4 Nǝb nɨ nǝn yʊlanɨ, ja wɔɔ kwal nwangɔ jǝbɔ fitila jinɔ.
“N wɔ mǝ twam jen nɛ na kwamɨ a kʊm bangashɨtɨn. A dul kɛl nɨɨ, jǝ́ yǝlam nǝb yʊlan na sɔɔtɨn, na kumfiyotɨn wʊnɨ mɨ maa fanyal lɛɨ.
Nʊ a kʊm jin ja fʌm fʌmi. Nʊ n nǝb yʊlan.
Nǝn kwama nɨ nǝb nɨ nʊ a wɔɔ fitila jini, ja do bɔ nwang nɨ jǝ tal lɛ a fitila jinɔ gǝmɨ, na nʊ nɨ a mʊgɔ gǝnɨ a dɨmɨ.
Balɨgɔ a bɛ bɔ dǝbǝr, nǝngɔ ja tǝl nyʊwatǝm dumi, nǝngɔ dumɔ a wɔɔ ji gwamɨ.
“Nʊ nɨ a nyʊwa kɛl mǝndɨ a bwangtǝnɨ, gǝ na na nǝ yʊlan nɨ a mɔ lɔ gǝnɔ a dʌbʌl gamɨ.
Nʊ nɨ Kwaama a twamɨ, gǝ sʊwa kɛl Kwaamaɨ, jʊ a bwɨɨ nǝn Kwaama a nǝ gǝn Yʊwa gǝnɔ mɨ dɨtǝm woi.
Jen, n ke bɔ yɨm bwangtǝm bʊtɔ jǝ́ yǝmɨ, n yɨm Yʊwa, na Yʊwa Kwaamaɨ yǝm a mʊgɔ nǝl jeni. Nʊ nɨ pʌd mɨ nǝn Yʊwa Kiristii, ke bɔ a Kiristii.
A ka bǝm kwatɨ gǝnɔ gɔ bǝ na a gɔ, a nǝ bǝn Yʊwa gǝnɔ a nǝl bǝn. Mɨ nyǝmatǝm wo, gɔ gǝ nǝ bǝn nǝ tangǝn kanjǝlɔ gwam.
A jenɔ Nǝ Sagsagɔ a gul jem bwiyel. Pʌd jenɔ jǝ́ nyǝm bɨlǝngkɛlɔ.
Kiristi a kwɛl a nǝ jen Yʊwa Kwaamaɨ wʊnɨ yǝm a mʊgɔ jeni. Mɨsɔ jǝ́ saa kaa nǝ mɛlalɨ lɛ, jʊ a bwɨɨ, Yʊwagɔ mɛla jem kanjǝlɔ lɛ gwam. Mɛlalɨ gǝnɔ n bɨlǝngǝn, ke bɔ gabakɛl. Bɛ jǝ́ yɨ a mʊgɔ Kiristii kanga a mɛla jemi.
Nǝb nɨ n nǝbɔ wʊlaka jen nɛɨ, kanjǝl nɨ ja nyǝmɨ na a bʊtɔ, n nǝbɔ mɨ nǝn Yʊwa Kwaamaɨ.
