Matta 26:41 - Dadiya NT

⁴¹ Jǝ́ tɔɔ tǝmɔ, jǝ́ maa keli kage jǝ́ yal a mʊgɔ tɛltǝm. Nǝlɔ swɨ maatǝmɔ lɛ, bʊtɔgɔ a gɨya.”

Matta 26:41 ပူးပေါင်းရင်းမြစ်များ

Matta 24:42

“Bɛ jǝ́ fɛka yɨm jenɔ, jʊ a bwɨɨ jǝ́ nyǝm bɔ kɔkɔ nɨ Tɛlalɔ jenɔ bɛm lɛɨ.

Matta 25:13

“Gǝ na nyɔ bɛ jǝ́ yɨ nǝn fɛkalɨ, jʊ a bwɨɨ jǝ́ nyǝm bɔ kɔkɔgɔ jǝbɔ kemʌnɔ mǝ yǝla mǝ bɛm lɛɨ.

Matta 26:38

Nǝngɔ a sʊwa ji gɔ, “Fitǝm nǝl nɨ mǝ nyʊwa lɛ nǝnɨ, maamɔ jʌ i jʌ i. Jǝ́ yɨ fɔ, jǝ́ maa tɔɔtǝm jǝbɔ mǝ.”

Matta 6:13

Bɛ ka ń yɔ lɛ nǝn bǝn a daa tɛltǝm. Bɛ ń jǝg bǝn a daa nǝ Bwɨlagɔ woi. [Jʊ a bwɨɨ, fɔlɔnɔ jǝbɔ kwaanɔ jǝbɔ dʊʊnɔ na a mɔ, mɨ dɨtǝm wo. A daa nyɔ.]’

Markus 14:38

Jǝ́ tɔɔ tǝmɔ, jǝ́ maa keli kage jǝ́ yal a mʊgɔ tɛltǝm. Nǝlɔ swɨ maatǝmɔ lɛ, bʊtɔgɔ a gɨya.”

Luka 11:4

Bɛ ń kǝlǝm bǝm bwɨlangkɛl bǝnɔ, kanga nɨ bǝ kǝlǝm nǝb nɨ gǝm maa bǝm bwɨlangkɛl lɛɨ. Bɛ ka ń yɔ lɛ nǝn bǝn a gola tɛltǝm.’ ”

Luka 21:36

Jǝ́ yɨ nǝn fɛkalɨ. Jǝ́ kela Kwaamagɔ lɛ kwangkwang, sǝ jǝ́ nya kwaan bʊʊtǝm a kanjǝl nɨ bwɨ lɛ a kǝgaɨ, sǝ jǝ́ tɨ nǝn fulotǝm nǝl a kǝga Bʊla Nǝlɨ.”

Luka 22:40

Ya ja la daagɨɨ, nǝngɔ a sʊwa ji gɔ, “Jǝ́ maa keligɔ, kage jǝ́ yal a mʊgɔ tɛltǝm.”

Luka 22:46

Nǝngɔ a bʌ ji gɔ, “N wɛ a bwɨ jǝ́ daa dum lɛɨ? Jǝ́ gun jǝ́ maa keligɔ, kage jǝ́ yal a mʊgɔ tɛltǝm.”

Luka 8:13

Dʊʊm nɨ a tǝla a daa tatǝnɨ, n nǝbɔ gǝ yo kɛl Kwaamaɨ lɛ nǝn fulotǝm nǝlɨ. Na ja nyʊwaɨ, mɨ ji nǝn nʌl. Jǝ nǝ bɨlǝngkɛlɔ nǝn dǝm nyɔ. Na ja tɛl jii, mɨ jǝ tɨm bǝlatǝm kɛl Kwaamaɨ lɛ.

Roma 8:3

Jʊ nɨ mɨsɔ diilɔ dwal lɛ a maaɨ, jʊ a bwɨɨ n yɨm bwangtǝm bʊtɔ a dǝg diilɔ a gɨyaɨ, Kwaama a maa. A twam bʊla gɔ nǝn kang gǝn a jelkalǝng bʊtɔ bǝnɔ nɨ n bʊtɔ bwɨlangkɛlɨ, sǝ a yǝlam tǝlatǝm twama a dul bwɨlangkɛl, sǝ a kalǝm bwɨlangkɛlɔ a bʊtɔ bǝn.

1 Korinti 10:13

Mɨ kaa tɛltǝm nɨ a nya jen a wʊnɨ ja maa bɔ nǝfili gǝm woi. Kwaama n nǝ yiitǝm swatǝm yaa. Mɨsɔ bǝla lɛ ja tɛl jen nǝn jʊ nɨ laa kwaan jenɔ lɛɨ. A tɛltǝmɔ gǝmɨ, maa jem maa gola nɨ jǝ́ jelʌm lɛɨ, sǝ jǝ́ bwa nǝlɨ.

1 Korinti 16:13

Jǝ́ yɨ yɨm fɛkalɨ. Jǝ́ bɨ nǝl a nǝtǝm bɨlǝngkɛl jenɔ gǝm. Jǝ́ kʊʊ nǝl. Jǝ́ tɨ nǝn kwaan.

1 Korinti 9:27

Jʊ mǝ maa lɛɨ, mǝ nǝ bʊtɔ mǝndɨ gaalan. N ya bʊtɔ mǝndɨ a jwaalɛn, kage na kwama mǝ dɨ kiyotǝm kaamɨ gǝm fulon kɛl lǝmɨ nɨɨ, ja mǝla ɨ fʌlen.

Galatiya 5:24

Nǝb nɨ na a Kiristi Yesui, ja kwɛl ja kʊʊ kʊʊɨ bʊʊlalɨ bwɨlagɔ jǝbɔ kanjǝl bwɨlantɨn nɨ jǝ swɨ lɛ ja maaɨ.

Afisa 6:18

Bɛ ya jǝ́ maa keli lɛ kwangkwang a mʊgɔ kwaan Yʊwa. Jǝ́ maa kelitɨnɔ nǝn dʌmʌn. A dul kanjǝl nɨ, jǝ́ yɨ nǝn fɛkalɨ, ya jǝ́ maa keli lɛ kwangkwang a dul nǝb sagsagɨɨ.

1 Bitrus 4:7

Dɨltǝm kanjǝlɔ gwam a dwama. A dul kɛl nɨɨ, jǝ́ yɨ nǝn fɛkalɨ, jǝ́ ta dul jenɔ sǝ jǝ́ dwal jǝ́ maa keli.

1 Bitrus 5:8

Bɛ jǝ́ ta dul jenɔ, jǝ́ yɨ nǝn fɛkalɨ. Nǝ kii jenɔ mammɔ kɛla lɛ na tulʌm nɨ yʊʊl lɛɨ, saa nʊ nɨ lɛ gǝ wo lɛɨ.

2 Bitrus 2:9

Mʊsǝn kɛl nɨ gǝ nʊng bǝn gɔ, Tɛlalɔ a nyǝm kanga gǝ jǝgǝm nǝb nɨ lɛ nyʊwa taal gǝnɔ lɛɨ a tɛltǝmɨ. A nyǝm kanga ta nǝb nɨ lɛ mɨ dǝngdǝngɨ sǝ a mwɛ ji nǝn kwama jǝ yam di mwatɨtǝm borangɔ lɛɨ.

Dʊgam Nyangnyang 16:15

“Jǝ́ nyʊwa! Mǝ bɛ lɛ na nǝkuu! Bwiligɔ na a nʊ nɨ yǝm nǝn fɛkalɨ, tɨm nǝn dwang dʊʊl gǝnɨ, kage a yɔ kʊnkʊn, a nyʊwa gunidul a talɨ.”

Dʊgam Nyangnyang 3:10

Ń kɨla kɛlɔ mǝ sʊwa ń a dul kʊtǝm nǝlɨ, n jʊ a bwɨ mǝ tǝmɨ mǝ kɨla ń nɛ a jʊ nɨ bwɨ lɛ a kwama tɛltǝmɨ, wʊnɨ gǝla lɛ a dul yooli nɨɨ, sǝ ja tɛl nǝb nɨ yǝm a yooli nɨɨ.