Matta 2:12 - Dadiya NT

¹² Kwaama a kwɛl a gʊ lɔl jinɔ a dʊgam gɔ, ka ja yǝla lɛ a daa Hiridus woi. Nǝngɔ ja yǝla ja do kaa gola ja shu a tǝm jini.

Matta 2:12 ပူးပေါင်းရင်းမြစ်များ

Matta 1:20

Nǝn kwama maam bʊʊlalɨ jʊ nɨ lɛ a nǝl gǝnɨ, nǝngɔ bwɛ twama Tɛlalɔɨ a bɛ a daa gǝ woi a mʊgɔ dʊgamɨ. Nǝngɔ a sʊwa gǝn gɔ, “Yusufu bʊla Daudaɨ, ka ń nyʊwa lɛ taal naatǝm nwala mɔ Maryamui, jʊ a bwɨɨ, fʌl nɨ gǝ nǝngǝnɨ, a bɛ a daagɔ Yʊwa Kwaamaɨ woi.

Matta 2:13

Nǝn kwama nǝb nɨ a shui, nǝngɔ bwɛ twama Tɛlalɔɨ a nʊng Yusufu a mʊgɔ dʊgam gɔ, “Gun guni, do bwɛ dwalɨ nɨ jǝbɔ nyɨya gɔ ń mwal ń yɔ nǝn a tǝm Masar. Bɛ ka ń yǝla lɛ ń bɛ, na mǝ twam mʊn bɔ twamaɨ, jʊ a bwɨɨ Hiridus saa lɛ sǝ gǝ jʌ gǝn.”

Matta 2:19

Nǝn kwama Hiridus a bʊlaɨ, nǝngɔ bwɛ twama Tɛlalɔɨ a bɛ Yusufu gǝm a mʊgɔ dʊgam a tǝm Masarɨ gɔ,

Matta 2:22

Nǝn kwama a nyʊwa gɔ nǝn Arkilayus bʊla Hiridusi a gwi fɔlɔn tɨya gɨɨ a Yahudiyaɨ, nǝngɔ a nyʊwa taal yɔtǝmɔ woi. Ja gʊ lɔl gǝnɔ a mʊgɔ dʊgam, nǝngɔ a tang a tǝm Galilii.

Matta 27:19

Nǝn kwama nɨ gǝ yǝm a daa yɨm maatǝm borangɨ, nǝngɔ nwala gɔ a twam gǝm gɔ, “Jelʌm a gola nǝ dǝngdǝng nɨ gǝm, jʊ a bwɨɨ dwiyen n dɔta nǝn dʊgam a dul gǝn.”

Luka 2:26

Yʊwa Kwaamaɨ a kwɛl a nʊng gǝn gɔ, gǝ kuwo kuwo bʌtʌm Kiristii, a Tɛlalɔɨ, sǝla ga bʊla.

Maajɨ Bɛtɔ Twamagɨɨ 10:22

Nǝngɔ ja sʊwa gɔ, “Na kaa dʊʊ sʊwajaam, dun gǝnɔ nǝn Karniliyas, a twam nǝnɨ. N nǝ dǝngdǝng, n nǝ nyʊwatǝm taal Kwaamaɨ, wʊnɨ Yahudawagɔ gwam sʊwa kɛl nyan nɛ a dul gǝnɨ. Nǝngɔ kaa bwɛ twama Kwaamaɨ sagsag a sʊwa gǝn gɔ, a twam mʊn sǝ ń yɔ a lɔ gɔ, sǝ a nyʊwa jʊ mʊ sʊwa lɛɨ.”

Maajɨ Bɛtɔ Twamagɨɨ 4:19

Bitrus jǝbɔ Yohana a jǝla ji gɔ, “N dǝngdǝng a kǝga Kwaamaɨ nǝn nyʊwa kɛl jenɔ a laa a Kwaamaɨ ka? Jǝ́ dʌng sǝ jǝ́ kuwo.

Maajɨ Bɛtɔ Twamagɨɨ 5:29

Bitrus jǝbɔ bɛtɔ twamagɔ ja jǝla gɔ, “Mɨ gʊtǝm wo nǝn gul, nǝn bwangtǝn bwang diil Kwaamaɨ, ke bɔ a nǝfilii.

1 Korinti 3:19

Yʊlan yooligɔ n fʌmʌn a daagɔ Kwaama woi. A mʊla mʊlaɨ gɔ, “Gǝ ta ta nǝb yʊlanɔ nǝn shil jinɔ.”

Ibranii 11:7

N gola nǝtǝm bɨlǝngkɛl Nuhui, nǝn kwama nɨ Kwaama a gʊ gǝm lɔl a dul kanjǝl nɨ ja kuwo bɔ dɨnɨ, nyʊwa taal Kwaamaɨ lɛ. Nǝngɔ a swiyo gʌleng tɨyamwɛngɔ sǝ a bʊʊ nǝn nǝbɔ lɔ gɨɨ. N gola nǝtǝm bɨlǝngkɛl tag a nʊng yooligɔ bwɨlangkɛl gǝnɨ, a yǝlam nǝ dǝngdǝng a kǝga Kwaamaɨ wʊnɨ nyatǝm gǝnɔ gǝ na a gola nǝtǝm bɨlǝngkɛlɨ.

Ibranii 8:5

Jǝ maa maajɨgɔ a lɔ tǝlatǝm twama nɨ n jelkalǝng lɔ nɨ a dʌbʌli. N jʊ a bwɨ Kwaama a gʊ lɔl Musaɨ nǝn kwamagɔ maam fɛkalɨ mɔtǝm lɔ tǝlatǝm twamagɔ lɛɨ, a sʊwa gɔ, “Bɛ ń kaa lɔl mʊnɔ. Bɛ ń fɛka kanjǝlɔ a yɔ tʌgo kanga mǝ sʊwa ń a dʌbʌl yemi.”