Matta 4:10 - Dadiya NT

¹⁰ Nǝngɔ Yesu a sʊwa gǝn gɔ, “Kʌlʌm shu fɔ a kǝga mɨ Mamm! A mʊla mʊlaɨ gɔ, ‘Maa Tɛlalɔ Kwaama mʊnɔ gǝm bǝlátǝm. Nǝn gɔ kwaagɔ mʊ nǝ gǝn dʊʊn nɛɨ.’ ”

Matta 4:10 ပူးပေါင်းရင်းမြစ်များ

Matta 16:23

Nǝngɔ Yesu a yǝla a sʊwa Bitrus gɔ, “Yǝla a gul mɨ Mamm! Mʊ tɛl fǝtǝm naa a daa mǝ woi, jʊ a bwɨɨ mʊ ya bɔ bʊʊlalɨ mʊnɔ a kanjǝl Kwaamaɨ, mʊ maa bʊʊlalɨ nǝfitʌmi.”

Markus 1:13

A yɨ a daa gɔ kumɔ fʊltǝnaal, Mammɔ tɛl gǝn nɛ. Yesu yǝm jǝbɔ namɔ kuuli. N bɛtɔ twama Kwaamaɨ tu gǝm twama lɛɨ.

Luka 10:18

Nǝngɔ a sʊwa ji gɔ, “N kuwo Mammɔ a gǝla a dʌbʌl ba yal a tǝm biyo lɛ na kwama beta lɛɨ.

Luka 11:18

Na Mammɔ a bel dul gǝnɔ yoi, fɔlɔn gǝnɔ tɨ nyǝn? Jʊ a bwɨ mǝ sʊwa nyɨɨ, jǝ́ sʊwa jengɔ mǝ jǝg nǝblaamɔ nǝn kwaan Baalzabuli, fɔlɔ nǝblaamɨ.

Luka 13:16

Nɔɔlɨ nɨ nǝn bʊla Ibrahimi, a wʊnɨ Mammɔ a bwa jolɔ kʊb jeli naalǝbɨ. A bʊm bɔ ja kwɨ gǝn a Kum Fǝbtǝm ka?”

Luka 22:3

Nǝngɔ Mammɔ a dɔ nǝl Yahuza Iskariyotii, win a mʊgɔ bɛtɔ mɛlalɨ gǝnɔ nɨ kʊb jeli yoi.

Luka 22:31

“Bitrus, Bitrus! Mammɔ a saa gola sǝ a yu jen na jaam.

Luka 4:8

Yesu a jǝla gǝn gɔ, “A mʊla mʊlaɨ gɔ, ‘Maa Tɛlalɔ Kwaama mʊnɔ gǝm bǝlátǝm. Nǝn gɔ kwaagɔ mʊ nǝ gǝn dʊʊn nɛɨ.’ ”

Yohana 13:27

Yotǝm kǝlɨ kʊkkʊm nɨ a kang Yesui, nǝngɔ Mammɔ a dɔ gǝnɨ. Nǝngɔ Yesu a sʊwa gǝn gɔ, “Jʊ nɨ mʊ swɨ maatǝmɔ lɛɨ, maa yagɨ yagɨ.”

Maajɨ Bɛtɔ Twamagɨɨ 26:18

Mǝ maa nyɔ sǝ ń wum jim nu, ja yǝla a kumtojili ja bɛ a nyalǝm. Ja yǝla a daagɔ kwaan Mammɔ woi, ja bɛ a daagɔ Kwaama woi. N gola nɨ jǝ nya kǝlǝmtǝm bwɨlangkɛltɨn nɛɨ, sǝ ja nya kʊla kʊlɨ jǝbɔ nǝb nɨ gwam a yǝlam nǝb sagsagɨ, a gola nǝtǝm bɨlǝngkɛl a daa mǝ woi.’

Maajɨ Bɛtɔ Twamagɨɨ 5:3

Nǝngɔ Bitrus gɔ, “Mɔ Hananiya, n wɛ a bwɨ mɔ bǝla Mammɔ a dɔ mʊgɔ nǝl mʊnɔ, mʊ maa Yʊwa Kwaamaɨ gǝm gabakɛlɨ, mʊ yʊ kaa jǝl a mʊgɔ kemʌn talɨgɔ gǝmɨ?

1 Korinti 5:5

Bɛ jǝ́ dǝg nʊ nɨ a kang Mammɨ, sǝ a kalǝm bʊtɔ bwɨlangkɛl gǝnɔ, sǝ yʊwa gǝnɔ a bʊʊ nǝn kɔkɔ Tɛlalɔɨ.

1 Korinti 7:5

Ka kaa win ya kɔ a wini lɛ, na ke bɔ nyɨɨ, bɛ a yǝlam nǝn jǝlatǝm a kʊm jen, ka kʊta lɛ, sǝ jǝ́ ja kǝga a mʊgɔ keli. Sǝ jǝ́ yǝla jǝ́ mʊrka, kage Mammɔ a tɛl jen a gola nɨ mɨsɔ bɛ lɛ nǝn tatǝm duli.

2 Korinti 11:14

N ke bɔ jǝ tatǝm kang a nyiyo, jʊ a bwɨɨ Mammɔ nǝn kang gǝn gǝ yǝla yǝla nǝn dul gǝnɔ na bwɛ twama Kwaamaɨ nɨ nǝn nyalǝmɨ.

2 Korinti 12:7

Ja dǝg mɨ kaa bɔɔla kage ya n gung dul lɛ a daltɔ kanjǝl nʊngtǝm nɨ ja maa mɨɨ. Bɔɔla nɨ a yǝlam mɨ na shola a bʊtɔ, wʊnɨ Mammɔ a twam, dɨsɔ ya nɨ ɨ gaalan nɛɨ, kage ya n gung dul lɛ.

2 Korinti 2:11

Mǝ maa jʊ nɨ kage Mammɔ a nya jatǝm kǝga a dul bǝn. Bǝ ke bɔ nǝb nɨ bǝ nyǝm bɔ golantɨn Mammɨ.

Yakubu 4:7

Bɛ jǝ́ nǝ dul jenɔ a daagɔ Kwaama woi. Jǝ́ kɔ Mammɔ. Mwal jen mwal.

1 Bitrus 5:9

Bɛ jǝ́ kɔ gǝn, jǝ́ tɨ nǝn kwaan a nǝtǝm bɨlǝngkɛl jenɔ gǝm. Jǝ́ kwɛl jǝ́ nyǝm nyǝmɨ kɛtǝlam jenɔ a yooli nɨɨ pʌd, ja kwɛl ja ya jim yaɨ nɔɔtǝm gaalanɔ.