Matta 23:5 - Dadiya NT

⁵ “Kanjǝl nɨ jǝ maa lɛɨ, jǝ maa sǝ nǝbɔ a kuwo. Jǝ bwa tafɨyatɨn nɨ ja mʊla kɛl Kwaamaɨ woi a tɛkǝga jinɔ gǝm. Dwang malǝng jinɔ a som nyɔ gǝla kwaala lɛ a tǝm.

Matta 23:5 ပူးပေါင်းရင်းမြစ်များ

Yohana 12:43

Jʊ a bwɨɨ, ja swɨ bǝlátǝmɔ a nyiyo nǝbɨɨ, a laa Kwaamaɨ.

Filibii 2:3

Ka jǝ́ maa lɛ swɨtǝm dul jǝbɔ gungtǝm dul. Jǝ́ na nǝn shigtǝm dul. Jǝ́ do nǝbɔ a laa jen laaɨ.

Yohana 5:44

La jǝ́ nǝ bɨlǝngkɛlɔ nyǝn, na jǝ́ swɨ saatǝm bǝlátǝm a kʊm jen, mɨ jǝ́ saa bǝlátǝm nɨ lɛ jel lɛ a daagɔ Kwaama woi kwaagɔ wini?

Luka 16:15

Yesu a sʊwa ji gɔ, “Nǝjen jǝ́ nʊng nya jenɔ lɛ a nu nǝbɨɨ, Kwaama a kwɛl a nyǝm nyǝmɨ nǝl jenɔ. Jʊ nɨ a bʊm a nu nǝbɨɨ, n kanjǝlɔ Kwaama kɔ lɛɨ.

Luka 20:47

N nǝbɔ ja kʊla nɔɔtǝmkʊlabɨ lɛɨ. Jǝ maa keligɔ a som nyɔ sǝ nǝbɔ a sʊwa gɔ jǝ nǝb sagsag. N nǝbɔ jǝ mwɛ ji lɛ a bʊwa a shiloi.”

Filibii 1:15

Kaamɨ gǝ kiyo kɛl Kiristii a kɛl nungon jǝbɔ bangakatǝm. Kaamɨ gǝ kiyo a gola nyan.

Yohana 7:18

Nʊ nɨ mɛla kanjǝl nɨ lɛ a yʊlan gǝnɨ, gǝ saa dul gǝnɔ gǝm dʊʊlǝn. Nʊ nɨ swɨ lɛ a saa nʊ nɨ a twam gǝnɨ gǝm dʊʊlǝnɨ, n nǝ bɨlǝngkɛl, mɨ nǝn bwɨlangkɛl a mʊgɔ gǝn.

Matta 9:20

Kaa nɔɔlɨ wʊnɨ a maa jolɔ kʊb jeli yo gʌ lɛ nǝn tʊʊm jeltǝmɨ, a bɛ a gul gǝn nǝngɔ a ke nyiyo dwang kwabtǝm gǝnɨ,

2 Tasalonikaɨ 2:4

Nʊ gɔ n nǝ kii. Maa kii lɛ jǝbɔ jʊ nɨ gwam nǝn dun Kwaamaɨ, jǝbɔ kanjǝl nɨ nǝbɔ bǝlá lɛɨ. A gung dul gǝnɔ a laa kanjǝl nɨ gwam. Yɨ yɨ a Kan Kwaaman Kwaamaɨ, sʊwa lɛ gɔ nǝn gɔ gǝ nǝn Kwaama.