Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matta 2:13 - Dadiya NT

13 Nǝn kwama nǝb nɨ a shui, nǝngɔ bwɛ twama Tɛlalɔɨ a nʊng Yusufu a mʊgɔ dʊgam gɔ, “Gun guni, do bwɛ dwalɨ nɨ jǝbɔ nyɨya gɔ ń mwal ń yɔ nǝn a tǝm Masar. Bɛ ka ń yǝla lɛ ń bɛ, na mǝ twam mʊn bɔ twamaɨ, jʊ a bwɨɨ Hiridus saa lɛ sǝ gǝ jʌ gǝn.”

အခန်းကိုကြည့်ပါ။ ကော်ပီ




Matta 2:13
29 ပူးပေါင်းရင်းမြစ်များ  

Nǝn kwama maam bʊʊlalɨ jʊ nɨ lɛ a nǝl gǝnɨ, nǝngɔ bwɛ twama Tɛlalɔɨ a bɛ a daa gǝ woi a mʊgɔ dʊgamɨ. Nǝngɔ a sʊwa gǝn gɔ, “Yusufu bʊla Daudaɨ, ka ń nyʊwa lɛ taal naatǝm nwala mɔ Maryamui, jʊ a bwɨɨ, fʌl nɨ gǝ nǝngǝnɨ, a bɛ a daagɔ Yʊwa Kwaamaɨ woi.


Na jǝ nǝ jen gaalan nɛ a kaa tuulɔɨ, jǝ́ mwal jǝ́ shu a kaa tuulɔ. N bɨlǝngǝn mǝ sʊwa jen nɛɨ, mɨsɔ jǝ́ dɨɨ kɛlatǝm tuulɔtɨn Israilagɔ lɛ gwam, sǝ Bʊla Nǝlɨ a bɛ.


Kwaama a kwɛl a gʊ lɔl jinɔ a dʊgam gɔ, ka ja yǝla lɛ a daa Hiridus woi. Nǝngɔ ja yǝla ja do kaa gola ja shu a tǝm jini.


Nǝngɔ Yusufu a do bwɛ dwalɨ nɨ jǝbɔ nyɨya gɔ a mwal nǝn ji a Masarɨ,


Nǝn kwama Hiridus a nyǝm gɔ nǝb nyǝmtǝm nɨ a swag gǝn swagɨ, nǝngɔ a maa nabwɨlɨ. Nǝngɔ a sʊwa gɔ ja jʌ bɛtɔ batǝnɔ gwam a Baitalamii jǝbɔ daatɨn nɨ a kɔtʌgo gwamɨ, ja jʌbo bɛtɔ batǝn nɨ a shu bɔ jolɔ yoi. A yɔ dǝngdǝng jǝbɔ kwamagɔ a nyʊwam bʌtʌm bwɛ balɨ nɨ a nyiyo nǝb nyǝmtǝm nɨɨ.


Nǝn kwama a nyʊwa gɔ nǝn Arkilayus bʊla Hiridusi a gwi fɔlɔn tɨya gɨɨ a Yahudiyaɨ, nǝngɔ a nyʊwa taal yɔtǝmɔ woi. Ja gʊ lɔl gǝnɔ a mʊgɔ dʊgam, nǝngɔ a tang a tǝm Galilii.


Nǝngɔ ja sʊwa gɔ, “Na kaa dʊʊ sʊwajaam, dun gǝnɔ nǝn Karniliyas, a twam nǝnɨ. N nǝ dǝngdǝng, n nǝ nyʊwatǝm taal Kwaamaɨ, wʊnɨ Yahudawagɔ gwam sʊwa kɛl nyan nɛ a dul gǝnɨ. Nǝngɔ kaa bwɛ twama Kwaamaɨ sagsag a sʊwa gǝn gɔ, a twam mʊn sǝ ń yɔ a lɔ gɔ, sǝ a nyʊwa jʊ mʊ sʊwa lɛɨ.”


Bwɛ twama Kwaamaɨ a sʊwa gǝn kɛlɔ a shui, nǝngɔ Karniliyas a jo bɛtɔ jwaalɛn gǝnɔ yo, jǝbɔ kaa sʊwajaam nǝ bwangtǝm Kwaamaɨ a mʊgɔ nǝb nɨ maa gǝm maajɨ lɛɨ.


Nǝngɔ la Bitrus a yǝla a bɛ a bʊʊlalɨ gǝnɔ gǝmɨ. A sʊwa gɔ, “Bɨlǝngǝn n nyǝm, nǝn Tɛlalɔ a twam bwɛ twama gǝnɔ sǝ a bʊʊ nǝn mǝ a kang Hiridusi, jǝbɔ bwɨlang kanjǝgan nɨ gwam Yahudawagɔ a fɛka a dul mɨɨ.”


Tʌgo a kang dangǝn, nǝngɔ kaa bwɛ twama Tɛlalɔɨ a nʊng dul gǝnɨ. Kaa nyalǝmɔ beta lɛ a mʊgɔ kan nɨɨ. Nǝngɔ la a ke Bitrus a daalɨ, a gung gǝnɨ a sʊwa gɔ, “Gun dǝbǝr.” Nǝngɔ la golmanɔ a tǝlam a kang Bitrusi.


Nǝ dʌngtǝm lɔsomigɔ a sʊwa Bulus gɔ, “Nǝb mwatɨtǝm borangɔ gɔ ja dem jem kang. Kǝngkɔ jǝ́ jel, jǝ́ yɔ kwamɨgǝn.”


Nǝn kum, nǝngɔ kaa bwɛ twama Tɛlalɔɨ ba wum nyanga kan lɔsomigɨɨ. Nǝngɔ a jǝg jii, a sʊwa ji gɔ,


Fɔlɔ nɨ a wul nǝbam bǝnɔ. A nǝ tʊgalam bǝnɔ gaalan. A dǝg gɔ ja tǝlam bɛtɔ fetʌn jinɔ, kage ja bʊʊ.


Ja nǝ nɔɔlɨ nɨ bɨlǝntɨnɔ yo, a gʌleng gʌtʌbi, sǝ a gun a shu a daagɔ sɔɔ dʊʊ nɨ woi, sǝ a mwal a shu a dʌbʌl. A gun sǝ a shu a daagɔ ja fɛka gǝm a mʊgɔ kuuli, a daa nɨ jǝ dʌng gǝn nɛ wo jolɔ taal jǝbɔ bwaala nukuni.


Yǝga gǝnɔ a kʊlam nyanyamɨtɨnɔ win a mʊgɔ taal a dʌbʌl kwama a tal ji a tǝm. Nǝngɔ gʌleng sɔɔ dʊʊ nɨ a tɨ a kǝga nɔɔlɨ nɨ ji bɔɔla fʌl lɛɨ, sǝ a mɨm bʊla gɔ na ga butoi.


Nǝngɔ nɔɔlɨ nɨ a mwal a dɔ mʊgɔ kuuli, a daagɔ Kwaama a fɛka gǝmɨ. N daa gɔ Kwaama dʌng gǝn lɛ woi, na kumɔ fʊlkʊblǝn win jǝbɔ fʊlkʊb yo jǝbɔ fʊltǝnukun (1,260).


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ