Matta 19:23 - Dadiya NT

²³ Nǝngɔ Yesu a sʊwa bɛtɔ mɛlalɨ gǝnɔ gɔ, “N bɨlǝngǝn mǝ sʊwa jen nɛɨ, bwa bwa sǝ nǝ shilo a nya dɔtǝm fɔlɔn lɔ Kwaamaɨ.

Matta 19:23 ပူးပေါင်းရင်းမြစ်များ

Matta 13:22

Nʊ nɨ a yal a kʊm sholaɨ, n nʊ nɨ a nyʊwa kɛl Kwaamaɨ, komʌn kanjǝl yooligɔ jǝbɔ swɨtǝm shilo a bǝm kɛl Kwaamaɨ a kala nǝn kwanɨ.

Markus 10:23

A daa gɔ nǝngɔ Yesu a dʌng bɛtɔ mɛlalɨ gǝnɨ, a sʊwa ji gɔ, “Bwa bwa sǝ nǝb shilo a nya dɔtǝm fɔlɔn lɔ Kwaamaɨ.”

Luka 18:24

Yesu a dʌng gǝnɨ, nǝngɔ a kuwo nǝl gǝnɔ a kalaɨ, nǝngɔ a sʊwa gɔ, “Bwa bwa sǝ nǝb shilo a nya dɔtǝm fɔlɔn lɔ Kwaamaɨ.

1 Korinti 1:26

Jǝ́ dʌng jotǝmɔ ja jo jeni kambɔ. A kʊm jen ja jo bɔ nǝb nyǝmtǝm yooligɔ a lada, nǝb kwaan fɔlɔnɔ a lada bɔ tʌji, bɛtɔ nǝb dʊʊmɨ a lada bɔ.

Yohana 3:3

Nǝngɔ Yesu a sʊwa gǝn gɔ, “N bɨlǝngkɛl mǝ sʊwa ń nɛɨ, mɨ nǝn nʊ nɨ kuwo fɔlɔn lɔ Kwaamaɨ lɛ, na ja yǝla bɔ ja bʌ gǝn tʌgoi.”

Yakubu 2:6

A jenɔ jǝ́ soga nǝb bʊnǝnɔ. Ke bɔ nǝb shilogɔ nǝ jen gaalan nɛɨ ka? Ke bɔ ji jǝ gʊ jen nɛ jǝ yɔ nǝn jen a kan borangɨ ka?

Maajɨ Bɛtɔ Twamagɨɨ 14:22

Jǝ kwam nǝb bwangtǝm Kwaamaɨ gǝm nǝl lɛ gɔ ja tɨ a nǝtǝm bɨlǝngkɛl. Jǝ sʊwa lɛ gɔ, “Nǝn nɔɔtǝm gaalanɔ a lada bǝ dɔ fɔlɔn lɔ Kwaamaɨ lɛɨ.”

Yohana 3:5

Nǝngɔ Yesu a jǝla gǝn gɔ, “N bɨlǝngkɛl mǝ sʊwa ń nɛɨ, na ja bʌ bɔ nǝl a gola mwɛ jǝbɔ Yʊwa Kwaamaɨ, mɨsɔ dɔ fɔlɔn lɔ Kwaamaɨ lɛ.

Matta 18:3

Nǝngɔ a sʊwa gɔ, “N bɨlǝngǝn mǝ sʊwa jen nɛɨ, na jǝ́ fʌto bɔ jǝ́ yǝla nǝn dul jenɔ na bɛtɔ dwalǝnɨ, mɨsɔ jǝ́ dɔ fɔlɔn lɔ Kwaamaɨ lɛ.

Matta 5:20

Mǝ sʊwa jen nɛ, na dǝngdǝng jenɔ a laa bɔ a nǝb mɛlalɨ diili jǝbɔ a nǝbɔ Farisaɨ, mɨsɔ jǝ́ dɔ fɔlɔn lɔ Kwaamaɨ lɛ wo.

Matta 21:31

“A mʊgɔ ji nɨ yoi, n nʊ won a maa jʊ tɛtɛ ji swɨ lɛɨ?” Nǝngɔ ja sʊwa gɔ, “N bwɛ tɨkǝgagɔ.” Nǝngɔ Yesu a sʊwa ji gɔ, “N bɨlǝngǝn mǝ sʊwa jen nɛɨ, nǝb yotǝm kemʌn tǝmɔ jǝbɔ nɔɔtǝm bulonɔ jǝ dɔ dɔ fɔlɔn lɔ Kwaamaɨ ja laa jen.

Matta 19:22

Bwayǝlɨ nɨ a nyʊwa nyɨɨ, nǝngɔ a shu nǝn kaltǝm nǝlɨ, jʊ a bwɨɨ n nǝ shilo dangǝn.