Matta 27:52 - Dadiya NT

⁵² Tuutɨnɔ a wumola, bʊtɔ nǝb nɨ sagsag a lada nyɔ a daa dumi, ja gun.

Matta 27:52 ပူးပေါင်းရင်းမြစ်များ

Yohana 11:11

Kwama Yesu a sʊwam kanjǝl nɨɨ, nǝngɔ a yǝla a sʊwa ji, gɔ, “Fwal bǝn Liazaru a daa dum. Mǝ yɔ ya mǝ gung gǝn gung a dum.”

Maajɨ Bɛtɔ Twamagɨɨ 7:60

Nǝngɔ a gǝla a jʊng a gung diil gǝnɔ nǝn kwaan gɔ, “Tɛlalɔ, bɛ ka ń ta lɛ bwɨlangkɛl nɨ a dul jin.” Sʊwatǝmɔ nyɨɨ, nǝngɔ a bʊlaɨ.

1 Korinti 11:30

N jʊ a bwɨ kaamɨ a lada nyɔ a kʊm jen jǝ daa bɔɔla lɛ mɨ ji nǝn kwaanɨ, kaamɨ a daa dumi.

1 Korinti 15:20

N bɨlǝngkɛl Kwaama a gung Kiristi a bwaa. Nǝn gɔ a yǝlam nǝ tɨkǝga a nǝb nɨ a bʊlaɨ.

1 Korinti 15:51

N wɔ mǝ sʊwa jen kaa jʊ nɨ lɛ ja yʊ yʊɨ. Ke bɔ gwam bǝnɔ bǝ bʊla lɛɨ, gwam bǝnɔ Kwaama fʌto bǝm fʌto bʊtɔgɔ.

1 Tasalonikaɨ 4:14

Kanga bǝ nǝ bɨlǝngkɛl bǝngɔ Yesu a bʊla, a guni, bǝ nǝ bɨlǝngkɛl bǝngɔ nǝbɔ a bʊla a bwangtǝm Yesui, Kwaama yǝla yǝla nǝn ji jǝbɔ gɔ.

1 Tasalonikaɨ 5:10

wʊnɨ a bʊla a kɛl dul bǝnɨ, sǝ na bǝ nǝn kʊlɨ, na bǝ bʊla bʊlaɨ, kwama a bɛmɨ, bǝ yɨ dakini jǝbɔ gɔ.