Matta 3:2 - Dadiya NT

² sʊwa lɛ gɔ, “Jǝ́ yǝla jǝ́ bǝla bwɨlangkɛltɨn jenɔ, jʊ a bwɨɨ fɔlɔn lɔ Kwaamaɨ a dwama.”

Matta 3:2 ပူးပေါင်းရင်းမြစ်များ

Matta 10:7

Kanga jǝ́ yɔɨ, ya jǝ́ sʊwa jengɔ, ‘Fɔlɔn lɔ Kwaamaɨ a dwama.’

Matta 11:20

Nǝngɔ a tǝl gʊtǝm lɔl tuulɔtɨn nɨ ga maa kɔrɔ kanjǝl laatǝm kang a kʊm jini, jʊ a bwɨɨ ja yǝla bɔ ja bǝla bwɨlangkɛl jinɔ.

Matta 12:41

Galɨgǝn nǝbɔ Ninebaɨ a yǝla a bǝla bwɨlangkɛl jinɔ a gola fulon kɛlɔ Yunana a sʊwa jii. Kǝngkɔ nʊ nɨ a laa Yunanaɨ n wɔ sul, kal nɨ kǝngkɨɨ a kɔ nyʊwatǝm gǝnɔ. A dul kɛl nɨ, nǝn kɔkɔ borangɔ nǝbɔ Ninebaɨ jǝ gun gun tʌgo a kal nɨ gǝm sǝ ja buulʌm jʊ ja maaɨ.

Matta 13:11

Yesu a sʊwa ji gɔ, “A jenɔ ja kwɛl ja jǝla jem jǝ́ nyǝm kanjǝl nɨ ja yʊ yʊɨ a fɔlɔn lɔ Kwaamaɨ. A jinɔ, ja nǝ ji bɔ nyǝmtǝmɔ.

Matta 13:24

Yesu a yǝla a sʊwa ji kaa mʊsǝn kɛl gɔ, “Fɔlɔn lɔ Kwaamaɨ gǝ na na nʊ nɨ a wa dʊʊm nyan a tɔtwam gǝnɨ.

Matta 13:31

Yesu a sʊwa ji kaa mʊsǝn kɛl gɔ, “Fɔlɔn lɔ Kwaamaɨ gǝ na na nu mastad, wʊnɨ kaa nǝl a do ya kwal a tɔtwam gǝnɨ.

Matta 13:33

Yesu a sʊwa ji kaa mʊsǝn kɛl gɔ, “Fɔlɔn lɔ Kwaamaɨ gǝ na na yisti wʊnɨ kaa nɔɔlɨ a dǝg tʌgo a mim nuyila taasa taalɨ, a fi gǝn gwamɨ.”

Matta 13:47

“Fɔlɔn lɔ Kwaamaɨ tag gǝ na na lɨyal nɨ ja mal a mʊgɔ wɨmaɨ, jǝ tam jʌngi lɛɨ, gǝ ta jʌngitɨnɔ nǝn dʌmʌn.

Matta 13:52

Nǝngɔ a sʊwa ji gɔ, “Gwam nǝ mɛlalɨ diil nɨ a yǝlam bwɛ mɛlalɨ a fɔlɔn lɔ Kwaamaɨ, gǝ na na tɛlalɔ nɨ a jǝg shilo fɨ jǝbɔ shilo galɨ a daa yatǝm jini.”

Matta 18:23

“Fɔlɔn lɔ Kwaamaɨ jǝ mʊrka gǝn nǝn fɔlɔ nɨ swɨ lɛ a mʊr naan gǝnɔ a kang jwaalɛb gǝnɨ.

Matta 20:1

“Fɔlɔn lɔ Kwaamaɨ gǝ na na kaa tɛlalɔ nɨ a jel nǝn kumsʌl butʌb sǝ ya saa nǝb nɨ ya maa gǝm maajɨ lɛ a mʊgɔ tɔtwam fogfogi gǝnɨ.

Matta 22:2

“Fɔlɔn lɔ Kwaamaɨ jǝ mʊrka gǝn jǝbɔ kɛl kaa fɔlɔ wʊnɨ a swɨ bʊla gɔ gǝm kangwaalɨ.

Matta 23:13

“N mwɛ jen, jǝ́ nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ nʊngǝm nyanga dɔtǝm fɔlɔn lɔ Kwaamaɨ a kǝga nǝbɨɨ. Jen tʌjen jǝ́ dɔ bɔ, jǝ́ kaa nǝbɔ swɨ lɛ a dɔɨ, dɔtǝmɔ. [

Matta 25:1

“Fɔlɔn lɔ Kwaamaɨ jǝ mʊrka gǝn na bɛtǝnɔɔtǝn nɨ kʊbɨ, wʊnɨ ja wɔɔ fitila jinɔ gɔ ya jǝ tǝga balɨ nɨ a naa nɔɔlɨɨ.

Matta 25:14

“Fɔlɔn lɔ Kwaamaɨ gǝ na na kaa nǝl yilo a yɔmɨ, nǝngɔ a jo jwaalɛb gǝnɔ a nǝ ji dʌngtǝm kanjǝl lɔ gǝnɔ gwamɨ.

Matta 4:17

Nǝngɔ Yesu a tǝl kiyotǝm kɛl Kwaamaɨ gɔ, “Jǝ́ yǝla jǝ́ bǝla bwɨlangkɛltɨn jenɔ, jʊ a bwɨɨ fɔlɔn lɔ Kwaamaɨ a dwama.”

Matta 4:23

Yesu a bwangtǝn tǝm Galiligɔ gwam, mɛla nǝbɔ gǝm lɛ a kantɨn mɛlalɨ, kiyo jim fulon kɛl lǝmɨ fɔlɔn lɔ Kwaamaɨ lɛ, gung nǝb twɨlamɔ lɛ, jǝbɔ nǝb bɔɔlamɔ a kʊm nǝbɨɨ.

Matta 5:10

Bwiligɔ na a nǝb nɨ nyʊwa gaalan nɛ a dul jʊ jʊ nɨ dǝngdǝngɨ, jʊ a bwɨɨ fɔlɔn lɔ Kwaamaɨ na a ji.

Matta 5:3

“Bwiligɔ na a nǝb nɨ ja nyǝm bʊnǝn jinɔ a mʊgɔ yʊwaɨ, jʊ a bwɨɨ fɔlɔn lɔ Kwaamaɨ na a ji.

Matta 6:10

Bɛ fɔlɔn mʊnɔ a bɛ. Jʊ mʊ swɨ lɛɨ, bɛ a nya maatǝm a tǝm nɨ, kanga jǝ maam lɛ a mʊgɔ kwamaɨ.

Matta 6:33

Jʊ a laa jǝl gwamɨ, jǝ́ saa fɔlɔn lɔ Kwaamaɨ dɨn, jǝbɔ yɨm dǝngdǝng gǝnɔ. Na jǝ́ maa kanjǝl nɨ nyɨɨ, jǝ nǝ jen nǝ tangǝn kanjǝlɔ gwam.

Markus 1:15

Sʊwa lɛ gɔ, “Kwamagɔ a la! Fɔlɔn lɔ Kwaamaɨ a dwama! Jǝ́ yǝla jǝ́ bǝla bwɨlangkɛl jenɔ, jǝ́ nǝ bɨlǝngkɛl nǝn fulon kɛl lǝmɨ nɨɨ.”

Markus 1:4

Yohana nǝ Yʊtǝm mwɛ Sagsagɔ a bɛ a mʊgɔ kuul, sʊwa nǝbɔ kɛl Kwaamaɨ lɛ gɔ, nǝbɔ a yǝla a bǝla bwɨlangkɛl jinɔ, sǝ ja yʊ ji mwɛ sagsag, sǝ ja kǝlǝm jim bwɨlangkɛltɨn jinɔ.

Markus 6:12

Nǝngɔ ja jel jǝ kiyo nǝbɔ gǝm lɛ gɔ ja yǝla ja bǝla bwɨlangkɛl jinɔ.

Luka 1:16

Yǝla yǝla nǝn nǝbɔ Israilaɨ a lada a daagɔ Tɛlalɔ Kwaama jinɔ woi.

Luka 11:20

Na mǝ jǝg nǝblaamɔ nǝn kwaan Kwaamaɨ, a nʊng fɔlɔn lɔ Kwaamaɨ a bɛ jem.

Luka 13:3

N sʊwa jen, na jǝ́ yǝla bɔ jǝ́ bǝla bwɨlangkɛl jeni, mɨsɔ jǝ́ bʊʊ lɛ.

Luka 13:5

N sʊwa jen mɨ nyɔ, na jǝ́ yǝla bɔ jǝ́ bǝla bwɨlangkɛl jeni, mɨsɔ jǝ́ bʊʊ lɛ.”

Luka 15:10

Gǝ na nyɔ, bɛtɔ twama Kwaamaɨ maa maa bǝlátǝmɔ nyɔ a dul nǝ bwɨlangkɛl nɨ win a yǝla a bǝla bwɨlangkɛl gǝnɨ.”

Luka 15:7

Mǝ sʊwa jen nɛ, jǝ maa fulotǝm nǝlɔ nyɔ a dʌbʌl, na nǝ bwɨlangkɛl win a yǝla a bǝla bwɨlangkɛl gǝnɨ, a laa nǝb nɨ dǝngdǝng fʊltʊlkʊb jeli tʊlkʊbɨ, wʊnɨ ja kwɛl ja yǝla ja bǝla bwɨlangkɛl jini.

Luka 16:30

“Nǝngɔ gɔ, ‘Ɔ ɔ, tɛtɛ Ibrahim. Na nʊ nɨ a kwɛl a bʊla bʊlaɨ a yɔ nǝn kɛlɨ, jǝ yǝla yǝla ja bǝla bwɨlangkɛlɔ.’

Luka 21:31

Gǝ na nyɔ na jǝ́ kuwo kanjǝl nɨ bwɨ lɛɨ, bɛ jǝ́ nyǝm fɔlɔn lɔ Kwaamaɨ a dwama.

Luka 24:47

A mʊla mʊlaɨ tag gɔ, jǝ kiyo kiyo nǝbɔ gǝm kɛl Kwaamaɨ gwam a mʊgɔ dun gǝn sǝ ja yǝla ja bǝla bwɨlangkɛl jinɔ, sǝ ja kǝlǝm bwɨlangkɛlɔ a tǝmɔ gǝm gwam, jǝ tǝl a Urushalima.

Luka 6:20

Yesu a dʌng bɛtɔ mɛlalɨ gǝnɨ, nǝngɔ a sʊwa ji gɔ, “Bwiligɔ na a jen, jen nɨ jǝ́ yǝm a mʊgɔ bʊnǝnɨ, jʊ a bwɨɨ fɔlɔn lɔ Kwaamaɨ na a jen.

Luka 9:2

A twam ji sǝ ya ja kiyo fulon fɔlɔn lɔ Kwaamaɨ, ya ja gung nǝb bɔɔlamɔ lɛɨ.

Maajɨ Bɛtɔ Twamagɨɨ 11:18

Yahudawa nǝb bwangtǝmɔ a nyʊwa nyɨɨ, ja nyǝm bɔ jʊ jǝ sʊwa lɛɨ. Nǝngɔ ja bǝlá Kwaamagɔ jǝ sʊwa lɛ gɔ, “Kwaama a jǝla Bʌtʌbɔ gǝm tʌji ja yǝla ja bǝla bwɨlangkɛl jinɔ sǝ ja nya kʊlɨ.”

Maajɨ Bɛtɔ Twamagɨɨ 17:30

Galɨgǝn Kwaama a maa bɔ nǝbɔ gǝm borangɔ dǝngdǝng jǝbɔ bwɨlangkɛl nɨ ja maaɨ, jʊ a bwɨɨ ja nyǝm bɔ bwɨlangkɛl jinɔ. A kǝngkɨɨ a nǝ nǝbɔ diil a daatɨnɔ gǝm gwam gɔ ja yǝla ja bǝla bwɨlangkɛl jinɔ.

Maajɨ Bɛtɔ Twamagɨɨ 2:38

Nǝngɔ Bitrus a sʊwa ji gɔ, “Jǝ́ yǝla jǝ́ bǝla bwɨlangkɛl jenɔ, jǝ́ nya yʊtǝm mwɛ sagsag gwam jenɔ a mʊgɔ dun Yesu Kiristii, sǝ ja kǝlǝm jem bwɨlangkɛl jenɔ. Jǝ́ nya nya lǝma Yʊwa Kwaamaɨ.

Maajɨ Bɛtɔ Twamagɨɨ 20:21

N sʊwa Yahudawagɔ jǝbɔ nǝbɔ Girikaɨ gwam mǝʊ ja yǝla ja bǝla bwɨlangkɛlɔ ja yǝla a daa Kwaama woi, ja nǝ bɨlǝngkɛl a daagɔ Tɛlalɔ bǝn Yesu woi.

Maajɨ Bɛtɔ Twamagɨɨ 26:20

Mǝ tǝl sʊwatǝm nǝbɔ Dimaskaɨ kɛl Kwaamaɨ, nǝngɔ a la nǝbɔ Urushalimaɨ jǝbɔ Yahudiyagɔ, nǝngɔ a la Bʌtʌbi, mǝʊ ja bǝla bwɨlangkɛl jinɔ ja yǝla a daa Kwaama woi, sǝ ja maa kanjǝl nɨ nʊng lɛ ja yǝla ja bǝla bwɨlangkɛl jini.

Maajɨ Bɛtɔ Twamagɨɨ 3:19

A dul kɛl nɨɨ, jǝ́ yǝla jǝ́ bǝla bwɨlangkɛl jenɔ, jǝ́ yǝla a daa Kwaama woi, sǝ a saal jem bwɨlangkɛl jenɔ, a nǝ jen fǝbtǝm.

2 Korinti 7:10

Nǝn gɔ kaltǝm nǝlɔ Kwaama swɨ lɛɨ. Gǝ dǝg nǝl a yǝla a bǝla bwɨlangkɛlɨ gǝnɔ. Gǝ bɛ nǝn nyatǝm bʊʊtǝm, mɨsɔ bɛ lɛ nǝn, “Na n nyǝmɨ.” Kaltǝm nǝl yooli nɨ, gǝ bɛ nǝn bwaa.

Kolosii 1:13

Nǝn gɔ a jǝg bǝn a mʊgɔ fɔlɔn duddugi. A dǝg bǝn a mʊgɔ fɔlɔn bʊla gɔ nɨ gǝ swɨ lɛɨ.

2 Timoti 2:25

jǝbɔ nʊ nɨ dǝg nǝb kɔtǝm mɛlalɨ gǝnɔ lɛ a golaɨ. Kɛna Kwaama nǝ ji gola lɛ ja yǝla ja bǝla bwɨlangkɛl jinɔ, ja nyǝm bɨlǝngkɛlɨ.

Ibranii 6:1

A dul kɛl nɨ, bɛ bǝ sʊtǝn nyǝmtǝmɔ a shu kanjǝl nɨ ja mɛla bǝm nǝn tɨkǝga a dul Kiristii, a yɔ nǝn a dʊʊlǝn nyǝmtǝm. Ka bǝ yǝla lɛ bǝ swa fʌlʌm kanjǝl nɨ bǝ bǝla a guli. Jʊtǝb nɨ nǝn gɔ, n yǝlatǝm bǝlatǝm bwɨlangkɛl nɨ yɔ lɛ nǝn bǝn a bwaaɨ, jǝbɔ nǝtǝm bɨlǝngkɛl a daagɔ Kwaama woi,

2 Bitrus 3:9

Tɛlalɔ mɨ gǝ tɨla lɛ nǝn swatǝm yaa gǝnɔ, kanga kaamɨ gǝ do tatǝm bʊtɔ lɛɨ. N nǝ bwatǝm nǝl a daa jen woi. A swɨ bɔ kaa nǝl a kala. Swɨ lɛ nǝbɔ gwam a yǝla a bǝla bwɨlangkɛl jinɔ.

Dʊgam Nyangnyang 2:21

N nǝ gǝn gola sʊwatǝm ga yǝla ga bǝla bulon gǝnɔ, a kɔ.

Dʊgam Nyangnyang 2:5

Bɛ ń fɛ ń bʊʊla nǝn dʊʊn mʊnɔ nǝn tɨkǝgaɨ, jǝbɔ yǝlatǝm nɨ nǝn gul mʊ maaɨ. Yǝla bǝla bwɨlangkɛl mʊnɔ. Yǝla maa maajɨ nɨ mʊ maa nǝn tɨkǝgaɨ. Na mʊ yǝla bɔ ń bǝla bwɨlangkɛl mʊnɨ, mǝ bɛ bɛ a daa mɔ woi sǝ n yem daa swatǝm fitilagɔ a daa mʊ woi.