Matta 24:6 - Dadiya NT

⁶ Jǝ́ nyʊwa nyʊwa kɛl tatǝm kun jǝbɔ fulon kun. Ka jǝ́ nyʊwa lɛ taal, kanjǝl nɨ bwɨ bwɨ nyɔ, dɨltǝm tǝmɔ a la bɔ dɨn.

Matta 24:6 ပူးပေါင်းရင်းမြစ်များ

Matta 2:3

Kwama Hiridus fɔlɔgɔ a nyʊwam kɛl nɨɨ, nǝl gǝnɔ a kala jǝbɔ nǝb nɨ a Urushalimaɨ gwam.

Matta 24:14

Jǝ kiyo kiyo fulon kɛl lǝmɨ fɔlɔn lɔ Kwaamaɨ a tǝmɔ gǝm gwam, sǝ a yǝlam nǝtǝm nyiyo sǝla dɨltǝm yooligɔ a bɛ.

Matta 26:54

Laa jǝ maa nyǝn jǝ yii mʊlalɨ kɛl Kwaamaɨ nɨ lɛ a sʊwa gɔ, kanjǝl nɨ bwɨ nyɨɨ?”

Luka 21:19

Na jǝ́ kʊ nǝlɨ, jǝ́ bʊʊ bʊʊ.

Luka 21:9

Na jǝ́ nyʊwa kɛl tatǝm kun jǝbɔ kɨlantɨnɨ, ka jǝ́ nyʊwa lɛ taal. Kanjǝl nɨ tǝl bwɨ bwɨ dɨn. Dɨltǝmɔ mɨsɔ bɛ lɛ tʌgo a kang.”

Luka 22:37

Mǝ sʊwa jen nɛ, jʊ ja mʊla a kɛl Kwaamaɨ yii yii a dul mɨ gɔ, ‘Ja mʊr gǝn a mʊgɔ nǝb bwɨlangkɛl.’ Jʊ ja sʊwa a dul mɨɨ, kwama yiitǝm gǝnɔ a la.”

Yohana 14:1

“Ka jǝ́ kom lɛ dul jenɔ. Bɛ jǝ́ nǝ bɨlǝngkɛl a daa Kwaama woi, jǝ́ nǝ bɨlǝngkɛl a daa mǝ woi tag.

Yohana 14:27

N bǝla jen nǝn yɨm kwamɨgǝn. N yɨm kwamɨgǝn mǝ nǝ jen nɛɨ. Ke bɔ a wʊnɨ yooligɔ nǝ jen nɛɨ mǝ nǝ jen nɛɨ. Ka jǝ́ kom lɛ dul jenɔ. Ka jǝ́ nyʊwa lɛ taal.

2 Tasalonikaɨ 2:2

bɛ ka nǝl jenɔ ya mǝga lɛ. Ka jǝ́ gung lɛ nǝl jenɔ a nyʊwatǝm kaa kɛl kuwotǝmkǝga, kaa kiyotǝm fulon kaa langǝn bwangǝn, wʊnɨ kaamɨ gɔ a jel a daa nǝn woi gɔ, kɔkɔ bɛtǝm Tɛlalɔɨ a kwɛl a bɛɨ.

Dʊgam Nyangnyang 6:4

Nǝngɔ kaa tʊwa feli a jeli. Nǝngɔ ja nǝ nǝ gwitǝm gǝnɔ gola gɔ ga dem lǝmagɔ a yooli nɨ, dɨsɔ nǝfitʌmɔ ya jʌbko lɛ. Nǝngɔ ja nǝ gǝn gʌleng gulʌni.