

Ja kaa gǝn bɔ a kiyotǝm kɛl a dul fɔlɔn lɔ Kwaamaɨ, mɛla jim kɛl Tɛlalɔ Yesu Kiristii lɛ kǝga jǝbɔ kǝga, mɨ taal wo.

Roma 10:15

Maa nyǝn nǝb kiyotǝmɔ kiyo lɛ na ja twam ji bɨɨ? Kanga a mʊla mʊlaɨ gɔ, “N jǝ bʊmǝn a nǝb nɨ a bɛ nǝn fulon kɛl lǝmɨ nɨɨ!”